ਅੰਮਿ੍ਤਸਰ, 5 ਦਸੰਬਰ (ਸੁਰਿੰਦਰ ਕੋਛੜ)-ਪੀ. ਐੱਚ. ਡੀ. ਚੈਂਬਰ ਆਫ਼ ਕਾਮਰਸ ਐਂਡ ਇੰਡਸਟਰੀ ਦੇ ਫ਼ੈਸ਼ਨ ਟੈਕਸ ਟੈਕ ਫੋਰਮ ਦੀ ਰੀਜਨਲ ਚੇਅਰ ਹਿਮਾਨੀ ਅਰੋੜਾ ਨੇ ਕਿਹਾ ਕਿ ਜੇਲ੍ਹਾਂ 'ਚ ਔਰਤਾਂ ਲਈ ਟ੍ਰੇਨਿੰਗ ਪ੍ਰੋਗਰਾਮ ਅਤੇ ਪੇਂਡੂ ਖੇਤਰਾਂ ਨਾਲ ਸੰਬੰਧਿਤ ਪ੍ਰੋਜੈਕਟ ਸ਼ੁਰੂ ਕੀਤੇ ਜਾ ਰਹੇ ਹਨ | ਉਨ੍ਹਾਂ ਨੇ ਕਿਹਾ ਕਿ ਇਹ ਪਹਿਲਕਦਮੀ ਪੇਂਡੂ ਕਾਰੀਗਰਾਂ, ਔਰਤਾਂ ਅਤੇ ਸੈਲਫ-ਹੈਲਪ ਗਰੁੱਪਜ਼ ਨੂੰ ਸਕਿਲ ਡਿਵੈਲਪਮੈਂਟ ਟ੍ਰੇਨਿੰਗ, ਨੌਕਰੀ ਦੇ ਮੌਕੇ ਅਤੇ ਟਿਕਾਊ ਰੋਜ਼ੀ-ਰੋਟੀ ਪ੍ਰਦਾਨ ਕਰੇਗੀ | ਉਨ੍ਹਾਂ ਕਿਹਾ ਕਿ ਅਸੀਂ ਆਪਣੇ ਖੇਤਰ ਦੇ ਕ੍ਰਾਫਟ, ਹੈਂਡਲੂਮ ਅਤੇ ਟੈਕਸਟਾਈਲ ਈਕੋਸਿਸਟਮ ਨੂੰ ਇਕ ਨਵੀਂ ਗਲੋਬਲ ਪਛਾਣ ਦੇਣ ਲਈ ਯਤਨਸ਼ੀਲ ਹਾਂ | ਹਿਮਾਨੀ ਅਰੋੜਾ ਨੇ ਇਹ ਵੀ ਕਿਹਾ ਕਿ ਕ੍ਰਾਫਟ ਫਾਰਵਰਡ ਰਾਹੀਂ ਅਸੀਂ ਕਾਰੀਗਰਾਂ ਨੂੰ ਸਪੋਰਟ, ਵਿਜ਼ੀਬਿਲਟੀ ਅਤੇ ਸਸਟੇਨਏਬਲ ਰੋਜ਼ੀ-ਰੋਟੀ ਪ੍ਰਦਾਨ ਕਰਨ ਲਈ ਵਚਨਬੱਧ ਹਾਂ | ਫ਼ੈਸ਼ਨ ਟੈਕਸ ਟੈਕ ਫੋਰਮ ਦੇ ਭਵਿੱਖ ਦੇ ਪਲਾਨ ਬਾਰੇ ਗੱਲ ਕਰਦਿਆਂ ਉਨਾਂ ਕਿਹਾ ਕਿ ਇਨਾਂ 'ਚ ਹੈਂਡਲੂਮ ਕਲੱਸਟਰ ਦੀ ਮੈਪਿੰਗ, ਡਿਜ਼ਾਈਨ ਇੰਟਰਵੇਂਸ਼ਨ ਅਤੇ ਤਕਨਾਲੋਜੀ ਅਪਣਾਉਣ ਦੇ ਪ੍ਰੋਗਰਾਮ ਬਣਾਉਣਾ ਅਤੇ ਔਰਤਾਂ ਦੀ ਅਗਵਾਈ ਵਾਲੇ ਐਂਟਰਪ੍ਰਾਈਜ਼ ਨੂੰ ਮਜ਼ਬੂਤ ੈੈਕਰਨਾ ਸ਼ਾਮਿਲ ਹੈ, ਤਾਂ ਜੋ ਇਨਾਂ ਖੇਤਰਾਂ ਨੂੰ ਹੈਂਡੀਕ੍ਰਾਫਟ ਅਤੇ ਮਹਿਲਾ ਸਸ਼ਕਤੀਕਰਨ ਦੇ ਮਾਡਲ ਬਣਾਇਆ ਜਾ ਸਕੇ |
