ਕਾਂਗਰਸ ਪ੍ਰਧਾਨ ਨੇ ਪਹਿਲੇ ਪ੍ਰਧਾਨ ਮੰਤਰੀ ਪੰਡਿਤ ਜਵਾਹਰ ਲਾਲ ਨਹਿਰੂ ਅਤੇ ਸਰਦਾਰ ਪਟੇਲ ਦਰਮਿਆਨ ਰੇੜਕੇ ਹੋਣ ਦੇ ਅਪੁਸ਼ਟ ਦਾਅਵਿਆਂ ਨੂੰ ਖਾਰਜ ਕਰਦਿਆਂ ਕਿਹਾ ਕਿ ਆਰ.ਐਸ.ਐਸ. ਦੇ ਲੋਕ ਪੰਡਿਤ ਨਹਿਰੂ ਅਤੇ ਸਰਦਾਰ ਪਟੇਲ ਦਰਮਿਆਨ ਹਮੇਸ਼ਾ ਵਿਵਾਦ ਦੀ ਗੱਲ ਕਰਦੇ ਰਹਿੰਦੇ ਹਨ, ਜਦਕਿ ਦੋਹਾਂ 'ਚ ਕਾਫੀ ਚੰਗੇ ਸੰਬੰਧ ਹਨ ਅਤੇ ਮੌਕੇ-ਮੌਕੇ 'ਤੇ ਇਕ-ਦੂਜੇ ਦੀ ਤਾਰੀਫ਼ ਹੀ ਕਰਦੇ ਨਜ਼ਰ ਆਉਂਦੇ ਸਨ | ਨਹਿਰੂ ਨੇ ਹਮੇਸ਼ਾ ਹੀ ਦੇਸ਼ ਨੂੰ ਇਕ ਲੜੀ 'ਚ ਬੰਨ੍ਹਣ ਲਈ ਪਟੇਲ ਦੀ ਤਾਰੀਫ਼ ਕੀਤੀ ਅਤੇ ਪਟੇਲ ਨੇ ਨਹਿਰੂ ਨੂੰ ਦੇਸ਼ ਲਈ ਇਕ ਆਦਰਸ਼ ਦੱਸਿਆ ਸੀ | ਖੜਗੇ ਦੀ ਇਹ ਟਿੱਪਣੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਉਸ ਬਿਆਨ ਤੋਂ ਬਾਅਦ ਆਈ ਹੈ, ਜਿਸ 'ਚ ਉਨ੍ਹਾਂ ਕਿਹਾ ਸੀ ਕਿ ਪਟੇਲ ਪੂਰੇ ਕਸ਼ਮੀਰ ਨੂੰ ਭਾਰਤ 'ਚ ਮਿਲਾਉਣਾ ਚਾਹੁੰਦੇ ਸਨ, ਪਰ ਉਸ ਵੇਲੇ ਦੇ ਪ੍ਰਧਾਨ ਮੰਤਰੀ ਪੰਡਿਤ ਜਵਾਹਰ ਲਾਲ ਨਹਿਰੂ ਨੇ ਅਜਿਹਾ ਨਹੀਂ ਹੋਣ ਦਿੱਤਾ |
