ਬਹਿਰਾਮ, 1 ਜੂਨ (ਸਰਬਜੀਤ ਸਿੰਘ ਰਾਣਾ)-ਅੰਤਰਰਾਸ਼ਟਰੀ ਸਹਿਕਾਰੀ ਸਭਾਵਾਂ ਸਾਲ 2025 ਦੇ ਮੱਦੇਨਜ਼ਰ ਦੀ ਨਵਾਂਸ਼ਹਿਰ ਸੈਂਟਰਲ ਕੋਅਪ੍ਰੇਟਿਵ ਬੈਂਕ ਬਰਾਂਚ ਮੇਹਲੀ ਵਿਖੇ ਬ੍ਰਾਂਚ ਮੈਨੇਜਰ ਮਮਤਾ ਮੋਨਿਕਾ ਦੀ ਅਗਵਾਈ ਹੇਠ ਸਟਾਫ਼ ਗਾਹਕ ਮਿਲਣੀ ਦੇ ਸੰਬੰਧ 'ਚ ਸਮਾਗਮ ਕਰਵਾਇਆ ਗਿਆ | ਇਸ ਮੌਕੇ ਬੈਂਕ ਵਿੱਚ ਵੱਖ-ਵੱਖ ਖਾਤਾ ਧਾਰਕ ਅਤੇ ਸਹਿਕਾਰੀ ਸਭਾਵਾਂ ਦੇ ਸਕੱਤਰ ਅਤੇ ਸਟਾਫ਼ ਮੈਂਬਰ ਹਾਜ਼ਰ ਸਨ | ਬਰਾਂਚ ਮੈਨੇਜਰ ਵੱਲੋਂ ਕੋ-ਆਪ੍ਰੇਟਿਵ ਬੈਂਕ ਵੱਲੋਂ ਚਲਾਈਆਂ ਜਾ ਰਹੀਆਂ ਸਕੀਮਾਂ ਬਾਰੇ ਜਾਣਕਾਰੀ ਦਿੱਤੀ ਗਈ ਤਾਂ ਜੋ ਗ੍ਰਾਹਕ ਬੈਂਕ ਦੀਆਂ ਸਕੀਮਾਂ ਦਾ ਵੱਧ ਤੋਂ ਵੱਧ ਲਾਭ ਲੈ ਸਕਣ | ਇਸ ਮੌਕੇ 'ਤੇ ਅਨੂ ਬਾਲਾ ਕਲਰਕ, ਲਖਵੀਰ ਸਿੰਘ ਸੈਕਟਰੀ, ਰਵਿੰਦਰ ਸਿੰਘ, ਹਰਨੇਕ ਸਿੰਘ, ਜੋਗਿੰਦਰ ਸਿੰਘ, ਕਮਲਜੀਤ ਸਿੰਘ ਪੰਚ, ਰਕੇਸ਼ ਕੁਮਾਰ ਅਤੇ ਹੋਰ ਪਤਵੰਤੇ ਸੱਜਣ ਹਾਜ਼ਰ ਸਨ |
