ਅਜਨਾਲਾ, 31 ਅਕਤੂਬਰ (ਗੁਰਪ੍ਰੀਤ ਸਿੰਘ ਢਿੱਲੋਂ)-ਅਜਨਾਲਾ ਫਤਿਹਗੜ੍ਹ ਚੂੜੀਆਂ ਰੋਡ ਤੇ ਪਿੰਡ ਡਿਆਲ ਭੜੰਗ ਵਿਖੇ ਸਥਿਤ ਸੇਂਟ ਪੀਟਰਸ ਕੌਨਵੈਂਟ ਸਕੂਲ ਸਾਲਾਨਾ ਦੀ ਤਰ੍ਹਾਂ ਹੋਏ ਨੈਤਿਕ ਸਿੱਖਿਆ ਦੇ ਇਮਤਿਹਾਨ ਵਿਚੋਂ ਵਿਦਿਆਰਥੀਆਂ ਨੇ ਚੰਗੇ ਸਥਾਨ ਪ੍ਰਾਪਤ ਕੀਤੇ | ਇਸ ਪ੍ਰੀਖਿਆ ਵਿਚ ਸਤਵੀਂ ਕਲਾਸ ਦੇ ਵਿਦਿਆਰਥੀ ਅਵੀਜੋਤ ਸਿੰਘ ਅਤੇ ਪ੍ਰਭਜੋਤ ਕੌਰ ਨੇ ਗਰੇਡ ਏ ਨਾਲ ਟਰਾਫੀ ਹਾਸਿਲ ਕੀਤੀ ਜਦਕਿ ਪੰਜਵੀਂ ਜਮਾਤ ਦੀਆਂ ਵਿਦਿਆਰਥਨਾਂ ਖੁਸ਼ਪ੍ਰੀਤ ਕੌਰ ਤੇ ਪ੍ਰਭਮੀਤ ਕੌਰ ਨੇ ਵੀ ਗਰੇਡ ਏ ਨਾਲ ਟਰਾਫੀ ਹਾਸਲ ਕੀਤੀ | ਇਸ ਤੋਂ ਇਲਾਵਾ ਅਮਨਬੀਰ ਸਿੰਘ ਪੰਜਵੀਂ ਕਲਾਸ, ਸਰਗੁਣਪ੍ਰੀਤ ਸਿੰਘ ਸੱਤਵੀਂ ਕਲਾਸ, ਸਿਮਰਨਜੀਤ ਸਿੰਘ ਛੇਵੀਂ ਅਤੇ ਹਰਲੀਨ ਕੌਰ ਛੇਵੀਂ ਕਲਾਸ ਨੇ ਮੈਡਲ ਪ੍ਰਾਪਤ ਕੀਤੇ | ਇਸ ਮੌਕੇ ਸਕੂਲ ਮੈਨੇਜਮੈਂਟ ਦੇ ਮੈਂਬਰ ਸ. ਸਤਨਾਮ ਸਿੰਘ ਗੁਰਾਇਆ, ਸ. ਗੁਰਨਾਮ ਸਿੰਘ ਗੁਰਾਇਆ, ਪਿ੍ੰਸੀਪਲ ਸ੍ਰੀ ਸੰਜੀਵ ਸ਼ਰਮਾ ਅਤੇ ਸ੍ਰੀ ਗੁਰੂ ਗੋਬਿੰਦ ਸਿੰਘ ਸਟੱਡੀ ਸਰਕਲ ਦੇ ਜਨਰਲ ਸਕੱਤਰ ਹਰਪ੍ਰਤਾਪ ਸਿੰਘ ਅਜਨਾਲਾ ਆਦਿ ਨੇ ਬੱਚਿਆਂ ਦੀ ਹੌਸਲਾ ਅਫਜਾਈ ਕੀਤੀ |
