ਸਾਨ ਫਰਾਂਸਿਸਕੋ, 23 ਅਪ੍ਰੈਲ (ਐਸ. ਅਸ਼ੋਕ ਭੌਰਾ)-ਅਮਰੀਕੀ ਜਲ ਸੈਨਾ ਦੇ ਸਕੱਤਰ ਜੌਹਨ ਫੈਲਨ ਨੇ ਆਪਣੇ ਅਹੁਦੇ ਤੋਂ ਅਸਤੀਫ਼ਾ ਦੇਣ ਦਾ ਐਲਾਨ ਕੀਤਾ ਹੈ ਪਰ ਰੱਖਿਆ ਮੰਤਰੀ ਪੀਟ ਹੇਗਸੇਥ ਨੇ ਫੈਲਨ ਨੂੰ ਇਕ ਸੁਨੇਹੇ 'ਚ ਕਿਹਾ ਕਿ ਉਨ੍ਹਾਂ ਨੂੰ ਅਜਿਹਾ ਕਰਨ ਦੀ ਲੋੜ ਨਹੀਂ, ਉਨ੍ਹਾਂ ਨੂੰ ਇਸ ਜ਼ਿੰਮੇਵਾਰੀ ਤੋਂ ਬਰਖ਼ਾਸਤ ਕੀਤਾ ਜਾ ਰਿਹਾ ਹੈ¢ਵਾਈਟ ਹਾਊਸ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਵੀ ਪੁਸ਼ਟੀ ਕੀਤੀ ਹੈ ਕਿ ਇਸ ਸਾਰੀ ਕਹਾਣੀ ਅਤੇ ਫੈਸਲੇ ਤੋਂ ਟਰੰਪ ਜਾਣੂ ਸਨ¢ਹੇਗਸੇਥ ਨੇ ਕਿਹਾ ਕਿ ਉਹ ਯੁੱਧ ਸਕੱਤਰ ਅਤੇ ਯੁੱਧ ਦੇ ਡਿਪਟੀ ਸਕੱਤਰ, ਵਿਭਾਗ ਅਤੇ ਅਮਰੀਕੀ ਜਲ ਸੈਨਾ ਵਲੋਂ ਫੈਲਨ ਦੇ ਉਸ ਦੀ ਸੇਵਾ ਲਈ ਧੰਨਵਾਦੀ ਹਨ ਅਤੇ ਹੁਣ ਅੰਡਰ ਸੈਕਟਰੀ ਹੰਗ ਕਾਓ ਜਲ ਸੈਨਾ ਦੇ ਕਾਰਜਕਾਰੀ ਸਕੱਤਰ ਹੋਣਗੇ¢ ਦੱਸਿਆ ਜਾ ਰਿਹਾ ਹੈ ਕਿ ਫੈਲਨ ਅਤੇ ਹੇਗਸੇਥ ਵਿਚਕਾਰ ਕਈ ਮਹੀਨਿਆਂ ਤੋਂ ਤਣਾਅ ਸੀ ਅਤੇ ਹੇਗਸੇਥ, ਟਰੰਪ ਨਾਲ ਫੈਲਨ ਦੇ ਸਿੱਧੀ ਗੱਲਬਾਤ ਤੋਂ ਵੀ ਨਾਰਾਜ਼ ਸੀ | ਹੇਗਸੇਥ ਇਹ ਸਮਝ ਰਿਹਾ ਸੀ ਕਿ ਉਸ ਨੂੰ ਬਾਈਪਾਸ ਕੀਤਾ ਜਾ ਰਿਹਾ ਹੈ¢ਫੈਲਨ ਇਕ ਕਾਰੋਬਾਰੀ ਹਨ ਅਤੇ ਇਸ ਤੋਂ ਪਹਿਲਾਂ ਉਨ੍ਹਾਂ ਕਦੇ ਫ਼ੌਜ ਲਈ ਸੇਵਾਵਾਂ ਨਹੀਂ ਦਿੱਤੀਆਂ ਹਨ |
