ਮੈਲਬੋਰਨ, 19 ਦਸੰਬਰ (ਪਰਮਵੀਰ ਸਿੰਘ ਆਹਲੂਵਾਲੀਆ)-ਆਸਟਰੇਲੀਆ ਦੇ ਸੂਬੇ ਵਿਕਟੋਰੀਆ ਦੀ ਪ੍ਰੀਮੀਅਰ ਭਾਵ ਕਿ ਮੁੱਖ ਮੰਤਰੀ ਜੈਸਿੰਟਾ ਐਲਨ ਦੇ ਪਤੀ ਯੋਰਿਕ ਪਾਈਪਰ ਨੂੰ ਬੈਂਡੀਗੋ ਵਿਚ ਸ਼ਰਾਬ ਪੀ ਕੇ ਗੱਡੀ ਚਲਾਉਣ ਦੇ ਮਾਮਲੇ ਵਿਚ ਪੁਲਿਸ ਨੇ ਰੁਟੀਨ ਬ੍ਰੈਥ ਟੈਸਟ ਦੌਰਾਨ ਰੋਕਿਆ | ਟੈਸਟ ਦÏਰਾਨ ਖ਼ੂਨ 'ਚ ਸ਼ਰਾਬ ਦੀ ਮਾਤਰਾ 0.05 ਦਰਜ ਹੋਈ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਮÏਕੇ 'ਤੇ ਹੀ ਜੁਰਮਾਨਾ ਕੀਤਾ ਗਿਆ ਅਤੇ ਤਿੰਨ ਮਹੀਨਿਆਂ ਲਈ ਡਰਾਈਵਿੰਗ ਲਾਇਸੈਂਸ ਰੱਦ ਕਰ ਦਿੱਤਾ ਗਿਆ | ਪ੍ਰੀਮੀਅਰ ਜੈਸਿੰਟਾ ਐਲਨ ਨੇ ਕਿਹਾ ਕਿ ਇਸ ਘਟਨਾ ਕਾਰਨ ਉਹ ਬਹੁਤ ਹੀ ਸ਼ਰਮਿੰਦਾ ਹਨ ¢ ਪ੍ਰੀਮੀਅਰ ਅਨੁਸਾਰ ਨਸ਼ੇ 'ਚ ਗੱਡੀ ਚਲਾਉਣਾ ਇਕ ਗੰਭੀਰ ਅਪਰਾਧ ਹੈ ਅਤੇ ਕਾਨੂੰਨ ਸਭ ਲਈ ਬਰਾਬਰ ਹੈ | ਉਨ੍ਹਾਂ ਨੇ ਕਿਹਾ ਕਿ ਇਸ ਘਟਨਾ ਲਈ ਉਹ ਮੁਆਫ਼ੀ ਮੰਗਦੀ ਹੈ |
