ਸਰਹੱਦਾਂ ਕਦੇ ਵੀ ਬਦਲ ਸਕਦੀਆਂ ਹਨ-ਰਾਜਨਾਥ

ਕਿਹਾ, ਸਿੰਧ ਅੱਜ ਭਾਰਤ 'ਚ ਨਹੀਂ ਪਰ ਕੱਲ੍ਹ ਹੋ ਵੀ ਸਕਦੈ
ਨਵੀਂ ਦਿੱਲੀ, 23 ਨਵੰਬਰ (ਪੀ. ਟੀ. ਆਈ.)-ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਸਾਬਕਾ ਉਪ ਪ੍ਰਧਾਨ ਮੰਤਰੀ ਲਾਲ ਕ੍ਰਿਸ਼ਨ ਅਡਵਾਨੀ ਦੀ ਕਹੀ ਗੱਲ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਸਰਹੱਦਾਂ ਬਦਲ ਸਕਦੀਆਂ ਹਨ ਅਤੇ ਕੌਣ ਜਾਣਦਾ ਹੈ, ਸਿੰਧ ਕੱਲ੍ਹ ਭਾਰਤ 'ਚ ਹੋ ਵੀ ਸਕਦਾ ਹੈ | ਰਾਜਨਾਥ ਨੇ ਕਿਹਾ ਕਿ ਸਿੰਧੀ ਲੋਕਾਂ ਦੇ ਜਨਮ ਭੂਮੀ ਵਜੋਂ ਜਾਣਿਆ ਜਾਂਦਾ ਸਿੰਧ ਖੇਤਰ, ਭਾਰਤ ਦੀ ਸੱਭਿਅਤਾ ਦਾ ਇਕ ਮਹੱਤਵਪੂਰਨ ਹਿੱਸਾ ਰਿਹਾ ਹੈ | ਇਹ ਸਿੰਧੂ ਘਾਟੀ ਸੱਭਿਅਤਾ ਦਾ ਕੇਂਦਰ ਵੀ ਸੀ | 1947 ਦੀ ਵੰਡ ਦੇ ਨਾਲ ਇਹ ਖੇਤਰ ਪਾਕਿਸਤਾਨ ਦਾ ਹਿੱਸਾ ਬਣ ਗਿਆ | ਦਿੱਲੀ ਵਿਚ ਇਕ ਸਿੰਧੀ ਭਾਈਚਾਰਕ ਕਾਨਫ਼ਰੰਸ ਵਿਚ ਰੱਖਿਆ ਮੰਤਰੀ ਸਿੰਘ ਨੇ ਕਿਹਾ ਕਿ ਇਹ ਅਡਵਾਨੀ (ਲਾਲ ਕ੍ਰਿਸ਼ਨ ਅਡਵਾਨੀ) ਨੇ ਵੀ ਕਿਹਾ ਸੀ, ਅੱਜ ਸਿੰਧ ਦੀ ਧਰਤੀ ਭਾਰਤ ਦਾ ਹਿੱਸਾ ਨਹੀਂ ਪਰ ਸੱਭਿਅਤਾ ਦੇ ਤÏਰ 'ਤੇ ਸਿੰਧ ਹਮੇਸ਼ਾ ਭਾਰਤ ਦਾ ਹਿੱਸਾ ਰਹੇਗਾ |