ਅੰਮਿ੍ਤਸਰ, 8 ਮਾਰਚ (ਸੁਰਿੰਦਰਪਾਲ ਸਿੰਘ ਵਰਪਾਲ)-ਇੰਪਲਾਈਜ਼ ਫੈਡਰੇਸ਼ਨ ਪੰਜਾਬ ਰਾਜ ਬਿਜਲੀ ਬੋਰਡ, ਪਾਵਰਕਾਮ, ਟਰਾਂਸਕੋ ਕੇਸਰੀ ਝੰਡਾ ਚਾਹਲ ਪੰਜਾਬ ਦੇ ਪ੍ਰਧਾਨ ਗੁਰਵੇਲ ਸਿੰਘ ਬੱਲਪੁਰੀਆ ਦੀ ਅਗਵਾਈ 'ਚ ਚੱਲ ਰਹੀ ਜਥੇਬੰਦੀ ਨੂੰ ਉਸ ਵੇਲੇ ਹੋਰ ਬਲ ਮਿਲਿਆ ਜਦ 66 ਕੇ. ਵੀ. ਸਬ ਸਟੇਸਨ ਕਾਲਾ ਅਫਗਾਨਾਂ ਤੋਂ ਪ੍ਰਭਜੋਤ ਸਿੰਘ ਦਿਉ ਐੱਸ. ਐੱਸ. ਏ. ਤੇ ਪਿ੍ਤਪਾਲ ਸਿੰਘ ਆਰ. ਟੀ. ਐੱਮ. ਨੇ ਜਥੇਬੰਦੀ ਦੀ ਵਧੀਆ ਕਾਰਗੁਜਾਰੀ ਨੂੰ ਮੁੱਖ ਰਖਦੇ ਹੋਏ ਇੰਪ. ਫੈਡਰੇਸ਼ਨ ਚਾਹਲ 'ਚ ਸ਼ਾਮਿਲ ਹੋਣ ਦਾ ਐਲਾਨ ਕੀਤਾ | ਇੰਪਲਾਈਜ ਫੈਡਰੇਸ਼ਨ ਪੰਜਾਬ ਰਾਜ ਬਿਜਲੀ ਬੋਰਡ ਪਾਵਰਕਾਮ, ਟਰਾਂਸਕੋ ਕੇਸਰੀ ਝੰਡਾ ਚਾਹਲ ਪੰਜਾਬ ਦੇ ਪ੍ਰਧਾਨ ਗੁਰਵੇਲ ਸਿੰਘ ਬੱਲਪੁਰੀਆ, ਬਾਰਡਰ ਜ਼ੋਨ ਅੰਮਿ੍ਤਸਰ ਦੇ ਪ੍ਰਧਾਨ ਜਸਪ੍ਰੀਤ ਸਿੰਘ, ਜੇਮਜ ਭੱਟੀ ਪ੍ਰਧਾਨ ਪੀ. ਐਂਡ ਐੱਮ. ਜ਼ੋਨ ਲੁਧਿਆਣਾ ਬਲਜੀਤ ਸਿੰਘ ਸਰੂਪਵਾਲੀ ਨੇ ਇਨ੍ਹਾਂ ਦੋਵਾਂ ਮੁਲਾਜ਼ਮਾਂ ਦਾ ਜਥੇਬੰਦੀ 'ਚ ਸ਼ਾਮਿਲ ਹੋਣ ਦਾ ਸਵਾਗਤ ਕਰਦੇ ਹੋਏ ਪ੍ਰਭਜੋਤ ਸਿੰਘ ਦਿਉ ਐੱਸ. ਐੱਸ. ਏ. ਨੂੰ ਪੀ. ਐਂਡ ਐੱਮ ਸਰਕਲ ਅੰਮਿ੍ਤਸਰ ਦਾ ਪ੍ਰਧਾਨ ਨਿਯੁਕਤ ਕੀਤਾ |
