ਸ਼ਹੀਦ ਭਗਤ ਸਿੰਘ ਯਾਦਗਾਰੀ ਲਾਇਬ੍ਰੇਰੀ ਨੂੰ ਕੀਤੀਆਂ ਕਿਤਾਬਾਂ ਭੇਟ <br/>

ਭੀਖੀ, 25 ਦਸੰਬਰ (ਸਹੋਤਾ)-ਨਵਯੁਗ ਸਾਹਿਤ ਕਲਾ ਮੰਚ ਭੀਖੀ ਦੇ ਪ੍ਰਧਾਨ ਅਤੇ ਕਹਾਣੀਕਾਰ ਭੁਪਿੰਦਰ ਫ਼ੌਜੀ ਨੇ ਦੱਸਿਆ ਕਿ ਕਸਬਾ ਭੀਖੀ ਨਾਲ ਸਬੰਧਿਤ ਸੱਤਪਾਲ ਰਿਸ਼ੀ ਮੋਹਾਲੀ ਅਤੇ ਉਨ੍ਹਾਂ ਦੇ ਰਿਸ਼ਤੇਦਾਰ ਐਨ.ਆਰ.ਆਈ. ਰਾਜਿੰਦਰ ਕੁਮਾਰ ਸ਼ਰਮਾ ਬਠਿੰਡਾ ਵਲੋਂ ਬਿਰਸ਼ਭਾਨ ਰਿਸ਼ੀ ਨੇ ਸਥਾਨਕ ਸ਼ਹੀਦ ਭਗਤ ਸਿੰਘ ਯਾਦਗਾਰੀ ਲਾਇਬ੍ਰੇਰੀ ਲਈ 200 ਤੋਂ ਵੱਧ ਕਿਤਾਬਾਂ ਭੇਟ ਕੀਤੀਆਂ | ਉਨ੍ਹਾਂ ਦੱਸਿਆ ਕਿ ਇਸ ਤੋਂ ਵੱਖ-ਵੱਖ ਵੰਨਗੀਆਂ ਦੀਆਂ ਬਹੁਮੁੱਲੀਆਂ ਕਿਤਾਬਾਂ ਸਾਹਿਤ ਰਸੀਆਂ ਦੇ ਗਿਆਨ 'ਚ ਹੋਰ ਵਾਧਾ ਕਰਨਗੀਆਂ ਅਤੇ ਲਾਇਬ੍ਰੇਰੀ ਲਈ ਇਹ ਕਿਤਾਬਾਂ ਸਾਹਿੱਤਿਕ ਖ਼ਜ਼ਾਨਾ ਸਾਬਤ ਹੋਣਗੀਆਂ | ਇਸ ਮੌਕੇ ਐੱਸ. ਅਮਰੀਕ, ਇੰਜ. ਲੱਖਾ ਸਿੰਘ, ਡਾ. ਭਰਭੂਰ ਸਿੰਘ ਮੰਨਣ, ਪਰਮੀਤ ਸਿੰਘ, ਮੱਲੀ ਰਾਮ, ਹਰਪਾਲ ਕੱਤਰੀ ਆਦਿ ਹਾਜ਼ਰ ਸਨ |