ਨੈਸ਼ਨਲ ਫੁੱਟਬਾਲ ਖਿਡਾਰੀ ਦਾ ਟਰੈਕਟਰ ਨਾਲ ਸਨਮਾਨ

ਮਜਾਰੀ/ਸਾਹਿਬਾ, 15 ਜੂਨ (ਨਿਰਮਲਜੀਤ ਸਿੰਘ ਚਾਹਲ)-ਕਸਬਾ ਮਜਾਰੀ ਦੇ ਨੈਸ਼ਨਲ ਫੁੱਟਬਾਲ ਖਿਡਾਰੀ ਭੁਪਿੰਦਰ ਸਿੰਘ ਪੁੱਤਰ ਕਸ਼ਮੀਰ ਸਿੰਘ ਮਜਾਰੀ ਤਹਿਸੀਲ ਬਲਾਚੌਰ, ਜਿਲਾ ਸ਼ਹੀਦ ਭਗਤ ਸਿੰਘ ਨਗਰ ਜੋ ਇਸ ਵੇਲੇ ਯੂਨਾਈਟਿਡ ਕਲੱਬ ਕਲਕੱਤਾ ਵਲੋਂ ਖੇਡ ਰਿਹਾ ਹੈ, ਜੋ ਸਵ. ਰਵਿੰਦਰ ਸਿੰਘ ਰਵਿੰਦਰੀ ਦਾ ਵੱਡਾ ਭਰਾ ਹੈ। ਇਸ ਖਿਡਾਰੀ ਨੂੰ ਦਮਦਮਾ ਸਾਹਿਬ ਫੁੱਟਬਾਲ ਕਲੱਬ ਪਿੰਡ ਗੁੜੇ ਜ਼ਿਲ੍ਹਾ ਲੁਧਿਆਣਾ ਵਲੋਂ ਕਰਵਾਏ ਫੁੱਟਬਾਲ ਟੂਰਨਾਮੈਂਟ ‘ਚ ਵਧੀਆਂ ਖੇਡ ਦਾ ਪ੍ਰਦਰਸ਼ਨ ਕਰਨ ਤੇ ਬੈਸਟ ਪਲੇਅਰ ਵਜੋਂ ਫੋਰਡ ਟਰੈਕਟਰ ਦੇ ਕੇ ਸਨਮਾਨਿਤ ਕੀਤਾ ਗਿਆ, ਜਿਸ ਦਾ ਵਾਪਸ ਆਪਣੇ ਨਗਰ ਮਜਾਰੀ ਵਿਖੇ ਪਹੁੰਚਣ ‘ਤੇ ਨਗਰ ਨਿਵਾਸੀਆਂ ਵਲੋਂ ਗੁਰਦਆਰਾ ਸਿੰਘ ਸਭਾ ਵਿਖੇ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਸੁਖਵਿੰਦਰ ਸਿੰਘ ਪਨੇਸਰ, ਸੁੱਚਾ ਸਿੰਘ, ਦਿਲਾਵਰ ਸਿੰਘ, ਸਿਮਰਨਜੀਤ ਸਿੰਘ, ਹਰਮੇਲ ਸਿੰਘ, ਸੁਰਿੰਦਰ ਸਿੰਘ ਫਿਰਨੀ ਮਜਾਰਾ, ਪਰਵਿੰਦਰ ਸਿੰਘ ਭੱਦੀ, ਹਰਚਰਨ ਸਿੰਘ ਰੱਕੜ, ਖੁਸ਼ਦੀਪ ਸਿੰਘ, ਬਲਵੀਰ ਕੌਰ, ਬਲਜੀਤ ਕੌਰ, ਜਸਦੀਪ ਕੌਰ, ਵਿਸ਼ਾਲੀ, ਵਿੰਦਰ ਕੌਰ, ਬਿਲਮਾ ਦੇਵੀ ਆਦਿ ਹਾਜ਼ਰ ਸਨ।