ਸੰਗਰੂਰ

ਸਾਹਿਤਕ ਆਲੋਚਨਾ ਸਮੇਂ ਸੁਹਿਰਦਤਾ ਅਤੇ ਸੰਵੇਦਨਸ਼ੀਲਤਾ ਅਤਿ ਜ਼ਰੂਰੀ-ਬਲਦੇਵ ਸਿੰਘ ਸੜਕਨਾਮਾ <br/>

ਡਾ. ਇਕਬਾਲ ਸਿੰਘ ਸਕਰੋਂਦੀ ਦੀ ਪੁਸਤਕ 'ਚਾਰ ਨਾਵਲ' ਲੋਕ ਅਰਪਣ ਕਰਦੇ ਹੋਏ ਬਲਦੇਵ ਸਿੰਘ ਸੜਕਨਾਮਾ, ਡਾ. ਸੁਰਜੀਤ ਬਰਾੜ, ਪਿ੍ੰਸੀਪਲ ਅਮਰਜੀਤ ਕੌਰ, ਡਾ. ਹਰਨੇਕ ਸਿੰਘ ਢੋਟ, ਜਸਵਿੰਦਰ ਪੰਜਾਬੀ ਅਤੇ ਹੋਰ | ਤਸਵੀਰ: ਮੁਕੇਸ਼ ਕੁਮਾਰ <br/> 30-12-2025

