ਹੁਸ਼ਿਆਰਪੁਰ, 3 ਜਨਵਰੀ (ਬਲਜਿੰਦਰਪਾਲ ਸਿੰਘ)-ਨਵੇਂ ਸਾਲ 2026 ਦੀ ਸ਼ੁਰੂਆਤ ਸੇਂਟ ਸੋਲਜਰ ਗਰੁੱਪ ਆਫ਼ ਇੰਸਟੀਚਿਊਸ਼ਨ ਦੀਆਂ ਵੱਖ-ਵੱਖ ਸ਼ਾਖਾਵਾਂ 'ਚ ਉਸਾਰੂ ਅਹਿਦ ਲੈ ਕੇ ਕੀਤੀ ਗਈ | ਸਮੂਹ ਸਕੂਲਾਂ ਅਤੇ ਕਾਲਜਾਂ ਦੇ ਡਾਇਰੈਕਟਰਾਂ, ਪਿ੍ੰਸੀਪਲਾਂ ਅਤੇ ਹੋਰ ਸਟਾਫ਼ ਮੈਂਬਰਾਂ ਨੇ ਵੱਖ-ਵੱਖ ਤਰ੍ਹਾਂ ਦੇ ਪੋਸਟਰ ਬਣਾ ਕੇ ਵਿਦਿਆਰਥੀਆਂ ਦੇ ਚੰਗੇ ਭਵਿੱਖ ਅਤੇ ਸਿੱਖਿਆ ਦੀ ਗੁਣਵੱਤਾ ਵਿਚ ਸੁਧਾਰ ਦਾ ਪ੍ਰਣ ਕੀਤਾ | ਇਸ ਮੌਕੇ ਨਵਾਂ ਸ਼ੌਕ ਸਿੱਖਣਾ, ਮਾਨਸਿਕ ਸਿਹਤ ਨੂੰ ਪਹਿਲ ਦੇਣਾ, ਆਪਣੇ-ਆਪ ਨੂੰ ਘੱਟ ਨਾ ਸਮਝਣਾ, ਡਰ 'ਤੇ ਕਾਬੂ ਪਾਉਣਾ, ਜੀਵਨ ਵਿਚ ਟੀਚੇ ਤੈਅ ਕਰਨਾ, ਬਹਾਨੇ ਨਾ ਬਣਾਉਣਾ, ਬੁਰੀਆਂ ਆਦਤਾਂ ਨੂੰ ਛੱਡਣਾ, ਦਿਆਲੂ ਸੁਭਾਅ, ਆਤਮਵਿਸ਼ਵਾਸ, ਚੰਗੀ ਸਿਹਤ ਅਤੇ ਤੰਦਰੁਸਤੀ ਸ਼ਾਮਲ ਹਨ | ਸੰਤੁਲਿਤ ਭੋਜਨ, ਸਰੀਰਕ ਸਿਹਤ ਵੱਲ ਧਿਆਨ, ਮੁਆਫ਼ੀ ਆਦਿ ਪ੍ਰਣ ਕੀਤੇ ਗਏ | ਚੇਅਰਮੈਨ ਅਨਿਲ ਚੋਪੜਾ ਅਤੇ ਵਾਈਸ ਚੇਅਰਪਰਸਨ ਸੰਗੀਤਾ ਚੋਪੜਾ ਨੇ ਸਮੂਹ ਸਟਾਫ਼ ਮੈਂਬਰਾਂ ਨੂੰ ਨਵੇਂ ਸਾਲ ਦੀ ਵਧਾਈ ਦਿੰਦਿਆਂ ਸੰਕਲਪਾਂ ਨੂੰ ਅਸਲ ਵਿਚ ਲਾਗੂ ਕਰਨ ਲਈ ਪ੍ਰੇਰਿਤ ਕੀਤਾ |
