ਚੰਡੀਗੜ੍ਹ, 11 ਫਰਵਰੀ (ਅਜੀਤ ਬਿਊਰੋ)-ਆਪਣੀ ਨਵੀਂ ਐਲਬਮ ਨੂੰ ਲੋਕ ਕਚਹਿਰੀ 'ਚ ਲੈ ਕੇ ਆਉਣ ਦੀ ਤਿਆਰੀ ਕਰ ਰਹੀ ਅਦਾਕਾਰਾ, ਮਾਡਲ ਅਤੇ ਐਾਕਰ ਦੀਪਾਕਸ਼ੀ ਨੇ ਅੱਜ ਇੱਥੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਕਿਹਾ ਕਿ ਹੁਣ ਪੰਜਾਬੀ ਸਿਨੇਮਾ ਗਰਾਫ਼ ਲਗਾਤਾਰ ਉੱਤੇ ਵੱਲ ਜਾ ਰਿਹਾ ਹੈ ਅਤੇ ਬਾਲੀਵੁੱਡ ਅਦਾਕਾਰ ਵੀ ਹੁਣ ਪੰਜਾਬੀ ਗੀਤਾਂ ਵਿਚ ਆਮ ਦੇਖੇ ਜਾਣ ਲੱਗੇ ਹਨ | ਉਸ ਨੇ ਕਿਹਾ ਕਿ ਪੰਜਾਬੀ ਫ਼ਿਲਮ ਇੰਡਸਟਰੀ ਲਈ ਸ਼ੁੱਭ ਸ਼ਗਨ ਤਾਂ ਹੈ ਹੀ ਸਗੋਂ ਅਜਿਹੇ ਪੰਜਾਬੀ ਜੋ ਇਸ ਖੇਤਰ 'ਚ ਅੱਗੇ ਆਉਣਾ ਚਾਹੁੰਦੇ ਹਨ ਉਨ੍ਹਾਂ ਲਈ ਵੀ ਇਸ ਖੇਤਰ 'ਚ ਕੰਮ ਕਰਨ ਦੇ ਨਵੇਂ ਮੌਕੇ ਪੈਦਾ ਹੋਣ ਦੀਆਂ ਸੰਭਾਵਨਾਵਾਂ ਵਧਣ ਲੱਗੀਆਂ ਹਨ | ਦੀਪਾਕਸ਼ੀ ਪੰਜਾਬੀ ਫ਼ਿਲਮ ਇੰਡਸਟਰੀ ਦੇ ਵਿਕਾਸ ਨੂੰ ਦੇਖ ਕੇ ਕਾਫ਼ੀ ਉਤਸ਼ਾਹਿਤ ਹੈ ਅਤੇ ਆਉਂਦੇ ਦਿਨਾਂ ਵਿਚ ਕਈ ਨਵੇਂ ਪ੍ਰਾਜੈਕਟਾਂ ਵਿਚ ਵੀ ਦੇਖਣ ਨੂੰ ਮਿਲੇਗੀ |
