ਸੜੋਆ, 21 ਫਰਵਰੀ (ਹਰਮੇਲ ਸਹੰੂਗੜਾ)-ਸੜੋਆ ਪਸ਼ੂ ਹਸਪਤਾਲ 'ਚ ਕਾਫ਼ੀ ਲੰਮੇ ਸਮੇਂ ਤੋਂ ਖ਼ਾਲੀ ਪਈ ਵੈਟਰਨਰੀ ਡਾਕਟਰ ਦੀ ਅਸਾਮੀ ਨੂੰ ਸਰਕਾਰ ਵਲੋਂ ਪੂਰਾ ਕਰ ਦਿੱਤਾ ਗਿਆ ਹੈ | ਪਸ਼ੂ ਹਸਪਤਾਲ ਸੜੋਆ ਵਿਖੇ ਆਪਣਾ ਅਹੁਦਾ ਸੰਭਾਲਦਿਆਂ ਡਾ. ਜੋਇਦੀਪ ਸਿੰਘ ਗਰੇਵਾਲ ਨੇ ਦੱਸਿਆ ਕਿ ਮੈਂ ਆਪਣੀ ਮੁੱਢਲੀ ਪੜਾਈ ਪੂਰੀ ਕਰਨ ਉਪਰੰਤ ਬੀ.ਬੀ.ਐਸ.ਸੀ ਅਤੇ ਏ.ਐਚ ਦੀ ਡਿਗਰੀ ਖ਼ਾਲਸਾ ਕਾਲਜ ਅੰਮਿ੍ਤਸਰ ਤੋਂ ਕੀਤੀ ਹੈ ਅਤੇ ਮੇਰੀ ਪਹਿਲੀ ਹੀ ਪੋਸਟਿੰਗ ਸੜੋਆ ਪਸੂ ਹਸਪਤਾਲ 'ਚ ਸਰਕਾਰ ਵਲੋਂ ਕੀਤੀ ਹੈ | ਇਸ ਮੌਕੇ ਸਰਪੰਚ ਰਾਜੀਵ ਕੁਮਾਰ ਪੰਨੂ, ਸੁਰਿੰਦਰਪਾਲ ਪੰਚ, ਡਾਕਟਰ ਦੇ ਪਿਤਾ ਰਵਿੰਦਰ ਪਾਲ ਸਿੰਘ ਗਰੇਵਾਲ ਤੇ ਮਾਤਾ ਕੰਵਲਜੀਤ ਕੌਰ ਵੀ ਆਪਣੇ ਬੇਟੇ ਨਾਲ ਹਾਜ਼ਰ ਸਨ |
