ਰਤੀਆ, 6 ਦਸੰਬਰ (ਬੇਅੰਤ ਕੌਰ ਮੰਡੇਰ)- ਲਾਇਨਜ਼ ਕਲੱਬ ਰਤੀਆ ਸਿਟੀ ਵੱਲੋਂ ਸਰਕਾਰੀ ਕੰਨਿਆ ਸੀਨੀਅਰ ਸੈਕੰਡਰੀ ਸਕੂਲ ਰਤੀਆ ਵਿਖੇ ਲੋੜਵੰਦ ਪਰਿਵਾਰਾਂ ਦੇ ਬੱਚਿਆਂ ਲਈ ਜਰਸੀਆਂ ਅਤੇ ਬੂਟ ਵੰਡ ਸਮਾਰੋਹ ਕਰਵਾਇਆ ਗਿਆ | ਕਲੱਬ ਦੇ ਪ੍ਰਧਾਨ ਲਾਇਨ ਹਰਵੀਰ ਜੌੜਾ, ਲਾਇਨ ਕੁਐਸਟ ਦੇ ਚੇਅਰਮੈਨ ਗੋਪਾਲ ਚੰਦ ਕੁੱਲਰੀਆਂ, ਸਕੱਤਰ ਰਾਜ ਕੁਮਾਰ ਅਰੋੜਾ, ਲਾਇਨ ਸਤੀਸ਼ ਸਰਦਾਨਾ ਅਤੇ ਲਾਇਨ ਸੁਖ ਚੰਦ ਅਰੋੜਾ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਸ਼ਾਮਲ ਹੋਏ, ਜਦੋਂ ਕਿ ਪਿ੍ੰਸੀਪਲ ਗਜਾਨੰਦ ਨੇ ਸਮਾਰੋਹ ਦੀ ਪ੍ਰਧਾਨਗੀ ਕੀਤੀ | ਸਾਹਿਤਕਾਰ ਡਾ. ਨਾਇਬ ਸਿੰਘ ਮੰਡੇਰ ਨੇ ਸਵਾਗਤ ਕੀਤਾ ਅਤੇ ਲਾਇਨਜ਼ ਕਲੱਬ ਰਤੀਆ ਸਿਟੀ ਵੱਲੋਂ ਕੀਤੇ ਜਾ ਰਹੇ ਸਮਾਜ ਸੇਵੀ ਕਾਰਜਾਂ ਦੀ ਪ੍ਰਸ਼ੰਸਾ ਕੀਤੀ | ਸਮਾਰੋਹ ਦੇ ਕੋਆਰਡੀਨੇਟਰ, ਬੁਲਾਰੇ ਕਿਰਨ ਸਹਾਰਨ ਨੇ ਕਲੱਬ ਮੈਂਬਰਾਂ ਦਾ ਸਵਾਗਤ ਕੀਤਾ ਅਤੇ ਬੱਚਿਆਂ ਲਈ ਜਰਸੀਆਂ ਅਤੇ ਬੂਟਾਂ ਦੀ ਜ਼ਰੂਰਤ ਬਾਰੇ ਵਿਸਥਾਰ ਵਿਚ ਚਰਚਾ ਕੀਤੀ | ਇਸ ਮੌਕੇ ਸੁਨੀਲ ਕੁਮਾਰ, ਬੁਲਾਰੇ ਨਰੇਸ਼ ਕੁਮਾਰ, ਬੁਲਾਰੇ ਕਿਰਨ ਸਹਾਰਨ, ਰਿਚਾ ਰਾਣੀ ਬਿਸ਼ਨੋਈ, ਡਾ. ਸ਼ੀਤਲ, ਸੀਮਾ ਰਾਣੀ, ਬੇਬੀ, ਊਸ਼ਾ ਰਾਣੀ, ਹਰਦੀਪ ਸਿੰਘ, ਵਿਕਾਸ ਕੁਮਾਰ ਕੱਕੜ, ਭੂਤ ਸਿੰਘ ਆਦਿ ਹਾਜ਼ਰ ਸਨ |
