ਸਰਦਾਰਨੀ ਦਲਬੀਰ ਕੌਰ ਸਰਕਾਰੀਆ
ਤਰਨ ਤਾਰਨ–ਸਰਦਾਰਨੀ ਦਲਬੀਰ ਕੌਰ ਸਰਕਾਰੀਆ, ਜੋ ਕਿ ਨਰਸਿੰਗ ਜਗਤ ਦੇ ਇੱਕ ਉੱਘੇ ਆਗੂ ਅਤੇ ਗੁਰੂ ਨਾਨਕ ਹਸਪਤਾਲ ਵਿਚ ਨਰਸਿੰਗ ਸਿਸਟਰ (ਵਾਰਡ ਇੰਚਾਰਜ) ਵਜੋਂ ਸੇਵਾਵਾਂ ਨਿਭਾਅ ਚੁੱਕੇ ਹਨ। ਉਹ ਆਪਣੇ ਪਿੱਛੇ ਨੇਕ ਕੰਮਾਂ, ਮਾਰਗਦਰਸ਼ਨ ਅਤੇ ਸਮਾਜ ਸੇਵਾ ਦੀ ਇਕ ਅਮਿੱਟ ਵਿਰਾਸਤ ਛੱਡ ਗਏ ਹਨ।
ਤਰਨ ਤਾਰਨ–ਸਰਦਾਰਨੀ ਦਲਬੀਰ ਕੌਰ ਸਰਕਾਰੀਆ, ਜੋ ਕਿ ਨਰਸਿੰਗ ਜਗਤ ਦੇ ਇੱਕ ਉੱਘੇ ਆਗੂ ਅਤੇ ਗੁਰੂ ਨਾਨਕ ਹਸਪਤਾਲ ਵਿਚ ਨਰਸਿੰਗ ਸਿਸਟਰ (ਵਾਰਡ ਇੰਚਾਰਜ) ਵਜੋਂ ਸੇਵਾਵਾਂ ਨਿਭਾਅ ਚੁੱਕੇ ਹਨ। ਉਹ ਆਪਣੇ ਪਿੱਛੇ ਨੇਕ ਕੰਮਾਂ, ਮਾਰਗਦਰਸ਼ਨ ਅਤੇ ਸਮਾਜ ਸੇਵਾ ਦੀ ਇਕ ਅਮਿੱਟ ਵਿਰਾਸਤ ਛੱਡ ਗਏ ਹਨ। ਇਕ ਬੇਮਿਸਾਲ ਵਜੋਂ ਜਾਣੇ ਜਾਂਦੇ ਸ੍ਰੀਮਤੀ ਸਰਕਾਰੀਆ ਨੇ ਆਪਣਾ ਪੂਰਾ ਜੀਵਨ ਨਰਸਿੰਗ ਦੇ ਪੇਸ਼ੇ ਨੂੰ ਉੱਚਾ ਚੁੱਕਣ ਅਤੇ ਆਉਣ ਵਾਲੀਆਂ ਪੀੜ੍ਹੀਆਂ ਨੂੰ ਪੂਰੀ ਲਗਨ ਨਾਲ ਮਨੁੱਖਤਾ ਦੀ ਸੇਵਾ ਕਰਨ ਲਈ ਪ੍ਰੇਰਿਤ ਕਰਨ ਦੇ ਲੇਖੇ ਲਾਇਆ। ਲੀਡਰਸ਼ਿਪ ਅਤੇ ਅਕਾਦਮਿਕ ਉੱਤਮਤਾ ਦੀ ਇੱਕ ਮਿਸਾਲੀ ਵਿਰਾਸਤ ਸ੍ਰੀਮਤੀ ਸਰਕਾਰੀਆ ਨਰਸਿੰਗ ਸਿੱਖਿਆ ਦੇ ਖੇਤਰ ਵਿਚ ਇਕ ਮਜ਼ਬੂਤ ਥੰਮ੍ਹ ਸਨ, ਜਿਨ੍ਹਾਂ ਨੂੰ ਕਲੀਨਿਕਲ ਅਧਿਆਪਨ ਅਤੇ ਮਾਰਗਦਰਸ਼ਨ ਦੇ ਵਿੱਚ ਕੀਤੇ ਨਿਵੇਕਲੇ ਕਾਰਜਾਂ ਲਈ ਸਟੇਟ ਪੱਧਰ ’ਤੇ ਮਾਨਤਾ ਮਿਲੀ। ਉਨ੍ਹਾਂ ਨੇ ਗੁਰੂ ਨਾਨਕ ਦੇਵ ਹਸਪਤਾਲ ਅਤੇ ਗੌਰਮਿੰਟ ਮੈਡੀਕਲ ਕਾਲਜ ਵਿਚ ਉਘੇ ਨਰਸਿੰਗ ਹੈਡ ਵਜੋਂ ਸੇਵਾ ਨਿਭਾਈ, ਜਿਥੇ ਉਨ੍ਹਾਂ ਨੇ ਭਵਿੱਖ ਦੇ ਸਿਹਤ ਸੰਭਾਲ ਨਰਸਿੰਗ ਪੇਸ਼ੇਵਰਾਂ ਲਈ ਮਾਪਦੰਡਾਂ ਨੂੰ ਇਕ ਨਵੀਂ ਦਿਸ਼ਾ ਦਿੱਤੀ। ਮਾਰਗਦਰਸ਼ਨ ਦੇ ਖੇਤਰ ਵਿਚ ਮੋਹਰੀ ਅਤੇ ਲੀਡਰ ਨਰਸਿੰਗ ਯੂਨੀਅਨ ਨੂੰ ਅੱਗੇ ਹੋ ਕੇ ਸੰਭਾਲਿਆ। ਉਨ੍ਹਾਂ ਦੇ ਅਕਾਲ ਚਲਾਣੇ ’ਤੇੇ ਨਰਸਿੰਗ ਵਿਭਾਗ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕਰਦਾ ਹੈ। ਨਰਸਿੰਗ ਅਤੇ ਸੇਵਾ ਪ੍ਰਤੀ ਉਨ੍ਹਾਂ ਦਾ ਜਜ਼ਬਾ ਆਉਣ ਵਾਲੇ ਕਈ ਸਾਲਾਂ ਤੱਕ ਨਰਸਿੰਗ ਪੇਸ਼ੇ ਦਾ ਮਾਰਗਦਰਸ਼ਨ ਕਰਦਾ ਰਹੇਗਾ। ਉਹ ਮਿਤੀ 20 ਸਤੰਬਰ 2026 ਨੂੰ ਉਹ ਅਚਾਨਕ ਸਦੀਵੀ ਵਿਛੋੜਾ ਦੇ ਕੇ ਗੁਰੂ ਚਰਨਾਂ ਵਿਚ ਜਾ ਬਿਰਾਜੇ ਹਨ। ਉਨ੍ਹਾਂ ਦੀ ਆਤਮਿਕ ਸ਼ਾਂਤੀ ਲਈ ਰੱਖੇ ਗਏ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਅੱਜ 29 ਸਤੰਬਰ 2026 ਦਿਨ ਮੰਗਲਵਾਰ ਨੂੰ ਪੈਣ ਉਪਰੰਤ ਕੀਰਤਨ ਅਤੇ ਅੰਤਿਮ ਅਰਦਾਸ ਗੁਰਦੁਆਰਾ ਛੇਵੀਂ ਪਾਤਸ਼ਾਹੀ ਰਣਜੀਤ ਐਵੀਨਿਊ ਏ ਬਲਾਕ ਅੰਮ੍ਰਿਤਸਰ ਵਿਖੇ ਦੁਪਹਿਰ 12 ਵਜੇ ਤੋਂ 1 ਵਜੇ ਤੱਕ ਹੋਵੇਗੀ। –ਹਰਿੰਦਰ ਸਿੰਘ
