ਲਿਬਨਾਨ 'ਤੇ ਇਜ਼ਰਾਈਲੀ ਹਮਲੇ-100 ਤੋਂ ਵੱਧ ਮੌਤਾਂ

ਅ

ਅਜੀਤ ਡੈਸਕ 09-04-2026

ਲਿਬਨਾਨ 'ਚ ਅੱਜ ਇਜ਼ਰਾਈਲ ਵਲੋਂ ਕੀਤੇ ਗਏ ਹਮਲੇ 'ਚ 100 ਤੋਂ ਵੱਧ ਲੋਕਾਂ ਦੀ ਮੌਤ ਹੋ ਗਈ ਅਤੇ 800 ਤੋਂ ਜ਼ਿਆਦਾ ਲੋਕ ਜ਼ਖ਼ਮੀ ਹੋ ਗਏ | ਇਜ਼ਰਾਈਲੀ ਫ਼ੌਜ ਨੇ 10 ਮਿੰਟਾਂ ਦੇ ਅੰਦਰ-ਅੰਦਰ ਕੇਂਦਰੀ ਬੈਰੂਤ, ਦੱਖਣੀ ਲਿਬਨਾਨ ਅਤੇ ਪੂਰਬੀ ਬੇਕਾ ਘਾਟੀ ਵਿਚ 100 ਤੋਂ ਵੱਧ ਹਿਜ਼ਬੁੱਲਾ ਟਿਕਾਣਿਆਂ ਨੂੰ ਨਿਸ਼ਾਨਾ ਬਣਾਇਆ | ਇਸ ਦੌਰਾਨ ਬੈਰੂਤ ਦੇ ਕਈ ਹਿੱਸਿਆਂ ਵਿਚ ਧੂੰਏਾ ਦੇ ਗੁਬਾਰ ਅਸਮਾਨ ਵਿਚ ਉੱਠਦੇ ਦੇਖੇ ਗਏ¢ ਉਕਤ ਜਾਣਕਾਰੀ ਲਿਬਨਾਨ ਦੇ ਸਿਹਤ ਮੰਤਰਾਲੇ ਨੇ ਦਿੱਤੀ ਹੈ | ਇਜ਼ਰਾਈਲ ਨੇ ਕਿਹਾ ਹੈ ਕਿ ਉਹ ਉਸ ਦਾ ਹੁਣ ਤਕ ਦਾ ਸਭ ਤੋਂ ਵੱਡਾ ਸਾਂਝੀ ਫ਼ੌਜੀ ਕਾਰਵਾਈ ਸੀ | ਜਿਸ ਵਿਚ ਦੇਸ਼ ਦੇ ਕਈ
ਹਿੱਸਿਆਂ ਨੂੰ ਨਿਸ਼ਾਨਾ ਬਣਾਇਆ ਗਿਆ | ਇਸ ਦੌਰਾਨ ਈਰਾਨ ਨੇ ਚਿਤਾਵਨੀ ਦਿੱਤੀ ਹੈ ਕਿ ਜੇਕਰ ਇਜ਼ਰਾਈਲ ਇਸ ਤਰ੍ਹਾਂ ਹੀ ਲਿਬਨਾਨ 'ਤੇ ਹਮਲੇ ਕਰਦਾ ਰਿਹਾ ਤਾਂ ਉਹ ਜੰਗਬੰਦੀ ਤੋੜ ਸਕਦਾ ਹੈ | ਇਸ ਨਾਲ ਪੂਰੇ ਇਲਾਕੇ 'ਚ ਤਣਾਅ ਹੋਰ ਵਧ ਸਕਦਾ ਹੈ |