ਅਬੋਹਰ, 30 ਜਨਵਰੀ (ਤੇਜਿੰਦਰ ਸਿੰਘ ਖ਼ਾਲਸਾ)-ਅਬੋਹਰ ਦੇ ਸੀਤੋ ਬਾਈਪਾਸ ਓਵਰਬਿ੍ਜ ਦੇ ਹੇਠਾਂ ਸਥਿਤ ਸਰਕਾਰੀ ਚੈਂਬਰ 'ਚ ਵਾਹਨਾਂ ਦੇ ਵਾਰ-ਵਾਰ ਫਸਣ ਦੀ ਸਮੱਸਿਆ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਇਸ ਦਾ ਸਥਾਈ ਹੱਲ ਕੀਤਾ ਗਿਆ | ਜਿਸ ਤਹਿਤ ਸਮਾਜ ਸੇਵਕ ਰਮਨ ਬਿਸ਼ਨੋਈ ਦੀਆਂ ਕੋਸ਼ਿਸ਼ਾਂ ਸਦਕਾ ਪੁਰਾਣੇ ਤੇ ਕਮਜ਼ੋਰ ਚੈਂਬਰ ਨੂੰ ਹਟਾ ਦਿੱਤਾ ਗਿਆ ਅਤੇ ਇਕ ਨਵਾਂ ਤੇ ਮਜ਼ਬੂਤ ਸਲੈਬ ਬਣਾ ਕੇ ਲਗਾ ਦਿੱਤੀ ਗਈ ਹੈ, ਜਿਸ ਲਈ ਕਿ੍ਸ਼ਨਾ ਟਰੇਡਰਜ਼ ਦਾ ਉਨ੍ਹਾਂ ਦੀ ਵਿੱਤੀ ਸਹਾਇਤਾ ਲਈ ਧੰਨਵਾਦ ਕੀਤਾ | ਇਸ ਜਗ੍ਹਾ ਅਕਸਰ ਹਾਦਸੇ ਵਾਪਰਦੇ ਸਨ ਤੇ ਆਮ ਜਨਤਾ ਨੂੰ ਕਾਫ਼ੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਸੀ, ਜਿਸ ਕਾਰਨ ਇਥੇ ਨਵੀਂ ਸਲੈਬ ਰਖਾਈ ਗਈ ਹੈ | ਜਿਸ ਨਾਲ ਹੁਣ ਆਵਾਜਾਈ ਸੁਚਾਰੂ ਢੰਗ ਨਾਲ ਚੱਲ ਰਹੀ ਹੈ ਤੇ ਆਸ-ਪਾਸ ਦੇ ਲੋਕਾਂ ਨੇ ਵੀ ਸੁੱਖ ਦਾ ਸਾਹ ਲਿਆ |
