ਮੁਕੇਰੀਆਂ, 10 ਜੁਲਾਈ (ਰਾਮਗੜ੍ਹੀਆ)- ਸਿਵਲ ਹਸਪਤਾਲ ਮੁਕੇਰੀਆਂ ਵਿਖੇ ਲੰਬੇ ਸਮੇਂ ਤੋਂ ਸੇਵਾ ਨਿਭਾ ਰਹੇ ਮਨੋਵਿਗਿਆਨੀ ਡਾ. ਸਤਬੀਰ ਸਿੰਘ ਨੇ ਅੱਜ ਸਵੈ-ਇੱਛਤ ਸਮੇਂ ਤੋਂ ਪਹਿਲਾਂ ਸੇਵਾ-ਮੁਕਤੀ ਲੈ ਲਈ। ਇਸ ਮੌਕੇ ਸਿਵਲ ਹਸਪਤਾਲ ਮੁਕੇਰੀਆਂ ਦੇ ਸਾਰੇ ਡਾਕਟਰਾਂ ਤੇ ਸਟਾਫ਼ ਨੇ ਐੱਸ.ਐਮ.ਓ. ਡਾ. ਰਮਨ ਕੁਮਾਰ ਦੀ ਅਗਵਾਈ ਹੇਠ ਡਾ. ਸਤਬੀਰ ਸਿੰਘ ਲਈ ਵਿਦਾਇਗੀ ਪਾਰਟੀ ਕੀਤੀ। ਇਸ ਮੌਕੇ ਬੋਲਦਿਆਂ ਐੱਸ.ਐਮ.ਓ. ਡਾ. ਰਮਨ ਕੁਮਾਰ ਨੇ ਕਿਹਾ ਕਿ ਡਾ. ਸਤਬੀਰ ਨਾ ਸਿਰਫ਼ ਇਕ ਸ਼ਾਨਦਾਰ ਡਾਕਟਰ ਹਨ, ਸਗੋਂ ਇੱਕ ਚੰਗੇ ਇਨਸਾਨ ਵੀ ਹਨ, ਅਤੇ ਉਹ ਹਮੇਸ਼ਾ ਉਨ੍ਹਾਂ ਨਾਲ ਬਿਤਾਏ ਸਮੇਂ ਦੀ ਕਦਰ ਕਰਨਗੇ। ਇਸ ਮੌਕੇ ਡਾ. ਰਮਨ ਕੁਮਾਰ ਅਤੇ ਸਟਾਫ਼ ਨੇ ਡਾ. ਸਤਬੀਰ ਸਿੰਘ ਨੂੰ ਯਾਦਗਾਰੀ ਚਿੰਨ੍ਹ ਭੇਟ ਕਰਕੇ ਸਨਮਾਨਿਤ ਕੀਤਾ। ਇਸ ਮੌਕੇ ਡਾ. ਅਜੈ ਪਾਲ ਸਿੰਘ, ਡਾ. ਨਰਿੰਦਰ ਪਾਲ, ਡਾ. ਲਖਬੀਰ ਸਿੰਘ, ਡਾ. ਸਿਧਾਂਤ ਕਪਿਲਾ, ਡਾ. ਜਸਕੀਰਤ ਗੌਤਮ, ਡਾ. ਪਰਮਦੀਪ ਸਿੰਘ, ਡਾ. ਅਮਨ ਮਿਨਹਾਸ, ਡਾ. ਮਨਦੀਪ ਕੌਰ, ਡਾ. ਨਵਨੀਤ ਕੌਰ, ਡਾ. ਪਲਵੀ, ਡਾ. ਸਮਿਤਾ ਚੌਧਰੀ, ਡਾ. ਰਾਕੇਸ਼ ਕੁਮਾਰ, ਡਾ. ਸ਼ੁਭਮ, ਨਰਸਿੰਗ ਸਿਸਟਰ ਸੁਖਵਿੰਦਰ ਕੌਰ, ਰੇਡੀਉਗ੍ਰਾਫਰ ਆਕਾਸ਼, ਲੈਬ ਟੈਕਨੀਸ਼ੀਅਨ ਸੁਖਦੇਵ ਰਾਜ, ਸੁਖਵਿੰਦਰ ਸਮੇਤ ਹਸਪਤਾਲ ਦਾ ਹੋਰ ਸਟਾਫ਼ ਮੈਂਬਰ ਹਾਜ਼ਰ ਸਨ।
