17-11-2026
ਅੱਖਰ:
Ad Position 18 No active advertisement
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 04-06-2025

ਜ਼ਿਲ੍ਹਾ ਸੰਗਰੂਰ 'ਚ ਸਾਲ 2024-25 ਦੌਰਾਨ ਖਾਧ ਪਦਾਰਥਾਂ ਦੇ ਲਏ 214 ਨਮੂਨਿਆਂ 'ਚੋਂ 62 ਨਮੂਨੇ ਫ਼ੇਲ੍ਹ <br/>

Ad Position 21
No active advertisement
ਡਾ: ਅਮਰਜੀਤ ਸਿੰਘ ਮਾਨ, ਤੇਜਿੰਦਰ ਸਿੰਘ ਸੰਘਰੇੜੀ, ਸੁੁਰਜੀਤ ਸਿੰਘ ਗਰੇਵਾਲ ਐਡਵੋਕੇਟ, ਲਲਿਤ ਕੁਮਾਰ ਗਰਗ ਐਡਵੋਕੇਟ, ਸੁਨੀਲ ਗੋਇਲ ਡਿੰਪਲ | ਤਸਵੀਰਾਂ: ਮੁਕੇਸ਼ ਕੁਮਾਰ <br/> 04-06-2025
ਸੰਗਰੂਰ, 3 ਜੂਨ (ਧੀਰਜ਼ ਪਸ਼ੌਰੀਆ)-ਕਾਨੰੂਨ ਦੀ ਲਚਕ ਅਤੇ ਪ੍ਰਸ਼ਾਸਨਿਕ ਖੇਤਰ ਵਿਚ ਕੁਤਾਹੀਆਂ ਕਾਰਨ ਲੱਖਾਂ ਕੋਸ਼ਿਸ਼ਾਂ ਕਰਨ ਦੇ ਬਾਵਜੂਦ ਵੀ ਮਿਲਾਵਟ ਦੇ ਧੰਦੇ 'ਤੇ ਪੂਰੀ ਤਰ੍ਹਾਂ ਸ਼ਿਕੰਜਾ ਨਹੀਂ ਕੱਸਿਆ ਜਾ ਸਕਿਆ | ਦੁੱਧ ਅਤੇ ਫਲ ਆਦਿ ਜਿਸ ਨੰੂ ਕਿਸੇ ਸਮੇਂ ਉੱਤਮ ਖ਼ੁਰਾਕ ਮੰਨਿਆ ਜਾਂਦਿਆਂ ਸੀ, ਉਸ ਦੀ ਵਰਤੋਂ ਕਰਨ ਤੋਂ ਵੀ ਲੋਕ ਘਬਰਾਉਣ ਲੱਗ ਪਏ ਹਨ | ਗੱਲ ਜ਼ਿਲ੍ਹਾ ਸੰਗਰੂਰ ਦੀ ਕੀਤੀ ਜਾਵੇ ਤਾਂ ਇੱਥੇ ਸਥਿਤੀ ਪੰਜਾਬ ਦੇ ਆਕੜਿਆਂ ਦੇ ਮੁਕਾਬਲੇ ਬਦਤਰ ਹੈ | ਇਸ ਜ਼ਿਲ੍ਹੇ ਵਿਚ ਸਾਲ 2024-25 ਵਿਚ ਦੁੱਧ ਅਤੇ ਦੁੱਧ ਉਤਪਾਦਾਂ ਸਮੇਤ ਵੱਖ ਖਾਧ ਪਦਾਰਥਾਂ ਦੇ 214 ਨਮੂਨੇ ਲੈ ਕੇ ਜਾਂਚ ਲਈ ਭੇਜੇ ਗਏ ਜਿਨ੍ਹਾਂ ਦੀਆਂ ਆਈਆਂ ਰਿਪੋਰਟਾਂ ਮੁਤਾਬਕ 152 ਨਮੂਨੇ ਹੀ ਪਾਸ ਹੋਏ | 62 ਨਮੂਨੇ ਭਾਵ 29 ਪ੍ਰਤੀਸ਼ਤ ਨਮੂਨਿਆਂ ਦਾ ਫ਼ੇਲ੍ਹ ਹੋਣਾ ਸਾਫ਼ ਸੰਕੇਤ ਹੈ ਕਿ ਜ਼ਿਲ੍ਹਾ ਸੰਗਰੂਰ ਵਾਸੀਆਂ ਦੀ ਸਿਹਤ 'ਤੇ ਗੰਭੀਰ ਬਿਮਾਰੀਆਂ ਦਾ ਖ਼ਤਰਾ ਮੰਡਰਾ ਰਿਹਾ ਹੈ | ਦੱਸਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਨਮੂਨਿਆਂ ਵਿਚ ਜ਼ਿਆਦਾਤਰ ਨਮੂਨੇ ਦੁੱਧ ਅਤੇ ਦੁੱਧ ਉਤਪਾਦਾਂ ਦੇ ਸਨ | ਸੰਗਰੂਰ ਵਿਚ ਤਾਂ ਨਕਲੀ ਦੇਸੀ ਘਿਓ ਨੰੂ ਬਰਾਂਡਿਡ ਕੰਪਨੀਆਂ ਦੇ ਡੱਬਿਆਂ ਵਿਚ ਪੈਕ ਕਰਨ ਦੇ ਮਾਮਲੇ ਵੀ ਸਾਹਮਣੇ ਆ ਚੁੱਕੇ ਹਨ | ਨਕਲੀ ਦੁੱਧ ਅਤੇ ਨਕਲੀ ਦੇਸੀ ਘਿਓ ਦੇ ਜ਼ਖ਼ੀਰੇ ਤਾਂ ਕਈ ਵਾਰ ਸਾਹਮਣੇ ਆ ਚੁੱਕੇ ਹਨ ਪਰ ਇਸ ਮਿਲਾਵਟਖੋਰੀ ਦੇ ਸਰਗਨੇ ਕੁਝ ਦਿਨਾਂ ਬਾਅਦ ਹੀ ਸਲਾਖ਼ਾਂ ਤੋਂ ਬਾਹਰ ਆ ਜਾਂਦੇ ਹਨ, ਇਹੀ ਕਾਰਨ ਹੈ ਕਿ ਨਕਲੀ ਦੁੱਧ ਅਤੇ ਦੇਸੀ ਘਿਓ ਦੀਆਂ ਫ਼ੈਕਟਰੀ ਗੁਪਤ ਰੂਪ ਵਿਚ ਲਗਾਤਾਰ ਚੱਲਦੀਆਂ ਰਹਿੰਦੀਆਂ ਹਨ, ਜੋ ਕਿ ਅਤਿ ਗੰਭੀਰ ਅਤੇ ਚਿੰਤਾਜਨਕ ਵਿਸ਼ਾ ਹੈ | ਦੁੱਧ ਤੋਂ ਇਲਾਵਾ ਖੰਡਾ, ਚੋਲ, ਦਾਲਾਂ, ਚਾਹ ਪੱਤੀ, ਹਲਦੀ, ਮਸਾਲੇ, ਲੂਣ ਆਦਿ ਖਾਧ ਪਦਾਰਥਾਂ ਵਿਚ ਮਿਲਾਵਟਾਂ ਦੀ ਖ਼ਬਰਾਂ ਸਾਹਮਣੇ ਆਉਂਦੀਆਂ ਰਹਿੰਦੀਆਂ ਹਨ | ਖਾਧ ਪਦਾਰਥਾਂ ਵਿਚ ਕੀਤੀ ਜਾਂਦੀ ਇਹ ਮਿਲਾਵਟ ਖ਼ਤਰਨਾਕ ਰੋਗਾਂ ਦਾ ਕਾਰਨ ਬਣਦੀ ਹੈ |
ਮਿਲਾਵਟਖ਼ੋਰਾਂ 'ਤੇ ਹੋਣ ਕਤਲ ਦੇ ਮਾਮਲੇ ਦਰਜ
