ਹੰਬੜਾਂ, 5 ਮਾਰਚ (ਮੇਜਰ ਹੰਬੜਾਂ)-ਜੇਕਰ ਹਲਕਾ ਦਾਖਾ ਦੀ ਗੱਲ ਕਰੀਏ ਤਾਂ ਇੱਥੇ ਪਿਛਲੀਆਂ ਕਈ ਵਿਧਾਨ ਸਭਾ ਚੋਣਾਂ ਜਿੱਤਣ ਦੇ ਨਾਲ ਜ਼ਿਮਨੀ ਚੋਣ 'ਚ ਵੀ ਵਿਧਾਇਕ ਮਨਪ੍ਰੀਤ ਸਿੰਘ ਇਯਾਲੀ ਨੂੰ ਲੋਕਾਂ ਨੇ ਪਲਕਾਂ 'ਤੇ ਬਿਠਾਇਆ ਹੈ ਤੇ ਹੁਣ ਵੀ ਹਲਕਾ ਦਾਖਾ ਦੇ ਲੋਕ ਸ: ਇਯਾਲੀ ਨਾਲ ਚੱਟਾਨ ਵਾਂਗ ਖੜੇ੍ਹ ਹਨ | ਇਹ ਪ੍ਰਗਟਾਵਾ ਵਿਧਾਇਕ ਮਨਪ੍ਰੀਤ ਇਯਾਲੀ ਦੇ ਅਤੀ ਨਜ਼ਦੀਕੀ ਸੀਨੀਅਰ ਆਗੂ ਹਰਦੀਪ ਸਿੰਘ ਭੰਗੂ ਯੂ.ਐੱਸ.ਏ. ਨੇ ਸ: ਇਯਾਲੀ 'ਤੇ ਉਂਗਲਾ ਚੁੱਕਣ ਵਾਲਿਆਂ ਨੂੰ ਤਾੜਨਾ ਕਰਦਿਆਂ ਕਿਹਾ ਕਿ ਵਿਧਾਨ ਸਭਾ ਹਲਕਾ ਦਾਖਾ ਦੇ ਲੋਕ ਸ: ਇਯਾਲੀ ਨੂੰ ਆਪਣੇ ਪਰਿਵਾਰ ਦਾ ਹਿੱਸਾ ਮੰਨਦੇ ਹਨ ਤੇ ਉਹ ਕਦੇ ਵੀ ਸ: ਇਯਾਲੀ ਦੀ ਪਿੱਠ ਨਹੀਂ ਲੱਗਣ ਦੇਣਗੇ | ਹਰਦੀਪ ਸਿੰਘ ਭੰਗੂ ਨੇ ਦਾਅਵਾ ਕੀਤਾ ਕਿ ਹਲਕਾ ਦਾਖਾ ਨਿਰੋਲ ਪੰਥਕ ਹਲਕਾ ਹੈ ਤੇ ਇਥੋਂ ਪੰਥਕ ਸੋਚ ਰੱਖਣ ਵਾਲੇ ਵਿਧਾਇਕ ਇਯਾਲੀ ਵਰਗੇ ਲੋਕਾਂ ਦੇ ਹਰਮਨ ਪਿਆਰੇ ਨੇਤਾ ਹੀ ਲੋਕਾਂ ਦੇ ਆਗੂ ਬਣ ਸਕਦੇ ਹਨ ਤੇ ਸ: ਇਯਾਲੀ ਵਲੋਂ ਹਲਕਾ ਦਾਖਾ ਦੀ ਹਰ ਚੋਣ ਵਿਚ ਇਹ ਸਾਬਿਤ ਵੀ ਕੀਤਾ ਜਾ ਚੁੱਕਾ ਹੈ |
