ਖੇਡ ਸਟੇਡੀਅਮ ਦਾ ਕੰਮ ਰੁਕਣ ਨਾਲ ਖੇਡ ਪ੍ਰੇਮੀਆਂ ਤੇ ਪਿੰਡ ਵਾਸੀਆਂ ’ਚ ਭਾਰੀ ਰੋਸ

ਹਰਚੋਵਾਲ, 29 ਅਕਤੂਬਰ (ਢਿੱਲੋਂ, ਭਾਮ)-ਬਾਬਾ ਰਾਮ ਥੰਮਣ ਖੇਡ ਸਟੇਡੀਅਮ ਢੰਡੇ ਮਨੇਸ ਅਤੇ ਖੁਜਾਲਾ ਜੋ ਕਿ ਸਰਕਾਰ ਨੇ ਇਸ ਸਟੇਡੀਅਮ ਨੂੰ ਨਵੀਂ ਦਿੱਖ ਦੇਣ ਲਈ ਕੰਮ ਸ਼ੁਰੂ ਕੀਤਾ ਹੋਇਆ ਸੀ, ਪਰ ਇਸ ਖੇਡ ਸਟੇਡੀਅਮ ਵਿਚ ਜੋ ਬਾਥਰੂਮ ਬਣ ਰਹੇ ਸਨ, ਉਨ੍ਹਾਂ ਵਿਚ ਘਟੀਆ ਮਟੀਰੀਅਲ ਵਰਤਣ ਕਾਰਨ ਪਿੰਡ ਵਾਸੀਆਂ ਨੇ ਇਸ ਕੰਮ ਨੂੰ ਰੋਕ ਦਿੱਤਾ ਸੀ ਤੇ ਸਹੀ ਕੰਮ ਕਰਨ ਲਈ ਕਿਹਾ ਗਿਆ ਸੀ। ਬਾਥਰੂਮ ਬਣਨ ਦਾ ਕੰਮ ਤਾਂ ਸ਼ੁਰੂ ਹੋ ਗਿਆ ਹੈ, ਪਰ ਖੇਡ ਸਟੇਡੀਅਮ ਦਾ ਕੰਮ ਅਜੇ ਵੀ ਰੁਕਿਆ ਹੋਇਆ ਹੈ।