ਕੋਟਫ਼ਤੂਹੀ, 25 ਸਤੰਬਰ (ਅਟਵਾਲ) -ਨਜ਼ਦੀਕੀ ਪਿੰਡ ਬਿੰਜੋਂ ਦੇ ਮਾਂ ਭਗਵਤੀ ਸੀਤਲਾ ਦੇਵੀ ਮੰਦਿਰ ਵਿਖੇ ਪ੍ਰਬੰਧਕ ਕਮੇਟੀ ਵੱਲੋਂ ਸਮੂਹ ਨਗਰ ਨਿਵਾਸੀਆਂ, ਐਨ. ਆਰ. ਆਈ ਵੀਰਾਂ ਦੇ ਸਹਿਯੋਗ ਨਾਲ 15 ਵਾਂ ਮਾਂ ਭਗਵਤੀ ਜਾਗਰਣ ਕਰਵਾਉਣ ਸਬੰਧੀ ਇੱਕ ਮੀਟਿੰਗ ਭਗਤ ਤਰਸੇਮ ਸਿੰਘ ਦੀ ਸਰਪ੍ਰਸਤੀ ਹੇਠ ਹੋਈ, ਜਿਸ ਵਿਚ ਸੁਖਦੇਵ ਬੱਸੀ, ਮੰਗਲ ਸਿੰਘ ਬਿੱਟਾ, ਕੁਲਵਿੰਦਰ ਸਿੰਘ, ਬਲਵੀਰ ਸਿੰਘ, ਮਝੈਲ ਸਿੰਘ, ਜਸਪਾਲ ਸਿੰਘ ਫ਼ੌਜੀ, ਹਰਵਿੰਦਰ ਸਿੰਘ, ਚਰਨਜੀਤ ਸਿੰਘ, ਰਾਜੂ, ਸੂਬੇ. ਕੁਲ ਵਰਨ ਸਿੰਘ, ਨਮਨ ਬੱਸੀ, ਪੰਡਤ ਪ੍ਰਦੀਪ ਲਾਲੀ, ਮਾਸਟਰ ਸੁਖਵਿੰਦਰ ਸਿੰਘ, ਪਰਮਜੀਤ ਸਿੰਘ ਫ਼ੌਜੀ, ਕੈਪਟਨ ਧਰਮਪਾਲ ਸਿੰਘ, ਹਰਪ੍ਰੀਤ ਸਿੰਘ, ਸੋਨੂੰ ਅਤੇ ਵਰੁਨ ਆਦਿ ਹਾਜ਼ਰ ਸਨ | ਇਸ ਮੌਕੇ ਉਨ੍ਹਾਂ ਦੱਸਿਆ ਕਿ ਜਾਗਰਣ ਦੇ ਸਬੰਧ ਵਿਚ 30 ਸਤੰਬਰ ਨੂੰ ਸਵੇਰੇ 8 ਵਜੇ ਹਵਨ ਹੋਵੇਗਾ ਤੇ ਇੱਕ ਅਕਤੂਬਰ ਨੂੰ ਦੁਪਹਿਰ 12 ਵਜੇ ਕੰਜਕ ਪੂਜਨ ਹੋਵੇਗਾ | ਸ਼ਾਮ 8 ਵਜੇ ਤੋ ਸਾਰੀ ਰਾਤ ਮਾਂ ਭਗਵਤੀ ਦਾ ਜਾਗਰਣ ਹੋਵੇਗਾ | ਇਸ ਜਾਗਰਣ ਦੌਰਾਨ ਗਾਇਕ ਰਾਏ ਜੁਝਾਰ, ਸੁੱਖਾ ਰਾਮ ਸਰੋਆ, ਸਤੀਸ਼ ਕੁਮਾਰ ਪੀਟਾ ਰਾਮਪੁਰ ਬਿਲੜੋਂ ਵਾਲੇ ਮਹਾਂ ਮਾਈ ਦਾ ਗੁਣਗਾਨ ਕਰਨਗੇ |
