ਫਗਵਾੜਾ, 21 ਦਸੰਬਰ (ਚਾਨਾ)-ਪਿੰਡ ਢੱਕਪੰਡੋਰੀ ਵਿਖੇ ਇੱਕ ਵਿਅਕਤੀ ਦੀ ਕੁੱਟਮਾਰ ਕਰਕੇ ਜ਼ਖਮੀ ਕਰਨ ਦੇ ਸਬੰਧ 'ਚ ਸਦਰ ਪੁਲਿਸ ਨੇ ਚਾਰ ਮੈਂਬਰਾਂ ਖ਼ਿਲਾਫ਼ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ | ਸ਼ਿਕਾਇਤ ਕਰਤਾ ਧਰਮਪਾਲ ਪੁੱਤਰ ਨੰਜੂ ਰਾਮ ਵਾਸੀ ਢੱਕ ਪੰਡੋਰੀ ਨੇ ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ 'ਚ ਦੱਸਿਆ ਕਿ ਉਸ ਦੀ ਘਰਵਾਲੀ ਤੇ ਭਰਜਾਈ ਦਾ ਆਪਸ 'ਚ ਬੱਚਿਆਂ ਨੂੰ ਲੈ ਕੇ ਲੜਾਈ ਝਗੜਾ ਹੋਇਆ ਸੀ ਜਿਸ ਦੌਰਾਨ ਉਸ ਦੇ ਲੜਕੇ ਤੇ ਉਸ ਦੀ ਘਰਵਾਲੀ ਦੇ ਸੱਟਾਂ ਲੱਗੀਆਂ ਸਨ, ਜਿਨ੍ਹਾਂ ਨੂੰ ਇਲਾਜ ਲਈ ਦਾਖ਼ਲ ਕਰਵਾਇਆ ਸੀ ਪਰ ਪਿੰਡ ਦੇ ਵਿਅਕਤੀ ਵਿਚਕਾਰ ਪੈ ਗਏ ਤੇ ਉਨ੍ਹਾਂ ਕੋਈ ਕਾਰਵਾਈ ਨਹੀਂ ਕਰਵਾਈ | ਜਿਸ ਤੋਂ ਬਾਅਦ ਉਸ ਦੀ ਭਰਜਾਈ ਸੀਮਾ ਕੁਮਾਰੀ ਨੇ ਅਜੈ ਕੁਮਾਰ, ਉਸ ਦਾ ਭਤੀਜ ਜੁਆਈ ਤੇ ਇੱਕ ਬਾਬਾ ਨੂੰ ਬੁਲਾ ਲਿਆ ਤੇ ਉਸ ਦੀ ਕੁੱਟਮਾਰ ਕੀਤੀ | ਜਿਸ ਸਬੰਧ 'ਚ ਪੁਲਿਸ ਨੇ ਭਰਜਾਈ ਸੀਮਾ ਰਾਣੀ, ਅਜੈ ਕੁਮਾਰ, ਬਾਬਾ ਤੇ ਅਣਪਛਾਤੇ ਵਿਅਕਤੀ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ |
