ਫਗਵਾੜਾ, 3 ਜੂਨ (ਹਰਜੋਤ ਸਿੰਘ ਚਾਨਾ)-ਅਮਰੀਕਾ ਸਥਿਤ ਖਾਲਿਸਤਾਨੀ ਗੁਰਪਤਵੰਤ ਸਿੰਘ ਪੰਨੂ ਦੇ ਇਸ਼ਾਰੇ 'ਤੇ ਜ਼ਿਲ੍ਹਾ ਜਲੰਧਰ ਦੇ ਪਿੰਡ ਨੰਗਲ (ਫਿਲੌਰ) 'ਚ ਦੂਜੀ ਵਾਰ ਭਾਰਤ ਰਤਨ ਡਾ.ਬੀ.ਆਰ. ਅੰਬੇਡਕਰ ਦੀ ਮੂਰਤੀ ਦਾ ਅਪਮਾਨ ਕਰਨ ਦੀ ਘਟਨਾ ਦੇ ਰੋਸ ਵਜੋਂ ਸ਼ਿਵ ਸੈਨਾ ਪੰਜਾਬ ਨੇ ਗੁਰਪਤਵੰਤ ਪੰਨੂ ਦਾ ਪੁਤਲਾ ਸਾੜਿਆ ਤੇ ਨਾਅਰੇਬਾਜ਼ੀ ਕੀਤੀ | ਇਸ ਮੌਕੇ ਸ਼ਿਵ ਸੈਨਾ ਆਗੂ ਇੰਦਰਜੀਤ ਕਰਵਲ ਤੇ ਰਾਜੇਸ਼ ਪਲਟਾ ਨੇ ਕਿਹਾ ਕਿ ਪੰਨੂ ਭਾਰਤ 'ਚ ਦੰਗੇ ਭੜਕਾ ਕੇ ਦੇਸ਼ ਵਿਚ ਤਬਾਹੀ ਮਚਾ ਰਿਹਾ ਹੈ | ਉਹ ਦੇਸ਼ ਦੀ ਸ਼ਾਂਤੀ ਭੰਗ ਕਰਨਾ ਚਾਹੁੰਦਾ ਹੈ | ਇਸ ਮੌਕੇ ਸੂਬਾ ਉਪ ਪ੍ਰਧਾਨ ਰਵੀ ਦੱਤ, ਅਸ਼ੋਕ ਆਹੂਜਾ, ਵਿਨੋਦ ਗੁਪਤਾ, ਨੀਰਜ ਸਚਦੇਵਾ, ਵਿਕਰਮ ਸ਼ਰਮਾ, ਨਰਿੰਦਰ ਨਿੰਦੀ, ਸਤਿੰਦਰ ਸੈਣੀ, ਕਰਨ ਪੰਡਿਤ, ਅਤੁਲ, ਰਾਕੇਸ਼ ਕੁਮਾਰ, ਸੋਨੂੰ ਲੱਖਾ, ਲਵਲੀਨ ਸ਼ਰਮਾ ਮੰਤਰੀ, ਨੀਰਜ, ਬੱਬੀ ਗੋਸਵਾਮੀ, ਮਨੋਜ ਟੰਡਨ ਆਦਿ ਸ਼ਾਮਿਲ ਸਨ |