ਸੰਗਰੂਰ, 29 ਦਸੰਬਰ (ਚੌਧਰੀ ਨੰਦ ਲਾਲ ਗਾਂਧੀ)-ਪੰਜਾਬੀ ਦੇ ਨਾਮਵਰ ਸਾਹਿਤਕਾਰ ਬਲਦੇਵ ਸਿੰਘ ਸੜਕਨਾਮਾ ਨੇ ਕਿਹਾ ਹੈ ਕਿ ਆਲੋਚਕਾਂ ਨੂੰ ਕਿਸੇ ਸਾਹਿਤਕ ਕਿਰਤ ਦੀ ਆਲੋਚਨਾ ਕਰਨ ਸਮੇਂ ਸੰਜੀਦਗੀ ਅਤੇ ਸੁਹਿਰਦਤਾ ਤੋਂ ਕੰਮ ਲੈਣਾ ਚਾਹੀਦਾ ਹੈ | ਉਹ ਅੱਜ ਇੱਥੇ ਸਾਹਿਤ ਸਦਨ ਸੰਗਰੂਰ ਵਲੋਂ ਕਰਵਾਏ ਸਮਾਗਮ ਦੌਰਾਨ ਡਾ. ਇਕਬਾਲ ਸਿੰਘ ਸਕਰੌਦੀ ਦੀ ਆਲੋਚਨਾਤਮਿਕ ਪੁਸਤਕ 'ਚਾਰ ਨਾਵਲ' ਲੋਕ ਅਰਪਣ ਕਰਨ ਪਿੱਛੋਂ ਮੁੱਖ ਮਹਿਮਾਨ ਵਜੋਂ ਸੰਬੋਧਨ ਕਰ ਰਹੇ ਸਨ | ਉਨ੍ਹਾਂ ਕਿਹਾ ਕਿ ਕੁਝ ਆਲੋਚਕ ਅਜਿਹੇ ਹੁੰਦੇ ਹਨ ਜਿਨ੍ਹਾਂ ਦੀ ਕੀਤੀ ਆਲੋਚਨਾ ਸਾਹਿਤਕਾਰ ਨੂੰ ਸਾਹਿਤਕ ਖੇਤਰ ਛੱਡਣ ਲਈ ਮਜਬੂਰ ਕਰ ਦਿੰਦੀ ਹੈ | ਡਾ. ਸਕਰੌਦੀ ਦੀ ਨਵ ਪ੍ਰਕਾਸ਼ਿਤ ਪੁਸਤਕ 'ਚਾਰ ਨਾਵਲ' ਇਕ ਸਾਰਥਿਕ ਆਲੋਚਨਾ ਨਾਲ ਤਿਆਰ ਕੀਤੀ ਗਈ ਹੈ ਜਿਸ ਦਾ ਪੰਜਾਬੀ ਸਾਹਿਤ ਵਿਚ ਸਵਾਗਤ ਹੋਣਾ ਸੁਭਾਵਿਕ ਹੈ | ਸਮਾਗਮ ਦੀ ਪ੍ਰਧਾਨਗੀ ਕਰਦਿਆ ਸਾਹਿਤਕਾਰ ਡਾ. ਸੁਰਜੀਤ ਬਰਾੜ ਘੋਲੀਆਂ ਕਲਾਂ ਨੇ ਕਿਹਾ ਡਾ.ਸਕਰੌਦੀ ਅਜਿਹਾ ਸੂਝਵਾਨ, ਦਿ੍ਸ਼ਟੀਵਾਨ, ਆਲੋਚਕ ਹੈ ਜੋ ਨਾਵਲਾਂ ਨੂੰ ਵਾਚਦਿਆਂ ਕੇਵਲ ਸਤਹੀ ਧਾਰਨਾਵਾਂ, ਸਥਾਪਨਾਵਾਂ ਨਹੀਂ ਦਿੰਦਾ | ਉਹ ਨਾਵਲਾਂ ਦੀ ਗਹਿਰਾਈ ਨੂੰ ਸਮਝਦਾ, ਪਕੜਦਾ ਅਤੇ ਪ੍ਰਸਤੁਤ ਕਰਦਾ ਹੈ | ਸਾਹਿਤ ਸਦਨ ਦੇ ਜਨਰਲ ਸਕੱਤਰ ਜੀਤ ਹਰਜੀਤ ਵਲੋਂ ਕੀਤੇ ਕਲਾਤਮਕ ਮੰਚ ਸੰਚਾਲਨ ਦੌਰਾਨ ਸਾਹਿਤ ਸਦਨ ਦੇ ਵਿੱਤ ਸਕੱਤਰ ਬਲਜੀਤ ਸ਼ਰਮਾ ਨੇ ਆਪਣੀ ਰਚਨਾ ਸੁਣਾਉਣ ਦੇ ਨਾਲ-ਨਾਲ ਆਏ ਮਹਿਮਾਨਾਂ ਦਾ ਸਵਾਗਤ ਕੀਤਾ | ਸਮਾਗਮ ਨੂੰ ਪਿ੍ੰਸੀਪਲ ਅਮਰਜੀਤ ਕੌਰ, ਦਲਬਾਰ ਸਿੰਘ ਚੱਠੇ, ਰਾਜ ਕੁਮਾਰ ਅਰੋੜਾ, ਅਵਤਾਰ ਸਿੰਘ ਚੋਟੀਆਂ, ਬਹਾਦਰ ਸਿੰਘ ਰਾਓ, ਡਾ. ਹਰਨੇਕ ਸਿੰਘ ਢੋਟ, ਜਸਵਿੰਦਰ ਪੰਜਾਬੀ, ਸ੍ਰੀਮਤੀ ਸੁਖਬੀਰ ਕੌਰ, ਸਦਨ ਦੇ ਚੇਅਰਮੈਨ ਬਲਵੰਤ ਸਿੰਘ ਜੋਗਾ ਅਤੇ ਹੋਰਨਾਂ ਨੇ ਵੀ ਸੰਬੋਧਨ ਕਰਦਿਆ ਸਾਹਿਤ ਸਦਨ ਦੇ ਸਮਾਗਮ ਦੀ ਪ੍ਰਸੰਸਾ ਕਰਨ ਦੇ ਨਾਲ-ਨਾਲ ਡਾ. ਸਕਰੌਦੀ ਨੂੰ ਮੁਬਾਰਕ ਦਿੱਤੀ | ਇਸ ਮੌਕੇ ਹੋਏ ਕਵੀ ਦਰਬਾਰ ਵਿਚ ਮੁਲਚੰਦ ਸ਼ਰਮਾ, ਬਲਜੀਤ ਸ਼ਰਮਾ, ਸ਼ਸ਼ੀ ਬਾਲਾ, ਧਰਮੀ ਤੁੰਗਾਂ, ਬਲਜੀਤ ਸਿੰਘ ਬਾਂਸਲ ਨੂਰਦੀਪ ਕੋਮਲ, ਪਰਮਜੀਤ ਸਿੰਘ ਦਰਦੀ, ਹਰਵਿੰਦਰ ਕੌਰ, ਅਮਨਦੀਪ ਕੌਰ, ਗੁਰੀ ਚੰਦੜ, ਕੁਲਵੰਤ ਕਸਕ, ਖੁਸ਼ਪ੍ਰੀਤ ਕੌਰ, ਸ਼ਿਵਾਨੀ, ਪ੍ਰੀਤੀ, ਪਿ੍ਯੰਕਾ ਕੁਲਵਿੰਦਰ ਸਿੰਘ, ਦਿਲਗੀਰ, ਜਸਵੰਤ ਸਿੰਘ ਸਮਾਲਸਰ, ਚਰਨਜੀਤ ਸਮਾਲਸਰ, ਅਤੇ ਹੋਰਨਾਂ ਨੇ ਭਾਗ ਲਿਆ | ਪੁਸਤਕ 'ਚਾਰ ਨਾਵਲ' ਲੋਕ ਅਰਪਣ ਕਰਨ ਦੀ ਰਸਮ ਬਲਦੇਵ ਸਿੰਘ ਸੜਕਨਾਮਾ, ਡਾ. ਸੁਰਜੀਤ ਬਰਾੜ, ਮੂਲ ਚੰਦ ਸ਼ਰਮਾ, ਡਾ. ਹਰਨੇਕ ਸਿੰਘ ਢੋਟ, ਪਿ੍ੰਸੀਪਲ ਅਮਰਜੀਤ ਕੌਰ ਸਮੇਤ ਸ਼ਾਮਿਲ ਹੋਏ ਮਹਿਮਾਨਾਂ ਨੇ ਅਦਾ ਕੀਤੀ | ਇਸ ਮੌਕੇ ਹੋਰਨਾਂ ਤੋਂ ਇਲਾਵਾ ਪਰਮਵੀਰ ਸਿੰਘ ਟਿਵਾਣਾ, ਰਾਕੇਸ਼ ਬਾਤਿਸ਼, ਹਰਸ਼ ਬਾਵਾ, ਪ੍ਰਦੀਪ ਸਿੰਘ, ਦੀਪ ਸਿੰਘ, ਕੁਲਵਿੰਦਰ ਸਿੰਘ ਦਿਲਗੀਰ ਬਾਘਾ ਪੁਰਾ, ਕਿਰਪਾਲ ਸਿੰਘ, ਤੇਜਿੰਦਰ ਸਿੰਘ ਸੋਢੀ, ਜਸਵਿੰਦਰ ਸਿੰਘ, ਸੁਖਵਿੰਦਰ ਕੌਰ ਪਿੰਕੀ ਅਤੇ ਹੋਰ ਸ਼ਖ਼ਸੀਅਤਾਂ ਵੀ ਮੌਜੂਦ ਸਨ |

