ਪ੍ਰਧਾਨ ਮੰਤਰੀ ਨੇ 98 ਸਾਲ ਦੇ ਬਜ਼ੁਰਗ ਨੇਤਾ ਦੇ ਪੈਰੀਂ ਹੱਥ ਲਗਾਇਆ <br/>

ਅ

ਅਜੀਤ ਡੈਸਕ 10-05-2026

ਕੋਲਕਾਤਾ, 9 ਮਈ (ਏਜੰਸੀ)-ਬੰਗਾਲ 'ਚ ਭਾਜਪਾ ਦੀ ਪਹਿਲੀ ਸਰਕਾਰ ਦੇ ਸਹੁੰ ਚੁੱਕ ਸਮਾਗਮ ਦੌਰਾਨ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਪਾਰਟੀ ਦੇ 98 ਸਾਲ ਦੇ ਬਜ਼ੁਰਗ ਨੇਤਾ ਮਾਖਨਲਾਲ ਸਰਕਾਰ ਦੇ ਪੈਰੀ ਹੱਥ ਲਾ ਕੇ ਆਸ਼ੀਰਵਾਦ ਲਿਆ | ਸੀਨੀਅਰ ਨੇਤਾ ਮਾਖਨਲਾਲ ਸਰਕਾਰ 1952 ਵਿਚ ਜਨਸੰਘ ਦੇ ਸੰਸਥਾਪਕ ਸ਼ਿਆਮਾ ਪ੍ਰਸਾਦ ਮੁਖਰਜੀ ਨਾਲ ਕਸ਼ਮੀਰ 'ਚ ਤਿਰੰਗਾ ਲਹਿਰਾਉਣ ਗਏ ਸਨ, ਜਿਥੇ ਅੰਦੋਲਨ ਦੌਰਾਨ ਉਨ੍ਹਾਂ ਨੂੰ ਗਿ੍ਫ਼ਤਾਰ ਕੀਤਾ ਗਿਆ ਸੀ | ਪਾਰਟੀ ਨੇ ਇਕ ਬਿਆਨ 'ਚ ਕਿਹਾ ਕਿ ਮਾਖਨਲਾਲ ਸਰਕਾਰ ਆਜ਼ਾਦੀ ਤੋਂ ਬਾਅਦ ਦੇ ਭਾਰਤ 'ਚ ਰਾਸ਼ਟਰਵਾਦੀ ਅੰਦੋਲਨ ਨਾਲ ਜੁੜੇ ਸ਼ੁਰੂਆਤੀ ਜ਼ਮੀਨੀ ਪੱਧਰ ਦੇ ਨੇਤਾਵਾਂ 'ਚੋਂ ਇਕ ਹਨ | 1980 ਵਿਚ ਮਾਖਨਲਾਲ ਸਰਕਾਰ ਖੱਬੇ ਮੋਰਚੇ ਦੇ ਸ਼ਾਸਨ ਵਾਲੇ ਪੱਛਮੀ ਬੰਗਾਲ 'ਚ ਉਸ ਸਮੇਂ ਦੇ ਪੱਛਮੀ ਦਿਨਾਜਪੁਰ, ਜਲਪਾਈਗੁੜੀ ਅਤੇ ਦਾਰਜੀਲਿੰਗ ਜ਼ਿਲਿ੍ਹਆਂ ਲਈ ਸੰਗਠਨਾਤਮਕ ਕੋਆਰਡੀਨੇਟਰ ਬਣ ਗਏ | 1981 ਤੋਂ ਬਾਅਦ ਉਨ੍ਹਾਂ ਜ਼ਿਲ੍ਹਾ ਪ੍ਰਧਾਨ ਵਜੋਂ ਲਗਾਤਾਰ ਸੱਤ ਸਾਲ ਸੇਵਾ ਨਿਭਾਈ, ਇਹ ਉਸ ਸਮੇਂ ਇੱਕ ਅਸਾਧਾਰਨ ਪ੍ਰਾਪਤੀ ਸੀ ਜਦੋਂ ਭਾਜਪਾ ਆਗੂ ਆਮ ਤੌਰ 'ਤੇ ਇਕ ਹੀ ਸੰਗਠਨਾਤਮਕ ਅਹੁਦੇ 'ਤੇ ਦੋ ਸਾਲ ਤੋਂ ਵੱਧ ਨਹੀਂ ਰਹਿ ਸਕਦੇ ਸਨ |