ਨਵੀਂ ਦਿੱਲੀ, 21 ਅਪ੍ਰੈਲ (ਜਗਤਾਰ ਸਿੰਘ)-ਸਬਰੀਮਾਲਾ ਮੰਦਿਰ ਵਿਚ ਔਰਤਾਂ ਦੇ ਦਾਖ਼ਲੇ ਅਤੇ ਧਾਰਮਿਕ ਵਿਤਕਰੇ ਨਾਲ ਜੁੜੇ ਮਾਮਲੇ ਵਿਚ ਸੁਪਰੀਮ ਕੋਰਟ ਵਿਚ ਸੁਣਵਾਈ ਜਾਰੀ ਹੈ ¢ਮੰਗਲਵਾਰ ਸੁਣਵਾਈ ਦੌਰਾਨ ਅਦਾਲਤ ਨੇ ਪੁੱਛਿਆ, ਮੂਰਤੀ ਨੂੰ ਛੂਹਣਾ, ਭਗਵਾਨ ਦਾ ਅਪਮਾਨ ਕਿਵੇਂ ਹੋ ਸਕਦਾ ਹੈ ਅਤੇ ਉਹ ਅਪਵਿੱਤਰ ਕਿਵੇਂ ਹੋ ਸਕਦੇ ਹਨ? ਸੁਪਰੀਮ ਕੋਰਟ ਨੇ ਪੁੱਛਿਆ, Tਕੀ ਸੰਵਿਧਾਨ ਉਸ ਸ਼ਰਧਾਲੂ ਦੀ ਮਦਦ ਲਈ ਨਹੀਂ ਆਵੇਗਾ ਜਿਸ ਨੂੰ ਸਿਰਫ਼ ਉਨ੍ਹਾਂ ਦੇ ਵੰਸ਼ ਅਤੇ ਜਨਮ ਕਾਰਨ ਦੇਵਤਾ ਨੂੰ ਛੂਹਣ ਤੋਂ ਰੋਕ ਦਿੱਤਾ ਜਾਂਦਾ ਹੈ?'' ਇਸ 'ਤੇ ਸਬਰੀਮਾਲਾ ਮੰਦਿਰ ਦੇ ਵਕੀਲ, ਐਡਵੋਕੇਟ ਵੀ. ਗਿਰੀ ਨੇ ਕਿਹਾ ਕਿ ਕਿਸੇ ਵੀ ਮੰਦਰ ਵਿਚ ਹੋਣ ਵਾਲੀ ਰੀਤੀ ਰਿਵਾਜ ਉਸ ਧਰਮ ਦਾ ਅਨਿੱਖੜਵਾਂ ਅੰਗ ਹਨ¢ ਪੂਜਾ ਦੇਵਤਾ ਦੀਆਂ ਵਿਸ਼ੇਸ਼ਤਾਵਾਂ ਦੇ ਉਲਟ ਨਹੀਂ ਹੋ ਸਕਦੀ¢ ਭਗਵਾਨ ਅਯੱਪਾ ਇੱਕ Tਨੈਸ਼ਠਿਕ ਬ੍ਰਹਮਚਾਰੀ'' ਹਨ, ਅਤੇ ਇਸ ਲਈ, ਉਥੇ ਪਰੰਪਰਾਵਾਂ ਉਸ ਅਨੁਸਾਰ ਸਥਾਪਿਤ ਕੀਤੀਆਂ ਜਾਂਦੀਆਂ ਹਨ¢ ਦੱਸਣਯੋਗ ਹੈ ਕਿ ਇਸ ਮਾਮਲੇ ਦੀ ਸੁਣਵਾਈ ਚੀਫ਼ ਜਸਟਿਸ ਦੀ ਅਗਵਾਈ ਵਾਲੀ 9 ਜੱਜਾਂ ਦੀ ਸੰਵਿਧਾਨਕ ਬੈਂਚ ਵੱਲੋਂ ਕੀਤੀ ਜਾ ਰਹੀ ਹੈ ¢
