ਸਠਿਆਲਾ, (ਜਗੀਰ ਸਿੰਘ ਸਫਰੀ)-ਗੁ: ਸ਼ਹੀਦ ਗੰਜ ਸਾਹਿਬ ਅੰਮਿ੍ਤਸਰ ਵਿਖੇ ਵਾਪਰੀ ਘਟਨਾ ਕਾਰਨ ਸਠਿਆਲਾ ਪਿੰਡ ਦੀ ਔਰਤ ਦੀ ਮੌਤ ਹੋ ਜਾਣ ਅਤੇ ਉਸ ਦੀ ਧੀ ਦੇ ਗੰਭੀਰ ਜ਼ਖਮੀ ਹੋਣ ਨਾਲ ਪਿੰਡ 'ਚ ਸੋਗ ਦੀ ਲਹਿਰ ਪਾਈ ਜਾ ਰਹੀ ਹੈ | ਇਸ ਬਾਰੇ ਮਾਲਕ ਮਕਾਨ ਮਾਤਾ ਗੁਰਨਾਮ ਕੌਰ ਪਤਨੀ ਹੈੱਡ ਮਾਸਟਰ ਸੁਰਜੀਤ ਸਿੰਘ ਬੱਲ ਨੇ ਦੱਸਿਆ ਕਿ ਰਾਜਰਾਣੀ ਪਤਨੀ ਜੋਗਿੰਦਰ ਸਿੰਘ ਸਾਡੇ ਕਿਰਾਏਦਾਰ ਹਨ ਤੇ ਉਹ ਪਿੰਡ ਦਸੂਹਾ ਤੋਂ ਆ ਕੇ ਇਥੇ ਰਹਿ ਰਹੇ ਹਨ | ਉਨ੍ਹਾਂ ਦੱਸਿਆ ਕਿ ਰਾਜਰਾਣੀ ਤੇ ਰਜਨੀ ਦੋਵੇਂ ਮਾਂ-ਧੀ ਹਰ ਐਤਵਾਰ ਨੂੰ ਚੌਪਹਿਰਾ 'ਤੇ ਅੰਮਿ੍ਤਸਰ ਵਿਖੇ ਜਾਂਦੀਆਂ ਸਨ | ਉਨ੍ਹਾਂ ਦੇ ਪਤੀ ਜੋਗਿੰਦਰ ਸਿੰਘ ਨੂੰ ਫੋਨ ਆਇਆ ਕਿ ਗੁ: ਸ਼ਹੀਦਾਂ ਅੰਮਿ੍ਤਸਰ ਵਿਖੇ ਘਟਨਾ 'ਚ ਮਾਂ-ਧੀ ਗੰਭੀਰ ਜ਼ਖਮੀ ਹੋ ਗਈਆਂ ਹਨ | ਉਨ੍ਹਾਂ ਦੱਸਿਆ ਕਿ ਰਾਜਰਾਣੀ ਦੀ ਮੌਤ ਹੋ ਚੁੱਕੀ ਹੈ | ਸੂਬੇਦਾਰ ਬਲਜੀਤ ਸਿੰਘ ਨੇ ਦੱਸਿਆ ਕਿ ਰਜਨੀ ਗੁਰੂ ਰਾਮਦਾਸ ਹਸਪਤਾਲ ਵਿਖੇ ਦਾਖ਼ਲ ਹੈ |
