ਮੁੱਲਾਂਪੁਰ-ਦਾਖਾ, 5 ਸਤੰਬਰ (ਨਿਰਮਲ ਸਿੰਘ ਧਾਲੀਵਾਲ)- ਹਾਲ ਹੀ 'ਚ ਆਏ ਹੜ੍ਹਾਂ ਤੋਂ ਪ੍ਰਭਾਵਿਤ ਲੋਕਾਂ ਨੂੰ ਰਾਹਤ ਅਤੇ ਪੁਨਰਵਾਸ ਸਮੱਗਰੀ ਨਾਲ ਟਰੱਕ (ਟੈਂਪੂ) ਭਰ ਕੇ ਮੰਡੀ ਮੁੱਲਾਂਪੁਰ ਦੇ ਦਸਮੇਸ਼ ਸੇਵਾ ਦਲ ਦੀ ਵਲੰਟੀਅਰ ਟੀਮ ਚਰਨਜੀਤ ਸਿੰਘ ਖ਼ਾਲਸਾ, ਇੰਦਰਜੀਤ ਸਿੰਘ, ਤੇਜਿੰਦਰ ਸਿੰਘ ਨਾਗੀ, ਬੇਅੰਤ ਸਿੰਘ, ਜਸਕੀਰਤ ਸਿੰਘ, ਗੁਰਪ੍ਰੀਤ ਸਿੰਘ ਖ਼ਾਲਸਾ, ਕਿ੍ਸ਼ਨ ਕੁਮਾਰ ਬੰਟੀ ਵਲੋਂ ਵੱਖੋ-ਵੱਖ ਹੜ੍ਹ ਪ੍ਰਭਾਵਿਤ ਜ਼ਿਲਿ੍ਹਆਂ ਲਈ ਰਵਾਨਾ ਕੀਤਾ | ਹੜ੍ਹ ਪੀੜ੍ਹਤਾਂ ਲਈ ਰਾਹਤ ਸਮੱਗਰੀ ਭੇਜਣ ਸਮੇਂ ਤੇਜਿੰਦਰ ਸਿੰਘ ਨਾਗੀ, ਗੁਰਪ੍ਰੀਤ ਸਿੰਘ, ਇੰਦਰਜੀਤ ਸਿੰਘ ਨੇ ਦੱਸਿਆ ਕਿ ਸਾਡੇ ਵਲੋਂ ਬਚਾਅ ਅਤੇ ਪੁਨਰਵਾਸ ਕੰਮਾਂ ਵਿਚ ਲੱਗੀਆਂ ਟੀਮਾਂ ਨੂੰ ਸਹਿਯੋਗ ਦੇ ਨਾਲ ਮੀਂਹ 'ਚ ਘਿਰੇ ਲੋਕਾਂ ਨੂੰ ਲੰਗਰਾਂ, ਸੁੱਕੇ ਸੀਧੇ ਦੀ ਸੇਵਾ ਬਾਅਦ ਜਲਦੀ ਹੀ ਇੰਨ੍ਹਾਂ ਇਲਾਕਿਆਂ 'ਚ ਪਸ਼ੂਆਂ ਲਈ ਤੂੜੀ, ਮੱਕੀ ਦੇ ਅਚਾਰ ਦੀ ਸੇਵਾ ਭੇਜੀ ਜਾਵੇਗੀ |