ਲਹਿਰਾਗਾਗਾ, 1 ਜੂਨ (ਅਸ਼ੋਕ ਗਰਗ)-ਜਿਸ ਮਕਸਦ ਨਾਲ ਅੱਠ ਸਾਲ ਪਹਿਲਾਂ ਚੰਗਾਲੀਵਾਲਾ (ਲਹਿਰਾਗਾਗਾ) ਵਿਚ ਸਵਿੱਤਰੀ ਬਾਈ ਫੂਲੇ ਲਾਇਬ੍ਰੇਰੀ ਦੀ ਸ਼ੁਰੂਆਤ ਕੀਤੀ ਗਈ ਸੀ, ਉਹ ਮਕਸਦ ਹੌਲੀ ਹੌਲੀ ਪ੍ਰਾਪਤ ਹੋ ਰਿਹਾ ਹੈ ਵਿਦਿਆਰਥੀ ਲਾਇਬ੍ਰੇਰੀ ਜ਼ਰੀਏ ਪੜ੍ਹਾਈ ਨਾਲ ਜੁੜੇ ਹਨ | ਇਸੇ ਤਹਿਤ ਲਾਇਬ੍ਰੇਰੀ ਦੀ ਮੈਂਬਰ ਮਨਜੀਤ ਕੌਰ ਖੇਤੀਬਾੜੀ ਵਿਕਾਸ ਅਫ਼ਸਰ ਨਿਯੁਕਤ ਹੋਈ ਹੈ | ਇਸ ਪ੍ਰਾਪਤੀ 'ਤੇ ਪੂਰਾ ਪਿੰਡ ਖ਼ੁਸ਼ ਹੈ | ਲਾਇਬ੍ਰੇਰੀ ਵਲੋਂ ਮਨਜੀਤ ਕੌਰ ਦਾ ਸਨਮਾਨ ਕੀਤਾ ਗਿਆ ਅਤੇ ਅਗਲੇ ਸਫ਼ਰ ਲਈ ਮੁਬਾਰਕਬਾਦ ਦਿੱਤੀ ਗਈ | ਇਸ ਮੌਕੇ ਪਿੰਡ ਦੀ ਪੰਚਾਇਤ ਵਲੋਂ ਵੀ ਮਨਜੀਤ ਕੌਰ ਨੂੰ ਸਨਮਾਨ ਭੇਟ ਕੀਤਾ ਗਿਆ | ਇਸ ਮੌਕੇ ਸਮੂਹ ਲਾਇਬ੍ਰੇਰੀ ਮੈਂਬਰ, ਪਿੰਡ ਦੇ ਸਰਪੰਚ ਹਰਕੀਰਤ, ਕੁਲਵੀਰ ਪ੍ਰਧਾਨ ਮਾਸਟਰ ਪ੍ਰੇਮ ਸਰੂਪ ਛਾਜਲੀ, ਮਾਸਟਰ ਜਸਵੀਰ, ਬਲਜਿੰਦਰ ਜਿੰਦੂ, ਰਿੰਕੂ ਸਿੰਘ ਮੌਜੂਦ ਸਨ |
