ਪਰਮਜੀਤ ਕੌਰ ਨਿਰੰਜਨਪੁਰ ਸੰਮਤੀ ਜ਼ੋਨ-19 ਭਿੰਡਰ ਤੋਂ ਬਿਨਾਂ ਮੁਕਾਬਲਾ ਜੇਤੂ
ਅਜੀਤ ਡੈਸਕ
08-12-2025
ਰਈਆ, 7 ਦਸੰਬਰ (ਸ਼ਰਨਬੀਰ ਸਿੰਘ ਕੰਗ)-ਪਿੰਡ ਨਿਰੰਜਨਪੁਰ ਦੇ ਬਣੇ ਮੌਜੂਦਾ ਸਰਪੰਚ ਅਤੇ ਨੰਬਰਦਾਰ ਜਸਪਾਲ ਸਿੰਘ ਖਹਿਰਾ ਦੀ ਭਰਜਾਈ ਪਰਮਜੀਤ ਕੌਰ ਪਤਨੀ ਕੁਲਬੀਰ ਸਿੰਘ ਹੋ ਰਹੀਆਂ ਬਲਾਕ ਸੰਮਤੀ ਚੋਣਾਂ ਦੌਰਾਨ ਜ਼ੋਨ 19 ਭਿੰਡਰ ਤੋਂ ਬਿਨਾ ਮੁਕਾਬਲਾ ਚੋਣ ਜਿੱਤ ਕੇ ਮੈਂਬਰ ਬਲਾਕ ਸੰਮਤੀ ਚੁਣੇ ਗਏ ਹਨ | ਇਹ ਚੋਣ ਜਿੱਤਣ 'ਤੇ ਜਸਪਾਲ ਸਿੰਘ ਸਰਪੰਚ ਨੇ ਜ਼ੋਨ 'ਚ ਆਉਂਦੇ ਸਰਪੰਚਾਂ-ਪੰਚਾਂ ਅਤੇ ਪਿੰਡ ਨਿਰੰਜਨਪੁਰ ਦੀ ਪੰਚਾਇਤ ਨੂੰ ਲੈ ਕੇ ਵਿਧਾਇਕ ਦਲਬੀਰ ਸਿੰਘ ਟੌਂਗ ਦੇ ਗ੍ਰਹਿ ਵਿਖੇ ਪਹੁੰਚ ਕੇ ਵਿਧਾਇਕ ਟੌਂਗ ਦਾ ਧੰਨਵਾਦ ਕੀਤਾ ਅਤੇ ਉਨਾਂ੍ਹ ਦਾ ਮੂੰਹ ਮਿੱਠਾ ਕਰਵਾਇਆ | ਜਿਸ 'ਤੇ ਵਿਧਾਇਕ ਟੌਂਗ ਨੇ ਜੇਤੂ ਉਮੀਦਵਾਰ ਪਰਮਜੀਤ ਕੌਰ, ਸਰਪੰਚ ਜਸਪਾਲ ਸਿੰਘ ਅਤੇ ਨਾਲ ਆਏ ਸਾਰੇ ਪਤਵੰਤਿਆਂ ਨੂੰ ਵਧਾਈ ਦਿੱਤੀ ਅਤੇ ਹਾਰ ਪਾ ਕੇ ਅਤੇ ਸਿਰੋਪਾਓ ਦੇ ਕੇ ਸਨਮਾਨਿਤ ਕੀਤਾ | ਇਸ ਮੌਕੇ ਗੁਰਜੀਤ ਸਿੰਘ ਸਰਪੰਚ ਫੱਤੂਵਾਲ, ਜੋਬਨ ਸਿੰਘ ਸ਼ਾਹ ਸਰਪੰਚ ਮੱਧ, ਸ਼ੁਭ ਭਿੰਡਰ, ਰਣਜੀਤ ਕੌਰ ਸਰਪੰਚ ਜੀਵਨ ਸਿੰਘ ਨਗਰ, ਕੁਲਬੀਰ ਸਿੰਘ ਖਹਿਰਾ, ਹਰਮਨ ਸਿੰਘ ਖਹਿਰਾ, ਨਰਿੰਦਰ ਕੌਰ, ਹਰਭਜਨ ਕੌਰ, ਗੁਰਿੰਦਰ ਕੌਰ, ਜਸਬੀਰ ਸਿੰਘ, ਨਰਿੰਜਨ ਸਿੰਘ, ਭਗਵਾਨ ਸਿੰਘ, ਗੁਰਦਿਆਲ ਸਿੰਘ ਇਹ ਸੱਤੇ ਮੈਂਬਰ ਪੰਚਾਇਤ ਨਿਰੰਜਨਪੁਰ, ਬਾਬਾ ਆਲਮ ਸਿੰਘ, ਮੁਖਤਾਰ ਸਿੰਘ, ਗੋਪਾਲ ਸਿੰਘ, ਯੋਗਬੀਰ ਸਿੰਘ ਟੌਂਗ ਅਤੇ ਹੋਰ ਆਦਿ ਸ਼ਾਮਿਲ ਸਨ |
