ਅੰਮ੍ਰਿਤਸਰ, 19 ਜੂਨ (ਹਰਮਿੰਦਰ ਸਿੰਘ)-ਆਰਟ ਗੈਲਰੀ ਵਿਖੇ 13 ਸਮਰ ਆਰਟ ਕੈਂਪ ਕਲਾਕਾਰ ਧਰਮਿੰਦਰ ਸ਼ਰਮਾ ਦੀ ਅਗਵਾਈ ਹੇਠ ਆਰਟਿਸਟ ਮਿਨੀਏਚੇਅਰ ਆਰਟ ਵਰਕਸ਼ਾਪ ਪੰਜ ਦਿਨਾਂ ਲਈ ਲਗਾਈ ਗਈ। ਇਸ ਮੌਕੇ ਆਰਟ ਗੈਲਰੀ ਦੇ ਪ੍ਰਧਾਨ ਰਜਿੰਦਰ ਮੋਹਨ ਸਿੰਘ ਛੀਨਾ ਨੇ ਵਿਸ਼ੇਸ਼ ਤੌਰ ‘ਤੇ ਸ਼ਿਰਕਤ ਕੀਤੀ ਅਤੇ ਕਲਾਕਾਰਾਂ ਦੇ ਕੰਮ ਦੀ ਪ੍ਰਸੰਸਾ ਕੀਤੀ। ਇਸ ਸੰਬੰਧੀ ਜਾਣਕਾਰੀ ਸਾਂਝੀ ਕਰਦੇ ਹੋਏ ਆਰਟ ਗੈਲਰੀ ਦੇ ਆਨਰੇਰੀ ਸਕੱਤਰ ਡਾ: ਪੀ.ਐੱਸ. ਗਰੋਵਰ ਨੇ ਦੱਸਿਆ ਕਿ ਮਿਨੀਏਚਅਰ ਆਰਟ ਵਰਕਸ਼ਾਪ ‘ਚ ਮੁਗਲ ਆਰਟ ਗੈਲਰੀ ਦੇ ਮੈਂਬਰ ਧਰਮਿੰਦਰ ਸ਼ਰਮਾ ਵਲੋਂ ਕਲਾਕਾਰਾਂ ਨੂੰ ਬੱਚਿਆਂ ਨੂੰ ਕਲਾ ਬਾਰੇ ਜਾਣੂ ਕਰਵਾਉਣ ਦਾ ਯਤਨ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਵਰਕਸ਼ਾਪ ਪੰਜ ਦਿਨਾਂ ਤੱਕ ਚਲੇਗੀ। ਜਿਸ ਰਾਹੀਂ ਬੱਚਿਆਂ ਨੂੰ ਇਹ ਆਰਟ ਸਿੱਖਣ ਦਾ ਮੌਕਾ ਮਿਲੇਗਾ।
