ਮੈਨੂੰ ਆਪਣੇ ਪਿਤਾ ਡਾ. ਅਵਤਾਰ ਸਿੰਘ (ਅਮਨਦੀਪ ਹਸਪਤਾਲ) ’ਤੇ ਮਾਣ-ਡਾ. ਸ਼ਾਹਬਾਜ਼ ਸਿੰਘ

ਅੰਮ੍ਰਿਤਸਰ, 20 ਜੂਨ (ਜਸਵੰਤ ਸਿੰਘ ਜੱਸ)-ਅਮਨਦੀਪ ਹੈਲਥ ਕੇਅਰ ਪ੍ਰਾਈਵੇਟ ਲਿਮਟਿਡ ਦੇ ਚੇਅਰਮੈਨ, ਮੈਨੇਜਿੰਗ ਡਾਇਰੈਕਟਰ, ਸਮਾਜ ਸੇਵੀ ਅਤੇ ਹੱਡੀਆਂ ਤੇ ਜੋੜਾਂ ਦੇ ਆਧੁਨਿਕ ਇਲਾਜ ਲਈ ਦੇਸ਼ ਭਰ ਵਿਚ ਪ੍ਰਸਿੱਧ ਡਾ: ਅਵਤਾਰ ਸਿੰਘ ਦੇ ਸਪੁੱਤਰ ਡਾ: ਸ਼ਾਹਬਾਜ਼ ਸਿੰਘ ਨੇ ਪਿਤਾ ਦਿਵਸ ‘ਤੇ ਮਨ ਦੇ ਵਲਵਲੇ ਸਾਂਝੇ ਕਰਦਿਆਂ ਕਿਹਾ ਹੈ ਕਿ ਮੇਰਾ ਆਪਣੇ ਪਿਤਾ ਡਾ. ਅਵਤਾਰ ਸਿੰਘ ਪ੍ਰਤੀ ਡੂੰਘਾ ਸਤਿਕਾਰ ਹੈ, ਕਿਉਂਕਿ ਪਿਤਾ ਸਿਰਫ਼ ਇੱਕ ਰਿਸ਼ਤਾ ਨਹੀਂ, ਬਲਕਿ ਪਰਿਵਾਰ ਦੀ ਸਭ ਤੋਂ ਮਜ਼ਬੂਤ ਕੜੀ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਮੇਰੇ ਪਿਤਾ ਨੇ ਆਪਣੀ ਜ਼ਿੰਦਗੀ ਗੁਰੂ ਨਗਰੀ ਵਿਚ ਲੋਕਾਂ ਨੂੰ ਆਧੁਨਿਕ ਸਿਹਤ ਸੇਵਾਵਾਂ ਪ੍ਰਦਾਨ ਕਰਨ ਪ੍ਰਤੀ ਵਚਨਬੱਧਤਾ ਤੇ ਸਮਾਜ ਸੇਵਾ ਲਈ ਸਮਰਪਿਤ ਕੀਤੀ ਹੈ। ਉਨ੍ਹਾਂ ਨੇ ਦਿਨ ਰਾਤ ਇਹ ਯਕੀਨੀ ਬਣਾਉਂਦੇ ਹੋਏ ਕਿ ਮਰੀਜ਼ਾਂ ਨੂੰ ਸਮੇਂ ਸਿਰ ਆਪਣੇ ਘਰ ਦੇ ਨੇੜੇ ਹੀ ਉੱਤਮ ਤੇ ਆਧੁਨਿਕ ਇਲਾਜ ਅਤੇ ਸਿਹਤਮੰਦ ਜੀਵਨ ਮਿਲੇ, ਸਬੰਧੀ ਕਈ ਦਹਾਕਿਆਂ ਤੋਂ ਕੋਸ਼ਿਸ਼ਾਂ ਜਾਰੀ ਹਨ। ਦੇਸ਼ ਵਿਦੇਸ਼ ਵਿਚ ਆਪਣੀਆਂ ਮੈਡੀਕਲ ਖੇਤਰ ਵਿਚ ਵੱਡਮੁੱਲੀਆਂ ਸੇਵਾਵਾਂ ਅਤੇ ਦੂਰ ਦ੍ਰਿਸ਼ਟੀ ਲਈ ਜਾਣੇ ਜਾਂਦੇ ਮੇਰੇ ਪਿਤਾ ਜੀ ਨੇ ਮੈਨੂੰ ਮਨੁੱਖਤਾ ਦੀ ਬਿਹਤਰ ਸੇਵਾ ਲਈ ਤਕਨਾਲੋਜੀ ਅਤੇ ਹਮਦਰਦੀ ਨੂੰ ਨਾਲ ਲੈ ਕੇ ਚੱਲਣਾ ਸਿਖਾਇਆ ਹੈ। ਮੇਰੇ ਮਾਤਾ ਡਾ: ਅਮਨਦੀਪ ਕੌਰ ਤੇ ਮੇਰੇ ਪਿਤਾ ਜੀ ਦੀ ਦੀਆਂ ਅਣਥੱਕ ਕੋਸ਼ਿਸ਼ਾਂ ਸਦਕਾ ਹੀ ਅਮਨਦੀਪ ਹਸਪਤਾਲ ਸਮੂਹ ਬਿਹਤਰ ਤੇ ਕੌਮਾਂਤਰੀ ਪੱਧਰ ਦੇ ਹਾਣ ਦੀਆਂ ਆਧੁਨਿਕ ਇਲਾਜ ਸੇਵਵਾਂ ਤੇ ਸਮਾਜ ਸੇਵਾ ਦੇ ਖੇਤਰ ਵਿਚ ਆਪਣਾ ਯੋਗਦਾਨ ਪਾ ਰਿਹਾ ਹੈ ਤੇ ਮੈਨੂੰ ਆਪਣੇ ਪਿਤਾ ‘ਤੇ ਢੇਰ ਸਾਰਾ ਮਾਣ ਹੈ। ਅੱਜ ਪਿਤਾ ਦਿਵਸ ‘ਤੇ ਮੈਂ ਆਪਣੇ ਪਿਤਾ ਸਮੇਤ ਦੁਨੀਆਂ ਦੇ ਸਾਰੇ ਪਿਤਾਵਾਂ ਨੂੰ ਦਿਲੋਂ ਸ਼ੁਭਕਾਮਨਾਵਾਂ ਦਿੰਦਾ ਹਾਂ ਜੋ ਆਪਣੇ ਪਰਿਵਾਰਾਂ,ਬੱਚਿਆਂ ਤੇ ਅਤੇ ਸਮਾਜ ਲਈ ਆਪਣਾ ਯੋਗਦਾਨ ਪਾ ਰਹੇ ਹਨ।