ਪਿਛਲੀ ਖ਼ਬਰ ਹਾਕੀ ਖਿਡਾਰੀਆਂ ਦੀ ਸਿੰਗਲਾ ਨੇ ਕੀਤੀ ਹੌਸਲਾ ਅਫਜ਼ਾਈ ਕਾਕਾ ਮਨੇਸ਼ ਦੀ ਯਾਦ ਵਿਚ ਕਰਵਾਈ ਜਾ ਰਹੀ ਹੈ ਹਾਕੀ ਲੀਗ ਅਗਲੀ ਖ਼ਬਰ ਵਿਧਾਇਕ ਡਾ. ਰਹਿਮਾਨ ਨੇ ਲਾਭਪਾਤਰੀਆਂ ਨੂੰ ਕੱਚੇ ਘਰਾਂ ਲਈ 13 ਕਰੋੜ 10 ਲੱਖ ਰੁਪਏ ਦੀ ਰਾਸ਼ੀ ਦੇ ਪ੍ਰਵਾਨਗੀ ਪੱਤਰ ਸੌਂਪ...

ਸਾਹਿਤਕ ਆਲੋਚਨਾ ਸਮੇਂ ਸੁਹਿਰਦਤਾ ਅਤੇ ਸੰਵੇਦਨਸ਼ੀਲਤਾ ਅਤਿ ਜ਼ਰੂਰੀ-ਬਲਦੇਵ ਸਿੰਘ ਸੜਕਨਾਮਾ <br/>

ਸੰਬੰਧਿਤ ਖ਼ਬਰਾਂ