ਸਿਰਸਾ, 22 ਦਸੰਬਰ (ਭੁਪਿੰਦਰ ਪੰਨੀਵਾਲੀਆ)- ਬ੍ਰਹਮਾ ਕੁਮਾਰੀ ਆਨੰਦ ਸਰੋਵਰ ਸਿਰਸਾ ਦੇ ਇੰਚਾਰਜ ਬੀ.ਕੇ. ਬਿੰਦੂ ਦੀਦੀ ਦਾ 49ਵਾਂ ਜਨਮਦਿਨ ਅਧਿਆਤਮਿਕ ਉਤਸ਼ਾਹ ਅਤੇ ਸ਼ਰਧਾ ਨਾਲ ਮਨਾਇਆ ਗਿਆ | ਕੁਰੂਕਸ਼ੇਤਰ ਤੋਂ ਆਏ ਮਹਾਮੰਡਲੇਸ਼ਵਰ ਸਵਾਮੀ ਸੰਗਮਨਾਥ ਨੇ ਇਸ ਮੌਕੇ 'ਤੇ ਉਨ੍ਹਾਂ ਨੂੰ ਵਿਸ਼ੇਸ਼ ਵਧਾਈਆਂ ਅਤੇ ਅਸ਼ੀਰਵਾਦ ਦਿੱਤਾ |ਨਗਰ ਕੌਂਸਲ ਦੇ ਚੇਅਰਮੈਨ ਵੀਰ ਸ਼ਾਂਤੀ ਸਰੂਪ, ਆਪਣੀ ਪਤਨੀ ਅਤੇ ਸਾਬਕਾ ਕੌਂਸਲਰ ਸ਼੍ਰੀਮਤੀ ਮੀਨੂ ਭੱਟੀ ਦੇ ਨਾਲ ਇਸ ਸਮਾਗਮ ਵਿੱਚ ਸ਼ਾਮਲ ਹੋਏ ਅਤੇ ਬੀ.ਕੇ. ਬਿੰਦੂ ਦੀਦੀ ਨੂੰ ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ | ਉਨ੍ਹਾਂ ਕਿਹਾ ਕਿ ਬਿੰਦੂ ਦੀਦੀ ਦਾ ਜੀਵਨ ਸਮਾਜ ਨੂੰ ਅਧਿਆਤਮਿਕ ਸ਼ਾਂਤੀ, ਸਕਾਰਾਤਮਕ ਸੋਚ ਅਤੇ ਨੈਤਿਕ ਕਦਰਾਂ-ਕੀਮਤਾਂ ਵੱਲ ਪ੍ਰੇਰਿਤ ਕਰਦਾ ਹੈ |ਇਸ ਸਮਾਗਮ ਵਿੱਚ ਬੀ.ਕੇ. ਰਾਮਨਿਵਾਸ, ਬੀ.ਕੇ. ਰਾਣੀ ਦੀਦੀ, ਬੀ.ਕੇ. ਲਕਸ਼ਮੀ ਦੀਦੀ, ਬੀ.ਕੇ. ਪ੍ਰੇਰਨਾ ਦੀਦੀ ਅਤੇ ਬੀ.ਕੇ. ਸੁਖਪਾਲ ਕੌਰ ਸਮੇਤ ਬਹੁਤ ਸਾਰੇ ਸ਼ਰਧਾਲੂ ਮੌਜੂਦ ਸਨ | ਪ੍ਰੋਗਰਾਮ ਦੇ ਅੰਤ 'ਚ ਬੀ.ਕੇ. ਬਿੰਦੂ ਦੀਦੀ ਨੇ ਕਿਹਾ ਕਿ ਸਮਾਜ ਵਿੱਚ ਸੱਚੀ ਤਬਦੀਲੀ ਅਧਿਆਤਮਿਕ ਸ਼ਾਂਤੀ ਅਤੇ ਸੇਵਾ ਦੀ ਭਾਵਨਾ ਰਾਹੀਂ ਹੀ ਸੰਭਵ ਹੈ | ਪ੍ਰੋਗਰਾਮ ਸ਼ਾਂਤੀਪਾਠ ਨਾਲ ਸਮਾਪਤ ਹੋਇਆ |
