ਸਕੂਲ ਬੱਸ ਦੀ ਟੱਕਰ ਨਾਲ ਇਕ ਜਖ਼ਮੀ
ਅਜੀਤ ਡੈਸਕ
27-04-2026
ਹੈਰੋਇਨ ਬਰਾਮਦ
ਨਵਾਂਸ਼ਹਿਰ ਹੈੱਡ ਕਾਂਸਟੇਬਲ ਹਰਪ੍ਰੀਤ ਸਿੰਘ ਅਨੁਸਾਰ ਉਹ ਸਮੇਤ ਪੁਲਿਸ ਪਾਰਟੀ ਦੇ ਇਲਾਕਾ ਗਸ਼ਤ ਬਾ ਜਾਂਚ ਸ਼ੱਕੀ ਪੁਰਸ਼ਾਂ ਤੇ ਵਹੀਕਲਾਂ ਦੇ ਸਬੰਧ ਵਿੱਚ ਇਲਾਕਾ ਗਸ਼ਤ ਕਰਦੇ ਹੋਏ ਥਾਣਾ ਰਾਹੋਂ ਤੋਂ ਬਿਸਤ ਦੋਆਬ ਨਹਿਰ ਦੇ ਨਾਲ-ਨਾਲ, ਪਿੰਡ ਕੋਟ ਰਾਂਝਾ, ਛੋਕਰਾਂ, ਸ਼ਹਿਬਾਜ਼ਪੁਰ ਹੈੱਡ ਹੁੰਦੇ ਹੋਏ ਪਿੰਡ ਸੋਇਤਾ ਵੱਲ ਨੂੰ ਜਾ ਰਹੇ ਸੀ ਤਾਂ ਸਾਹਮਣੇ ਤੋਂ ਇੱਕ ਵਿਅਕਤੀ ਪੈਦਲ ਆਉਂਦਾ ਦਿਖਾਈ ਦਿੱਤਾ | ਜਿਸ ਨੇ ਆਪਣੇ ਵੱਲ ਆਉਂਦੀ ਪੁਲਿਸ ਪਾਰਟੀ ਦੀ ਗੱਡੀ ਨੂੰ ਦੇਖ ਕੇ, ਘਬਰਾ ਕੇ ਆਪਣੇ ਪਹਿਨੇ ਹੋਏ ਲੋਅਰ ਦੀ ਜੇਬ ਵਿੱਚੋਂ ਆਪਣੇ ਹੱਥ ਨਾਲ ਕੋਈ ਸ਼ੱਕੀ ਵਸਤੂ ਕੱਢ ਕੇ ਸੜਕ ਕਿਨਾਰੇ ਘਾਹ ਫੂਸ 'ਤੇ ਸੁੱਟ ਦਿੱਤੀ ਅਤੇ ਆਪ ਪਿਛਾਂਹ ਨੂੰ ਮੁੜ ਕੇ ਖਿਸਕਣ ਲੱਗਾ | ਜਿਸ ਨੇ ਆਪਣਾ ਨਾਮ ਰੁਪਿੰਦਰ ਸਿੰਘ ਉਰਫ ਪਟਵਾਰੀ ਪੁੱਤਰ ਬਲਵੀਰ ਸਿੰਘ ਵਾਸੀ ਮਜਾਰਾ ਕਲਾਂ, ਥਾਣਾ ਸਦਰ ਨਵਾਂਸ਼ਹਿਰ, ਜ਼ਿਲ੍ਹਾ ਸ਼ਹੀਦ ਭਗਤ ਸਿੰਘ ਨਗਰ ਦੱਸਿਆ | ਰੁਪਿੰਦਰ ਸਿੰਘ ਉਰਫ ਪਟਵਾਰੀ ਉਕਤ ਵਲੋਂ ਸੁੱਟੀ ਹੋਈ ਪਾਰਦਰਸ਼ੀ ਮੋਮੀ ਲਿਫਾਫੀ ਨੂੰ ਚੁੱਕ ਕੇ ਚੈੱਕ ਕੀਤਾ ਤਾਂ 2.48 ਗ੍ਰਾਮ ਹੈਰੋਇਨ ਬਰਾਮਦ ਹੋਈ |
