ਸਿੱਧਵਾਂ ਬੇਟ, 30 ਮਈ (ਜਸਵੰਤ ਸਿੰਘ ਸਲੇਮਪੁਰੀ)-ਇਲਾਕੇ ਦੀ ਨਾਮਵਾਰ ਵਿੱਦਿਅਕ ਸੰਸਥਾ ਸ਼ਾਂਤੀ ਦੇਵੀ ਮੈਮੋਰੀਅਲ ਪਬਲਿਕ ਹਾਈ ਸਕੂਲ ਵਲੋਂ ਵਿਦਿਆਰਥੀਆਂ ਦੇ ਮਨੋਰੰਜਨ ਦੇ ਲਈ ਬੱਚਿਆਂ ਦਾ ਰੋਮਾਂਚਿਕ ਟੂਰ ਲਗਾ ਕੇ ਉਨ੍ਹਾਂ ਨੂੰ ਵੰਡਰਲੈਂਡ ਜਲੰਧਰ ਵਿਖੇ ਲਿਜਾਇਆ ਗਿਆ | ਇਸ ਟੂਰ ਵਿਚ ਬੱਚਿਆਂ ਅਤੇ ਅਧਿਆਪਕਾਂ ਨੇ ਅਧੁਨਿਕ ਝੂਲਿਆਂ, ਰੇਨ ਡਾਂਸ ਹਾਲ, ਰੋਲਰ ਕਾਸਟਰ ਤੇ ਵਾਟਰ ਪਾਰਕ ਦਾ ਬਹੁਤ ਅਨੰਦ ਮਾਣਿਆ | ਸਕੂਲ ਇੰਚਾਰਜ ਮੈਡਮ ਕੰਚਨ ਰਾਣੀ ਨੇ ਦੱਸਿਆ ਇਸ ਟੂਰ ਦਾ ਮੁੱਖ ਮਕਸਦ ਬੱਚਿਆਂ ਨੂੰ ਪੜ੍ਹਾਈ ਦੇ ਨਾਲ-ਨਾਲ ਉਨ੍ਹਾਂ ਨੂੰ ਮਨੋਰੰਜਨ ਕਰਵਾਉਣਾ ਹੈ, ਇਸ ਨਾਲ ਬੱਚਿਆਂ ਵਿਚ ਹੋਰ ਅਨਰਜੀ ਪੈਦਾ ਹੁੰਦੀ ਹੈ | ਉਨ੍ਹਾਂ ਆਖਿਆ ਕਿ ਅਸੀਂ ਅੱਗੇ ਤੋਂ ਵੀ ਇਸੇ ਤਰ੍ਹਾਂ ਦੇ ਵਿੱਦਿਅਕ ਅਤੇ ਰੋਮਾਂਚਿਕ ਟੂਰ ਦਾ ਪ੍ਰਬੰਧ ਕਰਦੇ ਰਹਾਂਗੇ | ਉਨ੍ਹਾਂ ਦੱਸਿਆ ਕਿ ਇਸ ਟੂਰ ਨੂੰ ਲੈ ਕੇੇ ਬੱਚੇ ਤੇ ਉਨ੍ਹਾਂ ਦੇ ਮਾਪੇ ਕਾਫ਼ੀ ਉਤਸ਼ਾਹਿਤ ਅਤੇ ਖੁਸ਼ ਸਨ |