ਸੰਗਰੂਰ-ਸਮਾਜ ਚਿੰਤਕ ਸਾਇੰਟੇਫ਼ਿਕ ਅਵੇਅਰਨੈੱਸ ਫੋਰਮ ਦੇ ਪ੍ਰਧਾਨ ਡਾ: ਅਮਰਜੀਤ ਸਿੰਘ ਮਾਨ ਦਾ ਕਹਿਣਾ ਕਿ ਦੁੱਧ ਸਮੇਤ ਹੋਰ ਖਾਧ ਪਦਾਰਥਾਂ ਵਿਚ ਬਹੁਤ ਹੀ ਹਾਨੀਕਾਰਕ ਰਸਾਇਣਿਕ ਪਦਾਰਥਾਂ ਦੀ ਮਿਲਾਵਟ ਕੀਤੀ ਜਾ ਰਹੀ ਹੈ ਜਿਸ ਨਾਲ ਦਸ਼ਤ, ਪੇਟ ਦਰਦ, ਗੁਰਦੇ, ਐਲਰਜੀ, ਜਿਗਰ ਅਤੇ ਦਿਲ ਦੀਆਂ ਬਿਮਾਰੀਆਂ ਲੋਕਾਂ ਨੰੂ ਆਪਣੇ ਕਲਾਵੇਂ ਵਿਚ ਲੈ ਰਹੀਆਂ ਹਨ | ਸ਼ੋ੍ਰਮਣੀ ਅਕਾਲੀ ਦਲ ਦੇ ਜ਼ਿਲ੍ਹਾ ਪ੍ਰਧਾਨ ਤੇਜਿੰਦਰ ਸਿੰਘ ਸੰਘਰੇੜੀ ਦਾ ਕਹਿਣਾ ਹੈ ਕਿ ਪੰਜਾਬ ਵਿਚ 21 ਪ੍ਰਤੀਸ਼ਤ ਦੇਸੀ ਘਿਓ ਅਤੇ 26 ਫ਼ੀਸਦੀ ਖੋਏ ਦੇ ਨਮੂਨਿਆਂ ਦਾ ਮਾਪਦੰਡਾਂ ਤੇ ਖਰੇ ਨਾ ਉੱਤਰਨਾ ਬਹੁਤ ਹੀ ਚਿੰਤਾਜਨਕ ਹੈ | ਐਡਵੋਕੇਟ ਸੁਰਜੀਤ ਸਿੰਘ ਗਰੇਵਾਲ ਅਤੇ ਐਡਵੋਕੇਟ ਲਲਿਤ ਕੁਮਾਰ ਗਰਗ ਦਾ ਕਹਿਣਾ ਕਿ ਜਿੰਨੀ ਦੁੱਧ ਦੀ ਉਤਪਾਦਕਤਾ ਹੈ, ਉਸ ਤੋਂ ਕਿਤੇ ਜ਼ਿਆਦਾ ਸਪਲਾਈ ਹੋ ਰਿਹਾ ਹੈ, ਨਕਲੀ ਦੁੱਧ, ਪਨੀਰ ਖੋਏ ਦੀ ਭਰਮਾਰ ਹੈ | ਸਪਸ਼ਟ ਹੈ ਕਿ ਨਕਲੀ ਅਤੇ ਮਿਲਾਵਟੀ ਦੁੱਧ ਅਤੇ ਪਦਾਰਥ ਸਪਲਾਈ ਹੋ ਰਹੇ ਹਨ | ਭਾਜਪਾ ਆਗੂ ਆਗੂ ਸੁਨੀਲ ਗੋਇਲ ਡਿੰਪਲ ਦਾ ਕਹਿਣਾ ਹੈ ਕਿ ਮਿਲਾਵਟੀਖੋਰੀ ਨਾਲ ਬਿਮਾਰੀਆਂ ਅਤੇ ਮੌਤਾਂ ਵੰਡੀਆਂ ਜਾ ਰਹੀਆਂ ਹਨ | ਸਰਕਾਰ ਨੰੂ ਮਿਲਾਵਟੀਖੋਰੀ ਨਾਲ ਨਿਪਟਣ ਲਈ ਮਿਲਾਵਟਖੋਰਾਂ 'ਤੇ ਕਤਲ ਦੇ ਮਾਮਲੇ ਦਰਜ਼ ਕਰਨੇ ਚਾਹੀਦੇ ਹਨ |

Ad Position 22
No active advertisement
ਪਿਛਲੀ ਖ਼ਬਰ ਫ਼ਰਦ ਕੇਂਦਰ ਗੁਰੂਹਰਸਹਾਏ ਦੇ ਮੁਲਾਜ਼ਮਾਂ ਵਲੋਂ ਕੀਤੀ ਅਣਮਿੱਥੇ ਸਮੇਂ ਲਈ ਹੜਤਾਲ ਫ਼ਰਦ ਕੇਂਦਰ ਅਤੇ ਡਾਟਾ ਐਂਟਰੀ ਦਾ ਸਮ... ਅਗਲੀ ਖ਼ਬਰ ਸੜਕ ਕਿਨਾਰੇ ਸਟਾਰਟ ਖੜ੍ਹੀ ਕਾਰ ਵਿਚ ਨੌਜਵਾਨ ਦੀ ਹੋਈ ਮੌਤ <br/>
Ad Position 24