ਅੰਮਿ੍ਤਸਰ, 2 ਨਵੰਬਰ (ਹਰਮਿੰਦਰ ਸਿੰਘ)-ਸਾਰਾਗੜ੍ਹੀ ਫਾਊਾਡੇਸ਼ਨ ਵਲੋਂ ਵਿਸ਼ਵ ਦੀ ਮਸ਼ਹੂਰ ਲੜਾਈ ਅਦੁਤੀ ਜੰਗੀ ਮਿਸਾਲ ਸਾਰਾਗੜ੍ਹੀ ਦੀ 128ਵੀਂ ਵਰ੍ਹੇਗੰਢ ਨੂੰ ਯਾਦ ਕਰਦੇ ਹੋਏ 3 ਨਵੰਬਰ ਤੋਂ 14 ਨਵੰਬਰ ਤੱਕ 70 ਦੇ ਕਰੀਬ ਸਮਾਗਮ ਕਰਵਾਏ ਜਾ ਰਹੇ ਹਨ | ਜਿਸ ਵਿਚ ਸੰਸਥਾ ਦੇ ਸੱਦੇ 'ਤੇ ਰਾਇਲ ਮਿਲਟਰੀ ਅਕੈਡਮੀ ਸੈਂਡਹਰਸ ਯੂ. ਕੇ. ਤੋਂ 12 ਮੈਂਬਰੀ ਬਰਤਾਨਵੀ ਫੌਜ ਦਾ ਵਫ਼ਦ ਹਿੱਸਾ ਲਵੇਗਾ ਅਤੇ ਅਮਰੀਕਾ ਤੇ ਕੈਨੇਡਾ ਤੋਂ ਵੀ ਇਸ ਵਫਦ ਵਿਚ ਹੋਰ ਲੋਕ ਪਹੁੰਚ ਰਹੇ ਹਨ | ਇਹ ਜਾਣਕਾਰੀ ਦਿੰਦਿਆਂ ਸੰਸਥਾ ਦੇ ਚੇਅਰਮੈਨ ਡਾ: ਗੁਰਿੰਦਰਪਾਲ ਸਿੰਘ ਜੋਸਨ ਨੇ ਦੱਸਿਆ ਕਿ ਬਰਤਾਨਵੀ ਫੌਜੀ ਵਫ਼ਦ ਦੀ ਅਗਵਾਈ ਮੇਜਰ ਜਨਰਲ ਜੌਨ ਕੈਂਡਲ ਕਰਨਗੇ | ਉਨ੍ਹਾਂ ਦੱਸਿਆ ਕਿ ਪਿਛਲੇ 13 ਸਾਲ ਤੋਂ ਬਰਤਾਨਵੀ, ਅਮਰੀਕੀ, ਕੈਨੇਡੀਅਨ ਫੌਜ ਨਾਲ ਸਾਂਝ ਬਣਾ ਕੇ ਰੱਖੀ ਗਈ ਹੈ ਤਾਂ ਜੋ ਸਾਰਾਗੜ੍ਹੀ ਜੰਗ ਦੀ ਯਾਦ ਨੂੰ ਸਦੀਵੀ ਰੱਖਿਆ ਜਾ ਸਕੇ |
