ਸ਼੍ਰੇਵਪੋਰਟ (ਅਮਰੀਕਾ), 19 ਅਪ੍ਰੈਲ (ਏਜੰਸੀ)-ਅਮਰੀਕਾ ਦੇ ਲੁਈਸਿਆਨਾ 'ਚ ਹੋਈ ਗੋਲੀਬਾਰੀ 'ਚ ਲਗਭਗ 8 ਬੱਚਿਆਂ ਦੀ ਮੌਤ ਹੋ ਗਈ | ਪੀੜਤਾਂ ਦੀ ਉਮਰ ਇਕ ਤੋਂ 14 ਸਾਲ ਤੱਕ ਦੱਸੀ ਜਾ ਰਹੀ ਹੈ | ਸ਼੍ਰੇਵਪੋਰਟ ਪੁਲਿਸ ਮੁਖੀ ਵੇਨ ਸਮਿਥ ਦੇ ਅਨੁਸਾਰ ਗੋਲੀਬਾਰੀ ਐਤਵਾਰ ਸਵੇਰੇ 6 ਵਜੇ ਦੇ ਕਰੀਬ ਹੋਈ | ਉਨ੍ਹਾਂ ਕਿਹਾ ਕਿ ਕੁੱਲ 10 ਲੋਕਾਂ ਨੂੰ ਗੋਲੀ ਮਾਰੀ ਗਈ | ਅਧਿਕਾਰੀਆਂ ਨੇ ਕਿਹਾ ਕਿ ਉਹ ਅਜੇ ਵੀ ਅਪਰਾਧ ਸਥਾਨ ਬਾਰੇ ਵੇਰਵੇ ਇਕੱਠੇ ਕਰ ਰਹੇ ਹਨ, ਜੋ ਕਿ ਵੱਖ-ਵੱਖ ਤਿੰਨ ਥਾਵਾਂ 'ਤੇ ਵਾਪਰਿਆ | ਸਮਿਥ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਸ਼ੱਕੀ ਸ਼ੂਟਰ ਨੂੰ ਵਾਹਨ ਦਾ ਪਿੱਛਾ ਕਰਨ ਦੌਰਾਨ ਪੁਲਿਸ ਨੇ ਗੋਲੀ ਮਾਰ ਦਿੱਤੀ |
