ਮੈਡੀਕਲ ਟੈੱਸਟ ਕਲੀਅਰ ਨਾ ਹੋਣ ‘ਤੇ ਨਿਰਾਸ਼ ਹੋ ਕੇ ਮਹਾਂਰਾਸ਼ਟਰ ਤੋਂ ਅੰਮ੍ਰਿਤਸਰ ਪੁੱਜੀ ਲੜਕੀ

ਅੰਮ੍ਰਿਤਸਰ, 25 ਜੂਨ (ਰੇਸ਼ਮ ਸਿੰਘ)-ਮੈਡੀਕਲ ਟੈਸਟ ਕਲੀਅਰ ਨਾ ਹੋਣ ਕਾਰਨ ਨਿਰਾਸ਼ ਹੋ ਕੇ ਇਕ ਲੜਕੀ ਮਾਪਿਆਂ ਨੂੰ ਦੱਸੇ ਬਿਨਾਂ ਮਹਾਂਰਾਸ਼ਟਰ ਤੋਂ ਅੰਮ੍ਰਿਤਸਰ ਪੁੱਜ ਗਈ, ਜਿਸ ਨੂੰ ਪੁਲਿਸ ਵਲੋਂ ਸਹੀ ਸਲਾਮਤ ਲੱਭ ਕੇ ਉਸਦੇ ਮਾਪਿਆਂ ਦੇ ਹਵਾਲੇ ਕਰ ਦਿੱਤਾ ਹੈ ਜੋ ਕਿ ਲੜਕੀ ਨੂੰ ਲੈ ਕੇ ਮੁੜ ਮਹਾਂਰਾਸ਼ਟਰ ਲਈ ਰਵਾਨਾ ਹੋ ਗਏ ਹਨ। ਇਹ ਪ੍ਰਗਟਾਵਾ ਥਾਣਾ ਛਾਉਣੀ ਦੇ ਮੁਖੀ ਇੰਸ: ਜਤਿੰਦਰ ਸਿੰਘ ਨੇ ਕਰਦਿਆਂ ਦਸਿਆ ਕਿ ਲੜਕੀ ਹਰਸ਼ਿਤਾ (22) ਜੋ ਕਿ ਮਹਾਂਰਾਸ਼ਟਰ ‘ਚ ਐੱਮ.ਪੀ.ਐਚ.ਐਸ. ਦੇ ਟੈਸਟ ਦੀ ਤਿਆਰੀ ਕਰ ਰਹੀ ਸੀ ਤੇ ਜਦੋਂ ਉਸਨੇ ਟੈਸਟ ਦਿੱਤਾ ਤਾਂ ਇਹ ਪਾਸ ਨਾ ਕਰ ਸਕੀ। ਜਿਸ ਤੋਂ ਲੜਕੀ ਕਾਫੀ ਦੁਖੀ ਤੇ ਨਿਰਾਸ਼ ਹੋ ਗਈ ਤੇ ਮਾਪਿਆਂ ਨੂੰ ਦੱਸੇ ਬਿਨਾਂ ਰੇਲ ਗੱਡੀ ‘ਚ ਚੜ ਕੇ ਅੰਮ੍ਰਿਤਸਰ ਪੁੱਜ ਗਈ। ਪੁਲਿਸ ਵਲੋਂ ਉਸਨੂੰ ਇੱਥੇ ਲੱਭ ਕੇ ਉਸਦੇ ਮਾਪਿਆਂ ਨਾਲ ਸੰਪਰਕ ਕੀਤਾ ਗਿਆ ਤੇ ਬੱਚੀ ਨੂੰ ਜ਼ਿੰਦਗੀ ‘ਚ ਆਉਣ ਵਾਲੀਆਂ ਚੁਣੌਤੀਆਂ ਦਾ ਬਹਾਦਰੀ ਨਾਲ ਮੁਕਾਬਲਾ ਕਰਨ ਦੀ ਪ੍ਰੇਰਣਾ ਦੇ ਕੇ ਮਾਪਿਆਂ ਦੇ ਹਵਾਲੇ ਕੀਤਾ ਗਿਆ।