ਰਾਜਪੁਰਾ, 26 ਦਸੰਬਰ (ਰਣਜੀਤ ਸਿੰਘ)-ਸਿਟੀ ਪੁਲਿਸ ਨੇ ਕੁੱਟਮਾਰ ਕਰਨ ਦੇ ਦੋਸ਼ 'ਚ ਪਰਚਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ | ਜਾਣਕਾਰੀ ਮੁਤਾਬਿਕ ਪੁਲਿਸ ਨੂੰ ਦੀਪਕ ਸੂਦ ਪੁੱਤਰ ਰਜਿੰਦਰ ਕੁਮਾਰ ਵਾਸੀ ਸੁੰਦਰ ਐਨਕਲੇਵ ਨੇ ਸ਼ਿਕਾਇਤ ਦਰਜ ਕਰਵਾਈ ਕਿ ਉਸ ਨੂੰ ਬੀਤੇ ਦਿਨੀਂ ਫ਼ੋਨ ਆਇਆ | ਉਸ ਨੂੰ ਰਾਇਲ ਹੋਟਲ ਕੋਲ ਬੁਲਾਇਆ ਗਿਆ ਸੀ | ਜਦੋਂ ਮੁੱਦਈ ਉੱਥੇ ਗਿਆ ਤਾਂ ਉਸ ਥਾਂ 'ਤੇ ਕੁੱਝ ਲੜਕੇ ਥਾਰ ਗੱਡੀ 'ਤੇ ਬੈਠੇ ਸਨ | ਇਸੇ ਦੌਰਾਨ ਉਨ੍ਹਾਂ ਨੇ ਦੀਪਕ ਸੂਦ ਦੀ ਕੁੱਟਮਾਰ ਕੀਤੀ | ਸ਼ਿਕਾਇਤ ਮੁਤਾਬਿਕ ਇਕ ਲੜਕੇ ਨੇ ਹੱਥ ਵਿਚ ਪਿਸਟਲ ਵੀ ਫੜਿਆ ਹੋਇਆ ਸੀ ਜੋ ਕਿ ਮੌਕੇ ਤੋਂ ਫ਼ਰਾਰ ਹੋ ਗਿਆ | ਇਸ ਸ਼ਿਕਾਇਤ ਦੇ ਆਧਾਰ 'ਤੇ ਪੁਲਿਸ ਨੇ ਕੇਸ਼ਵ ਖੱਤਰੀ, ਅਵੀ ਖੱਤਰੀ, ਤੇਜਵੰਤ ਅਤੇ ਹੋਰ ਨਾਮਾਲੂਮ ਵਿਅਕਤੀਆਂ ਦੇ ਖ਼ਿਲਾਫ਼ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿਤੀ ਹੈ |