ਲੜਕੀ ਨੇ ਕੈਨੇਡਾ ਜਾਣ ਲਈ ਕੀਤੀ 40 ਲੱਖ ਦੀ ਧੋਖਾਧੜ੍ਹੀ
ਨਵਾਂਸ਼ਹਿਰ ਫਿਰਾਜ ਰਤਨ ਪੁੱਤਰ ਦੇਸ ਰਾਜ ਵਾਸੀ ਫਾਂਬੜਾ ਨੇ ਦੋਸ਼ ਲਾਇਆ ਕਿ ਸਵੀਨਾ ਕੋਮਲ ਪੁੱਤਰੀ ਸੁਰਿੰਦਰ ਪਾਲ, ਸੁਰਿੰਦਰ ਪਾਲ ਪੁੱਤਰ ਸੁਰਜੀਤ ਰਾਮ ਵਾਸੀ ਫਰਾਲਾ ਨੇ 40 ਲੱਖ ਰੁਪਏ ਦੀ ਠੱਗੀ ਮਾਰੀ | ਉਨ੍ਹਾਂ ਦੱਸਿਆ ਫਿਰਾਜ ਰਤਨ ਦੀ ਸ਼ਾਦੀ ਅਕਤੂਬਰ 2017 ਨੂੰ ਸ੍ਰੀ ਗੁਰੂ ਰਵਿਦਾਸ ਕਮਿਊਨਿਟੀ ਹਾਲ ਬੰਗਾ ਵਿਖੇ ਰੀਤੀ ਰਿਵਾਜ ਨਾਲ ਹੋਈ | ਰਿਸ਼ਤਾ ਤੈਅ ਹੋਣ ਸਮੇਂ ਦਰਖਾਸਤੀ ਧਿਰ ਦੀ ਸ਼ਰਤ ਕਿ ਸਵੀਨਾ ਕੋਮਲ ਵਿਦੇਸ਼ ਕੈਨੇਡਾ ਜਾਣਾ ਚਾਹੁੰਦੀ, ਜਿਸਦਾ ਵਿਦੇਸ਼ ਦਾ ਸਾਰਾ ਖਰਚਾ ਉਨ੍ਹਾਂ ਵਲੋਂ ਕੀਤਾ ਜਾਵੇਗਾ | ਲੜਕੀ ਵਿਦੇਸ਼ ਕੈਨੇਡਾ ਜਾ ਕੇ ਦਰਖਾਸਤੀ ਦਾ ਵੀਜ਼ਾ ਅਪਲਾਈ ਕਰੇਗੀ ਅਤੇ ਕੈਨੇਡਾ ਦੀ ਪੀ. ਆਰ ਦਿਵਾਏਗੀ | ਦੋਵਾਂ ਦੀ ਸਹਿਮਤੀ ਨਾਲ ਰਿਸ਼ਤਾ ਤੈਅ ਹੋਇਆ | ਸਵੀਨਾ ਕੋਮਲ ਵਿਦੇਸ਼ ਕੈਨੇਡਾ ਜਾ ਕੇ ਦਰਖਾਸਤੀ ਧਿਰ ਤੋਂ ਤਲਾਕ ਮੰਗ ਰਹੀ ਹੈ | ਜਿਸ ਨੇ ਨਾ ਹੀ ਉਸ ਨੂੰ ਵਿਦੇਸ਼ ਬੁਲਾਇਆ ਤੇ ਉਸ ਦੇ ਸਿਰ ਤੋਂ 40 ਲੱਖ ਰੁਪਏ ਦਾ ਖਰਚਾ ਕਰਵਾ ਦਿੱਤਾ | ਜਿਸ 'ਤੇ ਉਕਤ ਮੁਕੱਦਮਾ ਕਥਿਤ ਦੋਸ਼ੀਆਂ ਦੇ ਖਿਲਾਫ ਦਰਜ ਕੀਤਾ |
