ਜੀ. ਐਸ. ਟੀ. ਦਰਾਂ ਘਟਾਉਣ 'ਤੇ ਮਿਲਿਆ ਰਲਵਾਂ ਮਿਲਵਾਂ ਹੁੰਗਾਰਾ
Ad Position 21
![repet_subhas-goyals [Copy P29]](/cms_ads/20260901/2548__2535__2535_repet_subhas-goyal.jpg)
ਅਜੀਤ ਡੈਸਕ
24-09-2025
ਨਵਾਂਸ਼ਹਿਰ, 23 ਸਤੰਬਰ (ਜਸਬੀਰ ਸਿੰਘ ਨੂਰਪੁਰ) - ਜੀ. ਐਸ. ਟੀ ਦਰਾਂ ਨੂੰ ਘਟਾਉਣ ਦੇ ਮਾਮਲੇ 'ਚ ਵੱਖ- ਵੱਖ ਵਰਗਾਂ ਨੇ ਆਪਣੀ ਰਾਏ ਦਰਸਾਈ ਅਤੇ ਇਸ ਨੂੰ ਮੱਧ ਵਰਗ ਲਈ ਲਾਹੇਵੰਦ ਦੱਸਿਆ | ਕੁਝ ਲੋਕਾਂ ਦਾ ਆਖਣਾ ਹੈ ਕਿ ਇਹ ਸਰਮਾਏਦਾਰ ਵਰਗ ਨੂੰ ਲਾਭ ਦੇਣ ਦੇ ਯਤਨ ਹਨ | ਇਸ ਸੰਬੰਧੀ 'ਅਜੀਤ' ਦੇ ਪਾਠਕਾਂ ਨੂੰ ਵੱਖ-ਵੱਖ ਵਰਗ ਦੇ ਪ੍ਰਤੀਨਿਧਾਂ ਵਲੋਂ ਪ੍ਰਗਟ ਕੀਤੇ ਵਿਚਾਰ ਸਾਂਝੇ ਕੀਤਾ ਜਾ ਰਹੇ ਹਨ |
ਸੀਡ ਪੈਸਟੀਸਾਈਡ ਐਂਡ ਫਰਟੀਲਾਈਜ਼ਰ ਐਸੋਸੀਏਸ਼ਨ ਪੰਜਾਬ ਦੇ ਸੂਬਾ ਪ੍ਰਧਾਨ ਮਹਿੰਦਰਪਾਲ ਸਿੰਘ ਖਾਲਸਾ ਨੇ ਕਿਹਾ ਜੀ. ਐਸ. ਟੀ. ਦੀਆਂ ਘਟਾਈਆਂ ਦਰਾਂ ਦਾ ਐਲਾਨ/ ਫੈਸਲਾ ਆਮ ਵਿਅਕਤੀ ਨੂੰ ਸ਼ਲਾਘਾਯੋਗ ਲੱਗਦਾ ਹੈ ਪਰ ਉਸਦਾ ਅਸਲ ਫਾਇਦਾ/ਲਾਭ ਕੀ ਹੇਠਲੇ ਪੱਧਰ 'ਤੇ ਆਮ ਗ੍ਰਾਹਕ ਤੱਕ ਪੁੱਜਿਆ ਹੈ? ਦੇਖਣਾ ਇਹ ਹੈ | ਜਿਹੜਾ ਕਿ ਨਹੀਂ ਪੁੱਜਿਆ | ਸਨਅਤੀ ਘਰਾਣੇ ਇਸਦਾ ਪੂਰਾ-ਪੂਰਾ ਲਾਭ ਲੈਣਗੇ | ਖੇਤੀ ਵਸਤਾਂ ਕੀਟਨਾਸ਼ਕ, ਨਦੀਨ ਨਾਸ਼ਕ, ਉਲੀ ਨਾਸ਼ਕ ਉੱਤੇ ਲਈ ਜਾਂਦੀ 18 ਫੀਸਦੀ ਜੀ.ਐਸ.ਟੀ ਨਹੀਂ ਘਟਾਈ ਗਈ ਹੈ | ਲਗਦਾ ਤਾਂ ਇਸ ਤਰ੍ਹਾਂ ਹੈ ਕਿ ਸਬਸਿਡੀ ਦੇ ਨਾਂ 'ਤੇ ਕਿਸਾਨੀ ਨੂੰ ਦਿੱਤੀਆਂ ਜਾ ਰਹੀਆਂ ਰਿਆਇਤਾਂ, ਇੱਕ ਹੱਥ ਦਿਓ ਅਤੇ ਦੂਸਰੇ ਹੱਥ ਜੀ.ਐਸ.ਟੀ ਵਗੈਰਾ ਲਾ ਕੇ ਵਾਪਸ ਲੈ ਲਓ, ਵਾਲੀ ਗੱਲ ਹੈ |
