ਚੰਡੀਗੜ੍ਹ, 19 ਅਕਤੂਬਰ (ਬਲਜਿੰਦਰ ਸਿੰਘ ਹਾਂਡਾ)-ਚੰਡੀਗੜ੍ਹ ਸਕੂਲ ਸਿੱਖਿਆ ਵਿਭਾਗ ਵਲੋਂ ਕਰਵਾਏ ਜਾ ਰਹੇ ਅੰਤਰ ਸਕੂਲ ਸਟੇਟ ਟੂਰਨਾਮੈਂਟ ਬਾਸਕਟਬਾਲ 19 ਸਾਲਾ ਲੜਕੀਆਂ ਦੇ ਫਾਈਨਲ ਮੁਕਾਬਲੇ 'ਚ ਨਿਊ ਪਬਲਿਕ ਸਕੂਲ ਸੈਕਟਰ-18 ਦੀ ਟੀਮ ਨੇ 31-12 ਸਕੋਰ ਦੇ ਅੰਤਰ ਨਾਲ ਸੈਕੰਡਰ ਹਾਰਟ ਸਕੂਲ ਸੈਕਟਰ-26 ਨੂੰ ਹਰਾ ਕੇ ਪਹਿਲਾ ਸਥਾਨ ਪ੍ਰਾਪਤ ਕੀਤਾ | ਸੈਕੰਰਡ ਹਾਰਡ ਦੂਸਰੇ ਸਥਾਨ 'ਤੇ ਰਿਹਾ | ਤੀਸਰੇ ਸਥਾਨ ਲਈ ਹੋਏ ਮੈਚ 'ਚ ਸਟਾਰਬੇਰੀ ਸਕੂਲ ਸੈਕਟਰ-26 ਨੇ ਗੁਰੂ ਨਾਨਕ ਪਬਲਿਕ ਸਕੂਲ ਸੈਕਟਰ-36 ਨੂੰ 44-22 ਦੇ ਫ਼ਰਕ ਨਾਲ ਹਰਾਇਆ | ਬਾਸਕਟਬਾਲ 19 ਸਾਲਾ ਲੜਕਿਆਂ ਦੇ ਵਰਗ 'ਚ ਹੋਏ ਮੁਕਾਬਲੇ 'ਚ ਗੁਰੂਕੁਲ ਸਕੂਲ ਦੀ ਟੀਮ ਨੇ ਨਿਊ ਪਬਲਿਕ ਸਕੂਲ ਸੈਕਟਰ-18 ਦੀ ਟੀਮ ਨੂੰ 49-35 ਦੇ ਫ਼ਰਕ ਨਾਲ ਹਰਾਇਆ ਤੇ ਮੈਚ ਜਿੱਤਿਆ ਅਤੇ ਦੂਸਰੇ ਮੈਚ 'ਚ ਐਸ.ਡੀ ਸਕੂਲ ਸੈਕਟਰ-32 ਨੇ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਸੈਕਟਰ-33 ਦੀ ਟੀਮ ਨੂੰ 50-32 ਅੰਕਾਂ ਦੇ ਫ਼ਰਕ ਨਾਲ ਹਰਾ ਕੇ ਮੈਚ ਜਿੱਤ ਲਿਆ |
