ਲੰਡਨ, 27 ਦਸੰਬਰ (ਮਨਪ੍ਰੀਤ ਸਿੰਘ ਬੱਧਨੀ ਕਲਾਂ)-1066 ਵਿਚ ਹੇਸਟਿੰਗਜ਼ ਦੀ ਲੜਾਈ ਨੂੰ ਦਰਸਾਉਂਦੀ 70 ਮੀਟਰ ਲੰਬੀ ਕਲਾਕਿ੍ਤ ਦੋ ਦੇਸ਼ਾਂ ਦੀਆਂ ਸਰਕਾਰਾਂ ਵਿਚਕਾਰ ਇੱਕ ਸਮਝੌਤੇ ਦੇ ਹਿੱਸੇ ਵਜੋਂ ਫਰਾਂਸ ਤੋਂ ਲੰਡਨ ਆਵੇਗੀ | ਇਸ ਕਲਾਕਿ੍ਤੀ ਦੀ ਆਵਾਜਾਈ ਅਤੇ ਇਸਦੇ ਰੱਖ-ਰਖਾਅ ਅਤੇ ਪ੍ਰਦਰਸ਼ਨੀ ਦੇ ਸਮੇਂ ਇਸ ਦਾ ਸਰਕਾਰੀ ਮੁਆਵਜ਼ਾ ਯੋਜਨਾ ਦੇ ਅਧੀਨ ਦਾ ਬੀਮਾ ਕੀਤਾ ਜਾਵੇਗਾ | ਜੋ 800 ਮਿਲੀਅਨ ਪੌਂਡ ਤੱਕ ਦਾ ਹੋਵੇਗਾ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਇਹ ਕਲਾਕਿ੍ਤ ਬੇਯੂਕਸ ਟੇਪੇਸਟ੍ਰੀ 900 ਸਾਲ ਬਾਅਦ ਕਰਜ਼ੇ 'ਤੇ ਯੂ.ਕੇ. ਵਾਪਸ ਆਵੇਗੀ | ਕੁਝ ਫਰਾਂਸੀਸੀ ਕਲਾ ਮਾਹਿਰਾਂ ਨੇ ਸੁਝਾਅ ਦਿੱਤਾ ਹੈ ਕਿ ਲਗਭਗ 1,000 ਸਾਲ ਪੁਰਾਣਾ ਕੰਮ ਬਹੁਤ ਜਿਆਦਾ ਨਾਜ਼ੁਕ ਸਥਿਤੀ ਵਿਚ ਹੋਣ ਕਰਕੇ ਇਸਨੂੰ ਲਿਜਾਇਆ ਨਹੀਂ ਜਾ ਸਕਦਾ, ਪਰ ਫਰਾਂਸੀਸੀ ਅਧਿਕਾਰੀਆਂ ਨੇ ਇਨਕਾਰ ਕੀਤਾ ਹੈ | ਬਾਏਯੂਕਸ ਟੇਪੇਸਟ੍ਰੀ ਨੂੰ ਅਗਲੇ ਸਤੰਬਰ ਤੋਂ ਜੁਲਾਈ 2027 ਤੱਕ ਬਿ੍ਟਿਸ਼ ਅਜਾਇਬ ਘਰ ਦੀ ਸੇਨਸਬਰੀ ਪ੍ਰਦਰਸ਼ਨੀ ਗੈਲਰੀ ਵਿਚ ਪ੍ਰਦਰਸ਼ਿਤ ਕੀਤਾ ਜਾਵੇਗਾ ਜਦੋਂ ਕਿ ਇਸਦਾ ਮੌਜੂਦਾ ਘਰ, ਬੇਯੂਕਸ ਅਜਾਇਬ ਘਰ ਮੁਰੰਮਤ ਅਧੀਨ ਹੈ | 58 ਦਿ੍ਸ਼ਾਂ, 626 ਪਾਤਰ ਅਤੇ 202 ਘੋੜਿਆਂ ਵਾਲਾ, ਇਹ ਵਿਸ਼ਾਲ ਮਾਸਟਰਪੀਸ ਐਂਗਲੋ-ਫ੍ਰੈਂਚ ਸਬੰਧਾਂ ਵਿੱਚ ਇੱਕ ਵਿਵਾਦਪੂਰਨ ਸਮੇਂ ਨੂੰ ਦਰਸਾਉਂਦਾ ਹੈ ਜਦੋਂ ਵਿਲੀਅਮ ਦਾ ਕੌਂਕਰਰ ਨੇ ਹੈਰੋਲਡ ਗੌਡਵਿਨਸਨ ਤੋਂ ਇੰਗਲੈਂਡ ਦੀ ਗੱਦੀ ਖੋਹ ਲਈ ਸੀ, ਜੋ ਇੰਗਲੈਂਡ ਦਾ ਪਹਿਲਾ ਨੌਰਮਨ ਰਾਜਾ ਬਣਿਆ ਸੀ | ਬੇਯੂਕਸ ਟੇਪੇਸਟ੍ਰੀ ਦੇ ਬਦਲੇ, ਬਿ੍ਟਿਸ਼ ਮਿਊਜ਼ੀਅਮ ਫਰਾਂਸ ਨੂੰ ਕਈ ਚੀਜ਼ਾਂ ਉਧਾਰ ਦੇਵੇਗਾ, ਜਿਸ ਵਿਚ ਸਫੋਲਕ ਵਿਚ ਸਟਨ ਹੂ ਦਫ਼ਨਾਉਣ ਵਾਲੀ ਥਾਂ 'ਤੇ ਖੋਜੀਆਂ ਗਈਆਂ 7ਵੀਂ ਸਦੀ ਦੀਆਂ ਐਂਗਲੋ-ਸੈਕਸਨ ਕਲਾਕਿ੍ਤੀਆਂ ਅਤੇ 12ਵੀਂ ਸਦੀ ਦੇ ਲੇਵਿਸ ਸ਼ਤਰੰਜ ਦੇ ਟੁਕੜੇ ਸ਼ਾਮਿਲ ਹਨ |
