ਬਹਿਰਾਮਪੁਰ, 10 ਅਪ੍ਰੈਲ (ਪ੍ਰੋ: ਬਲਬੀਰ ਸਿੰਘ ਕੋਲਾ)- ਸਰਹੱਦ ਨਾਲ ਲੱਗਦੇ ਪੱਛੜੇ ਇਲਾਕੇ ਦੇ ਪਿੰਡਾਂ ਦੇ ਬੱਚਿਆਂ ਨੰੂ ਸਮੇਂ ਦੇ ਹਾਣੀ ਬਣਾਉਣ ਲਈ ਅਤਿ ਆਧੁਨਿਕ ਤੇ ਮਿਆਰੀ ਵਿੱਦਿਆ ਪ੍ਰਦਾਨ ਕਰਵਾ ਰਿਹਾ ਅਦਾਰਾ ਸਰਵਜੋਤੀ ਮਾਡਰਨ ਸੀਨੀਅਰ ਸੈਕੰਡਰੀ ਸਕੂਲ (ਨੀਵਾਂ ਧਕਾਲਾ) ਬਹਿਰਾਮਪੁਰ ਦੇ ਚੇਅਰਮੈਨ ਰਾਮ ਮੂਰਤੀ ਤੇ ਪਿ੍ੰਸੀਪਲ ਮੈਡਮ ਸ਼ਾਲੂ ਸੈਣੀ ਦੀ ਯੋਗ ਅਗਵਾਈ ਹੇਠ ਵਿੱਦਿਆ ਦੇ ਖੇਤਰ 'ਚ ਚਾਨਣ ਮੁਨਾਰਾ ਸਾਬਤ ਹੋ ਰਿਹਾ ਹੈ | ਸੂਝਵਾਨ, ਮਿਹਨਤੀ ਤੇ ਯੋਗ ਤਜਰਬੇਕਾਰ ਸਟਾਫ਼ ਦੀ ਕਾਮਯਾਬੀ ਤੇ ਯਕੀਨ ਸਦਕਾ ਸਕੂਲ ਵਿਚ ਦਾਖ਼ਲਾ ਧੜਾਧੜ ਚੱਲ ਰਿਹਾ ਹੈ | ਸਕੂਲ ਵਿਚ ਨਰਸਰੀ ਤੋਂ ਲੈ ਕੇ 12ਵੀਂ ਜਮਾਤ ਤੱਕ ਆਰਟਸ ਤੇ ਸਾਇੰਸ ਵਿਸ਼ਿਆਂ ਨਾਲ ਪੜ੍ਹਾਈ ਕਰਵਾਈ ਜਾਂਦੀ ਹੈ | ਸਕੂਲ ਦੀ ਖੁੱਲ੍ਹੀ, ਸੁੰਦਰ ਤੇ ਹਵਾਦਾਰ ਇਮਾਰਤ ਹੈ | ਸਕੂਲ ਵਿਚ ਲਾਇਬ੍ਰੇਰੀ, ਕੰਪਿਊਟਰ ਤੇ ਸਾਇੰਸ ਲੈਬਰਾਟਰੀ ਦਾ ਵਧੀਆ ਪ੍ਰਬੰਧ ਹੈ | ਬੱਚਿਆਂ ਦੇ ਖੇਡਣ ਲਈ ਵੱਡਾ ਖੇਡ ਮੈਦਾਨ ਹੈ | ਛੋਟੇ ਬੱਚਿਆਂ ਦੀਆਂ ਖੇਡਾਂ ਤੇ ਮਨੋਰੰਜਨ ਲਈ ਵਧੀਆ ਸਿਸਟਮ ਦਾ ਪ੍ਰਬੰਧ ਹੈ | ਖੇਡਾਂ ਤੋਂ ਇਲਾਵਾ ਸਭਿਆਚਾਰਕ ਗਤੀਵਿਧੀਆਂ ਤੇ ਯੋਗਾ ਦਾ ਵੀ ਖਾਸ ਪ੍ਰਬੰਧ ਹੈ | ਬੱਚਿਆਂ ਨੰੂ ਨੈਤਿਕ ਸਿੱਖਿਆ ਵੀ ਦਿੱਤੀ ਜਾਂਦੀ ਹੈ | ਮੈਡੀਕਲ ਸੁਵਿਧਾ ਦਾ ਵੀ ਯੋਗ ਪ੍ਰਬੰਧ ਹੈ | ਬੱਚਿਆਂ ਦੇ ਪੀਣ ਲਈ ਸਾਫ਼ ਤੇ ਠੰਢੇ ਪਾਣੀ ਦਾ ਪ੍ਰਬੰਧ ਹੈ | ਬੱਚਿਆਂ ਦੀ ਸੁਰੱਖਿਆ ਲਈ ਸੀ.ਸੀ.ਟੀ.ਵੀ. ਕੈਮਰਿਆਂ ਦਾ ਵਧੀਆ ਪ੍ਰਬੰਧ ਹੈ | ਹਰਿਆਲੀ ਲਈ ਛਾਂਦਾਰ ਬੂਟੇ ਤੇ ਰੰਗ ਬਿਰੰਗੇ ਫੁੱਲ ਸਕੂਲ ਵਿਚ ਲੱਗੇ ਹੋਏ ਹਨ | ਬੱਚਿਆਂ ਲਈ ਵਧੀਆ ਟਰਾਂਸਪੋਰਟ ਦਾ ਪ੍ਰਬੰਧ ਹੈ | ਸਕੂਲ ਪ੍ਰਬੰਧਕਾਂ ਵਲੋਂ ਬੱਚਿਆਂ ਨੰੂ ਹੋਮਵਰਕ ਤੇ ਹੋਰ ਸੂਚਨਾਵਾਂ ਆਨਲਾਈਨ ਪੁੱਜਦਾ ਕਰਨ ਲਈ ਆਧੁਨਿਕ ਤਕਨੀਕ ਦਾ ਪ੍ਰਬੰਧ ਹੈ | ਸਕੂਲ ਪਛੜੇ ਇਲਾਕੇ ਦੇ ਬੱਚਿਆਂ ਨੰੂ ਆਧੁਨਿਕ ਸਿੱਖਿਆ ਦੇ ਕੇ ਸਮੇਂ ਦਾ ਹਾਣੀ ਬਣਾ ਰਿਹਾ ਹੈ | ਪਿ੍ੰਸੀਪਲ ਮੈਡਮ ਸ਼ਾਲੂ ਸੈਣੀ ਦਾ ਕਹਿਣਾ ਹੈ ਕਿ ਬੱਚਿਆਂ ਦੀ ਸਿੱਖਿਆ ਦੇ ਸਬੰਧ ਵਿਚ ਕੋਈ ਵੀ ਕਮੀ ਨਹੀਂ ਰਹਿਣ ਦਿੱਤੀ ਜਾਵੇਗੀ | ਆਉਣ ਵਾਲੇ ਸਮੇਂ ਵਿਚ ਸਕੂਲ ਨੰੂ ਸੀ.ਬੀ.ਐਸ.ਈ. ਬੋਰਡ ਦਿੱਲੀ ਨਾਲ ਜੋੜਨ ਦਾ ਪ੍ਰਬੰਧ ਵੀ ਕੀਤਾ ਜਾ ਰਿਹਾ ਹੈ | ਅਸੀਂ ਪੇਂਡੂ ਇਲਾਕੇ ਵਿਚ ਸ਼ਹਿਰੀ ਸਿੱਖਿਆ ਮੁਹੱਈਆ ਕਰਵਾਉਣ ਲਈ ਵਚਨਬੱਧ ਹਾਂ |
