ਜਲੰਧਰ, 21 ਸਤੰਬਰ (ਸ਼ਿਵ)-ਜਲੰਧਰ ਉੱਤਰੀ ਤੋਂ ਵਿਜੇ ਭਾਟੀਆ ਨੂੰ ਆਮ ਆਦਮੀ ਪਾਰਟੀ ਵਲੋਂ ਹਲਕਾ ਸੰਗਠਨ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ | ਇਹ ਜ਼ਿੰਮੇਵਾਰੀ ਪਾਰਟੀ ਦੇ ਕੌਮੀ ਕਨਵੀਨਰ ਅਰਵਿੰਦ ਕੇਜਰੀਵਾਲ, ਮਨੀਸ਼ ਸਿਸੋਦੀਆ, ਮੁੱਖ ਮੰਤਰੀ ਭਗਵੰਤ ਮਾਨ ਤੇ ਹਲਕਾ ਇੰਚਾਰਜ ਨਾਰਥ ਦਿਨੇਸ਼ ਢਲ ਵਲੋਂ ਸੌਂਪੀ ਗਈ ਹੈ | ਇਸ ਮੌਕੇ ਵਿਜੇ ਭਾਟੀਆ ਨੇ ਕਿਹਾ ਕਿ ਇਕ ਆਮ ਜਿਹੇ ਵਰਕਰ ਨੂੰ ਇੰਨੀ ਵੱਡੀ ਜ਼ਿੰਮੇਵਾਰੀ ਦੇ ਕੇ ਪਾਰਟੀ ਨੇ ਸਾਰੇ ਵਰਕਰਾਂ ਦਾ ਮਾਣ ਵਧਾਇਆ ਹੈ | ਉਨ੍ਹਾਂ ਕਿਹਾ ਕਿ ਉਹ ਦਿਨੇਸ਼ ਢਲ ਤੇ ਸਾਰੇ ਉੱਤਰੀ ਹਲਕੇ ਦੇ ਪਾਰਟੀ ਵਰਕਰਾਂ ਨੂੰ ਨਾਲ ਲੈ ਕੇ ਸੰਗਠਨ ਨੂੰ ਹੋਰ ਮਜ਼ਬੂਤ ਕਰਨਗੇ | ਇਸ ਮੌਕੇ ਕੌਂਸਲਰ ਅਮਿੱਤ ਢਲ, ਕੌਂਸਲਰ ਦੀਪਕ ਸ਼ਾਰਦਾ, ਜਗੀਰ ਸਿੰਘ, ਕੁਲਦੀਪ ਲੁਬਾਣਾ (ਬਲਾਕ ਪ੍ਰਧਾਨ), ਭਾਰਤ ਭੂਸ਼ਨ, ਅਜੈ ਬਿੱਲੂ, ਕੇਵਲ ਪਾਲ, ਮਹੇਸ਼ ਗਰਗ , ਸਾਬਕਾ ਕੌਂਸਲਰ ਦੇਸ ਰਾਜ ਜੱਸਲ, ਓਮ ਪ੍ਰਕਾਸ਼, ਰਜਿੰਦਰ ਨਾਗਰਾ, ਦੀਪਕ ਨਗਰ, ਸੁਰਜੀਤ ਸਿੰਘ, ਵਿਕੀ ਕੌਸ਼ਲ, ਕੁਨਾਲ, ਬਿੰਨੀ, ਡਾ. ਪਿ੍ੰਸ ਸ਼ਰਮਾ, ਸ਼ਿਵਮ ਵਹੀ, ਹੈਪੀ, ਮੰਗਾ ਸਮੇਤ ਵਰਕਰ ਹਾਜ਼ਰ ਰਹੇ |
