ਬੀਣੇਵਾਲ, 25 ਸਤੰਬਰ (ਬੈਜ ਚੌਧਰੀ)-ਪਿੰਡ ਬੀਣੇਵਾਲ ਦੇ ਮਾਸਟਰ ਅਜੇ ਰਾਣਾ ਦੀ ਹੋਣਹਾਰ ਬੇਟੀ ਰੀਤਿਕਾ ਰਾਣਾ ਵਲੋਂ ਨੀਟ ਪ੍ਰੀਖਿਆ 2025 ਵਿਚ 548 ਅੰਕ ਪ੍ਰਾਪਤ ਕਰਕੇ 13324 ਵਾਂ ਰੈਂਕ ਹਾਸਲ ਕੀਤਾ | ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲ ਗੁਰੂਬਿਸ਼ਨਪੁਰੀ ਭਵਾਨੀਪੁਰ ਤੋਂ ਬਾਹਰਵੀਂ ਤਕ ਸਿੱਖਿਆ ਪ੍ਰਾਪਤ ਕਰਕੇ ਰੀਤਿਕਾ ਰਾਣਾ ਵਲੋਂ ਨੀਟ ਪ੍ਰੀਖਿਆ 'ਚ ਵਧੀਆ ਰੈਂਕ ਪ੍ਰਾਪਤ ਕਰਦੇ ਹੋਏ ਸਰਕਾਰੀ ਮੈਡੀਕਲ ਕਾਲਜ ਅੰਮਿ੍ਤਸਰ ਵਿਚ ਐਮ. ਬੀ. ਬੀ. ਐਸ. ਦੀ ਸੀਟ ਪ੍ਰਾਪਤ ਕੀਤੀ | ਉਪਕਾਰ ਐਜੂਕੇਸ਼ਨ ਐਂਡ ਚੈਰੀਟੇਬਲ ਟ੍ਰਸਟ ਗੜ੍ਹਸ਼ੰਕਰ ਵਲੋਂ ਰੀਤਿਕਾ ਰਾਣਾ ਦੀ ਇਸ ਪ੍ਰਾਪਤੀ ਲਈ ਉਨਾਂ ਦੇ ਨਿਵਾਸ ਬੀਣੇਵਾਲ ਪਹੁੰਚ ਕੇ ਵਿਸ਼ੇਸ਼ ਤੌਰ 'ਤੇ ਸਨਮਾਨਿਤ ਕੀਤਾ ਗਿਆ | ਇਸ ਮੌਕੇ ਕਾਮਰੇਡ ਦਰਸ਼ਨ ਸਿੰਘ ਮੱਟੂ, ਭੁਪਿੰਦਰ ਰਾਣਾ, ਸੰਦੀਪ ਸ਼ਰਮਾ, ਸਾਬਕਾ ਸਰਪੰਚ ਮਾਸਟਰ ਸੁਭਾਸ਼ ਚੰਦਰ, ਸਮਾਜ ਸੇਵੀ ਰਾਮ ਲੁਭਾਇਆ, ਲੈਕਚਰਾਰ ਰਾਜ ਕੁਮਾਰ,ਮਾਸਟਰ ਅਸ਼ਵਨੀ ਰਾਣਾ, ਪ੍ਰਸ਼ੋਤਮ ਸੇਠੀ ਅਤੇ ਵਿਜੇ ਰਾਣਾ ਆਦਿ ਹਾਜ਼ਰ ਸਨ |
