ਨਿਰਮਲ ਸਾਗਰ ਸਕੂਲ 'ਚ ਕਰਵਾਈ ਮਹਿੰਦੀ ਪ੍ਰਤੀਯੋਗਤਾ
ਅਜੀਤ ਡੈਸਕ
20-10-2025
ਵਿਦਿਆਰਥਣਾਂ ਨੇ ਆਪਣੀਆਂ ਸਹੇਲੀਆਂ ਦੇ ਹੱਥਾਂ ਉਤੇ ਮਹਿੰਦੀ ਦੇ ਆਕਰਸ਼ਿਕ ਡਿਜਾਇਨ ਬਣਾਕੇ ਸਭ ਦਾ ਮਨ ਮੋਹ ਲਿਆ | ਸਭ ਤੋਂ ਵਧੀਆ ਮਹਿੰਦੀ ਬਣਾਉਣ ਵਾਲੀਆਂ ਵਿਦਿਆਰਥਣਾਂ ਮਨਵੀਰ ਕੌਰ ਬਾਰਵੀਂ ਨੂੰ ਪਹਿਲੇ, ਨੌਵੀਂ ਕਲਾਸ ਦੀ ਇੰਦਰਜੀਤ ਕੌਰ ਨੇ ਦੂਜੇ ਅਤੇ ਬਾਰਵ੍ਹੀਂ ਦੀ ਪਲਕਦੀਪ ਅਤੇ ਗਿਆਰਵੀਂ ਦੀ ਨਵਦੀਪ ਕੌਰ ਨੇ ਤੀਜੇ ਦਰਜੇ ਦੇ ਸਰਟੀਫਿਕੇਟ ਪ੍ਰਦਾਨ ਕਰਕੇ ਉਤਸ਼ਾਹਿਤ ਕੀਤਾ ਗਿਆ | ਪਿ੍ੰਸੀਪਲ ਮੀਨਾਕਸ਼ੀ ਚੱਢਾ ਨੇ ਜੇਤੂ ਵਿਦਿਆਰਥਣਾਂ ਨੂੰ ਵਧਾਈ ਦਿੰਦਿਆਂ ਕਿਹਾ ਕਿ ਅਜਿਹੇ ਮੁਕਾਬਲੇ ਵਿਦਿਆਰਥੀਆਂ ਨੂੰ ਆਪਣੇ ਜੀਵਨ ਦੇ ਹਰ ਪੱਖ ਲਈ ਤਿਆਰ ਕਰਕੇ ਸਵੈ-ਵਿਸ਼ਵਾਸ਼ ਦੀ ਭਾਵਨਾ ਪੈਦਾ ਕਰਦੇ ਹਨ | ਸਾਡੇ ਸਮਾਜ ਵਿਚ ਮਹਿੰਦੀ ਵਿਆਹ-ਸ਼ਾਦੀ ਅਤੇ ਹਰ ਖੁਸ਼ੀ ਦੇ ਕਾਰਜ ਵਿਚ ਸ਼ਗਨ ਦੇ ਤੌਰ 'ਤੇ ਲਗਾਈ ਜਾਂਦੀ ਹੈ | ਕਰਵਾ ਚੌਥ ਦੇ ਤਿਉਹਾਰ ਉਤੇ ਤਾਂ ਸੁਹਾਗਣਾਂ ਵਿਸ਼ੇਸ਼ ਤੌਰ 'ਤੇ ਆਪਣੇ ਹੱਥਾ 'ਤੇ ਮਹਿੰਦੀ ਲਾਉਂਦੀਆਂ ਹਨ | ਇਸ ਮੌਕੇ ਵਾਈਸ ਪਿੰ੍ਰਸੀਪਲ ਪੇ੍ਰਮਜੀਤ ਕੌਰ, ਮੈਡਮ ਰਾਫੀਆ, ਸਿਮਰਨ ਅਤੇ ਹੋਰ ਮਹਿਲਾ ਅਧਿਆਪਕ ਵੀ ਹਾਜ਼ਰ ਸਨ |
