ਕਾਲਾਂਵਾਲੀ/ਸਿਰਸਾ, 22 ਨਵੰਬਰ (ਭੁਪਿੰਦਰ ਪੰਨੀਵਾਲੀਆ)- ਸ਼੍ਰੀ ਖਾਟੂ ਸ਼ਿਆਮ ਸੰਕੀਰਤਨ ਮੰਡਲ ਟਰੱਸਟ ਕਾਲਾਂਵਾਲੀ ਨੇ ਸ਼੍ਰੀ ਖਾਟੂ ਸ਼ਿਆਮ ਮੰਦਰ ਵਿਖੇ 13ਵੇਂ ਮੂਰਤੀ ਸਥਾਪਨਾ ਦਿਵਸ ਨੂੰ ਮਨਾਉਣ ਲਈ ਸ਼੍ਰੀ ਸ਼ਿਆਮ ਜਾਗਰਣ ਕੀਤਾ ਗਿਆ | ਇਸ ਦੌਰਾਨ ਸੁੰਦਰ ਅਤੇ ਸ਼ਾਨਦਾਰ ਤਰੀਕੇ ਨਾਲ ਦਰਬਾਰ ਨੂੰ ਸਜਾਇਆ ਗਿਆ ਸੀ, ਜੋ ਕਿ ਖਿੱਚ ਦਾ ਕੇਂਦਰ ਸੀ | ਸ਼ਹਿਰ ਦੇ ਪਤਵੰਤਿਆਂ ਅਤੇ ਟਰੱਸਟ ਮੈਂਬਰਾਂ ਨੇ ਜਾਗਰਣ ਵਿੱਚ ਪੂਜਾ ਕੀਤੀ | ਪੰਡਿਤ ਰਾਜੇਸ਼ ਸ਼ਰਮਾ ਅਤੇ ਬੰਟੀ ਸ਼ਰਮਾ ਨੇ ਜਾਪ ਰਸਮਾਂ ਨਿਭਾਈਆਂ | ਸਿਰਸਾ ਤੋਂ ਸੀਨੀਅਰ ਭਾਜਪਾ ਆਗੂ ਮਨੀਸ਼ ਸਿੰਗਲਾ ਨੇ ਵੀ ਜਾਗਰਣ ਵਿੱਚ ਹਿੱਸਾ ਲਿਆ | ਜਾਗਰਣ ਲਈ ਦਾਦੂ ਰੋਡ ਤੱਕ ਦੀ ਗਲੀ ਨੂੰ ਬਿਜਲੀ ਦੀਆਂ ਲਾਈਟਾਂ ਨਾਲ ਸਜਾਇਆ ਗਿਆ | ਸ਼੍ਰੀ ਸ਼ਿਆਮ ਬਾਬਾ ਲਈ ਇੱਕ ਕੇਕ ਵੀ ਅੱਧੀ ਰਾਤ ਨੂੰ ਕੱਟਿਆ ਗਿਆ | ਗੁਰੂਗ੍ਰਾਮ ਤੋਂ ਸ਼ੁਭਮ ਠਾਕਰਣ, ਸੂਰਤਗੜ੍ਹ ਤੋਂ ਵੈਸ਼ਣਵੀ ਜਨਵੇਜਾ ਅਤੇ ਮਹੇਸ਼ ਸ਼ਰਮਾ ਨੇ ਦੇਰ ਰਾਤ ਤੱਕ ਸ਼ਿਆਮ ਬਾਬਾ ਦਾ ਗੁਣਗਾਨ ਕੀਤਾ | ਇਸ ਮੌਕੇ 'ਤੇ ਡਾ. ਰਾਹੁਲ ਗਰਗ, ਰਣਜੀਤ ਸੋਨੀ, ਪ੍ਰਧਾਨ ਅਮਰਜੀਤ ਬਾਂਸਲ, ਭਾਜਪਾ ਆਗੂ ਸੁਨੀਲ ਟਿਸ਼ੂ, ਨਵੀਨ ਗਰਗ, ਸੁਰੇਸ਼ ਗੋਇਲ, ਈਸ਼ੂ ਗਰਗ, ਚਿਰਾਗ ਸਿੰਗਲਾ, ਮੋਨੂੰ ਠੇਕੇਦਾਰ, ਮੋਹਨ ਲਾਲ ਛਾਂਗਾ, ਭੂਸ਼ਣ ਸ਼ਰਮਾ, ਕਾਲਾ ਜਗਮਾਲਵਾਲੀ, ਜਤਿਨ ਜੈਨ, ਜਗਦੀਸ਼ ਰਾਏ, ਐਡਵੋਕੇਟ ਕਮਲ ਗਰਗ, ਲਵਲੀ ਗਰਗ ਠੇਕੇਦਾਰ, ਚਿੰਕੀ ਕੁਮਾਰ ਅਤੇ ਹੋਰ ਇਸ ਮੌਕੇ 'ਤੇ ਮੌਜੂਦ ਸਨ |
