ਨਵਾਂਸ਼ਹਿਰ, 22 ਮਈ (ਹਰਮਿੰਦਰ ਸਿੰਘ ਪਿੰਟੂ)-ਪੂਰੇ ਪੰਜਾਬ 'ਚ ਪਿਛਲੇ ਕਈ ਦਿਨਾਂ ਤੋਂ ਪੈ ਰਹੀ ਅੱਤ ਦੀ ਗਰਮੀ ਕਾਰਨ ਆਮ ਜਨਜੀਵਨ ਪ੍ਰਭਾਵਿਤ ਹੋ ਗਿਆ ਹੈ | ਲੋੜ ਪੈਣ 'ਤੇ ਹੀ ਘਰ ਤੋਂ ਬਾਹਰ ਜਾਓ ਕਿਉਂਕਿ ਮੌਸਮ ਵਿਭਾਗ ਨੇ ਵੀ ਯੈਲੋ ਅਲਅਰਟ ਜਾਰੀ ਕੀਤਾ ਹੋਇਆ ਹੈ | ਸੋ ਇਸ ਲਈ ਆਪਣੀ ਸਿਹਤ ਦਾ ਖਾਸ ਖਿਆਲ ਰੱਖੋ | ਇਹ ਪ੍ਰਗਟਾਵਾ ਕਰਦੇ ਹੋਏ ਡਾ. ਜੋਤਨਿੰਦਰ ਸਿੰਘ ਸੰਧੂ ਤੇ ਡਾ. ਗੁਰਜੋਤ ਕੌਰ ਸੰਧੂ ਨੇ ਦੱਸਿਆ ਕਿ ਬਾਹਰ ਵਾਲੇ ਖਾਣੇ ਜਿਵੇਂ ਜੰਕ ਫੂਡ ਖਾਣ ਤੋਂ ਪ੍ਰਹੇਜ਼ ਕਰੋ | ਗੁਣਗੁਨਾ ਤੇ ਤਰਲ ਪਦਾਰਥਾਂ ਦਾ ਸੇਵਨ ਕਰੋ ਪਾਣੀ ਦੀ ਵਰਤੋਂ ਵੱਧ ਤੋਂ ਵੱਧ ਕਰੋ, ਤਲਿਆ ਭੋਜਨ ਬਿਲਕੁਲ ਨਾ ਖਾਓ | ਬਿਮਾਰ ਹੋਣ ਦੀ ਸੂਰਤ ਵਿਚ ਤੁਰੰਤ ਚੰਗੇ ਡਾਕਟਰ ਦੀ ਸਲਾਹ ਲਓ | ਇਸੇ ਪ੍ਰਕਾਰ ਸਕਿਨ ਦੇ ਮਾਹਿਰ ਡਾਕਟਰ ਗੁਰਜੋਤ ਕੌਰ ਸੰਧੂ ਨੇ ਵੀ ਅਪੀਲ ਕੀਤੀ ਕਿ ਆਪਣੀ ਸਕਿਨ ਦਾ ਖਾਸ ਖਿਆਲ ਰੱਖੋ | ਲੋੜ ਅਨੁਸਾਰ ਡਾਕਟਰ ਦੀ ਸਲਾਹ ਅਨੁਸਾਰ ਮੂੰਹ 'ਤੇ ਕਰੀਮ ਲਗਾਓ | ਰਾਤ ਸਮੇਂ ਗੁਨ-ਗੁਨੇ ਪਾਣੀ ਨਾਲ ਆਪਣਾ ਮੂੰਹ ਧੋਵੋ ਪੂਰੀਆਂ ਬਾਂਹਾਂ ਦੇ ਕੱਪੜੇ ਪਾਓ ਤੇ ਧੁੱਪ ਵਿਚ ਜਾਣ ਸਮੇ ਐਨਕ ਜ਼ਰੂਰ ਲਗਾਓ |
