ਅੰਮਿ੍ਤਸਰ, 27 ਦਸੰਬਰ (ਰੇਸ਼ਮ ਸਿੰਘ)-ਅੰਮਿ੍ਤਸਰ ਨਗਰ ਨਿਗਮ 'ਚ ਕੰਮ ਕਰਦਾ ਇਕ ਮੁਲਾਜ਼ਮ ਭੇਦਭਰੀ ਹਾਲਾਤ 'ਚ ਲਾਪਤਾ ਹੋ ਗਿਆ ਹੈ, ਜੋ ਬੀਤੇ ਦਿਨ ਕੰਮ 'ਤੇ ਗਿਆ ਪਰ ਹਾਲੇ ਤੱਕ ਘਰ ਨਹੀਂ ਪਰਤਿਆ | ਮੁਲਾਜ਼ਮ ਦੀ ਸ਼ਨਾਖਤ ਬਲਵਿੰਦਰ ਸਿੰਘ (37) ਵਾਸੀ ਮਕਾਨ ਨੰਬਰ 67 ਪੱਤੀ ਰਾਮੂੰਵਾਲੀਆ ਪਿੰਡ ਫਤਾਹਪੁਰ ਵਜੋਂ ਹੋਈ ਹੈ | ਥਾਣਾ ਇਸਲਾਮਬਾਦ ਦੀ ਪੁਲਿਸ ਨੂੰ ਬਲਵਿੰਦਰ ਸਿੰਘ ਦੀ ਪਤਨੀ ਮਨਜੀਤ ਕੌਰ ਨੇ ਪਤੀ ਨੂੰ ਲੱਭਣ ਦੀ ਗੁਹਾਰ ਲਾਉਂਦਿਆਂ ਰਿਪੋਰਟ ਦਰਜ ਕਰਵਾਈ ਹੈ | ਜਿਸ ਨੇ ਦੱਸਿਆ ਕਿ ਉਸਦੇ ਪਤੀ ਨਾਲ ਕਾਫੀ ਲੋਕਾਂ ਦਾ ਪੈਸਿਆਂ ਦਾ ਲੈਣ ਦੇਣ ਸੀ ਤੇ ਲੋਕ ਉਸਨੂੰ ਘਰ ਆ ਕੇ ਤੰਗ ਪ੍ਰੇਸ਼ਾਨ ਕਰਦੇ ਸਨ | ਜੋ ਬੀਤੇ ਦਿਨ ਬਿਨਾਂ ਦੱਸੇ ਚਲਿਆ ਗਿਆ | ਉਸ ਨੇ ਦੱਸਿਆ ਕਿ ਹੁਣ ਤੱਕ ਉਹ ਸਾਰੇ ਰਿਸ਼ਤੇਦਾਰਾਂ ਤੇ ਸਕੇ ਸੰਬੰਧੀਆਂ ਤੋਂ ਪੱੁਛ ਚੁੱਕੇ ਹਨ ਪਰ ਉਸ ਦਾ ਕਿਤੇ ਵੀ ਪਤਾ ਨਹੀਂ ਚੱਲਿਆ | ਉਸ ਨੇ ਖਦਸ਼ਾ ਜ਼ਾਹਿਰ ਕੀਤਾ ਕਿ ਹੋ ਸਕਦਾ ਹੈ ਕਿ ਉਸ ਦੇ ਪਤੀ ਨੂੰ ਕਿਸੇ ਵਲੋਂ ਅਗਵਾ ਕਰ ਲਿਆ ਹੋਵੇ ਜਾਂ ਉਸ ਨਾਲ ਕੋਈ ਹੋਰ ਵਰਤਾਰਾ ਵੀ ਵਾਪਰ ਸਕਦਾ ਹੈ | ਪੁਲਿਸ ਵਲੋਂ ਗੁੰਮਸ਼ੁਦਗੀ ਰਿਪਰੋਰਟ ਦਰਜ ਕਰਕੇ ਲਾਪਤਾ ਹੋਏ ਮੁਲਾਜ਼ਮ ਦੀ ਭਾਲ ਕੀਤੀ ਜਾ ਰਹੀ ਹੈ |
